ភ្ញៀវទេសចរដែលថតរូបបានស្លាប់ ហើយម្នាក់ទៀតរងរបួសបន្ទាប់ពីត្រូវបានវាយប្រហារដោយសត្វសត្វដំរីទឹកមួយក្បាល។
យោងតាមរដ្ឋបាលសត្វព្រៃកេនយ៉ា លោក Chang Ming Chuang អាយុ 66 ឆ្នាំត្រូវបានប្រកាសថាបានស្លាប់នៅពេលមកដល់មន្ទីរពេទ្យ Naivasha។
លោក Wu Peng Te អាយុ 62 ឆ្នាំបានរួចផុតពីការវាយប្រហារនៅក្នុងទីក្រុង Naivasha ប្រទេសកេនយ៉ា។
រដ្ឋបាលសត្វព្រៃកេនយ៉ាបាននិយាយតាមបណ្តាញសង្គម Twitter នៅថ្ងៃអាទិត្យថា “យើងមានការសោកស្តាយក្នុងការប្រកាសអំពីការស្លាប់របស់ភ្ញៀវទេសចរជនជាតិចិនម្នាក់ដែលត្រូវបានវាយប្រហារដោយសត្វដំរីទឹកមួយក្បាល ខណៈកំពុងថតយករូបភាពនៅលើច្រាំងនៃបឹង Naivasha កាលពីម្សិលមិញ”។
“មិត្តរួមការងាររបស់គាត់បានរស់រានមានជីវិតជាមួយនឹងស្នាមជាំតូចៗ ហើយត្រូវបានគេព្យាបាលនៅមន្ទីរពេទ្យ Naivasha។
ពួកគេបានបន្ថែមថាពួកគេកំពុងតាមដានសត្វដំរីទឹក។
កាសែតកេនយ៉ា The Star បានរាយការណ៍ថាបុរសនោះនៅជាមួយមិត្ដភក្ដិដែលថតរូបនៅក្បែរសណ្ឋាគារនៅពេលដែលសត្វដំរីទឹកវាយប្រហារ។
សាក្សីឈ្មោះ James Omollo បាននិយាយថាបុរសនោះបានចូលទៅជិតនឹងសត្វដែលបានបែក្បាលមករកគាត់ ហើយខាំគាត់នៅលើទ្រូង។ គាត់បាននិយាយថាជនរងគ្រោះ “ហូរឈាមច្រើន”។
យោងតាមកាសែតនេះបានឱ្យដឹងថាការវាយប្រហារនេះបានធ្វើឱ្យមនុស្សចំនួន 6 នាក់ដែលត្រូវបានគេវាយប្រហារនិងសំលាប់ដោយសត្វដំរីទឹកនៅក្នុងក្រុង Naivasha តាំងពីដើមឆ្នាំ។
Naivasha គឺជាទីក្រុងមួយនៅលើបឹងដែលមានចម្ងាយ 90 គីឡូម៉ែត្រភាគពាយព្យនៃរដ្ឋធានី Nairobi។
ប្រទេសកេនយ៉ាមានភ្លៀងធ្លាក់ជាច្រើនខែនៅឆ្នាំនេះដែលបណ្តាលឱ្យមានទឹកជំនន់ធ្ងន់ធ្ងររួមទាំងបឹង Naivasha ។
យោងតាមក្រសួងទេសចរណ៍បានឱ្យដឹងថាភ្ញៀវទេសចរជិត 1,5 លាននាក់បានមកទស្សនាប្រទេសកេនយ៉ាកាលពីឆ្នាំមុន៕