(កំពង់ធំ)÷ នៅព្រឹកថ្ងៃទី២៧ ខែមីនា ឆ្នាំ២០២៤
ឯកឧត្តម លី ណារុន រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្ដីពីលទ្ធផលសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ និងអនុសាសន៍ដ៍ខ្ពង់ខ្ពស់របស់សម្តេចមហាបវរអធិបតី ហ៊ុន ម៉ាណែត ចំនួន១៣ចំណុច ក្នុងឱកាសបិទសន្និបាទកាលពីថ្ងៃទី២០ ខែមីនា ឆ្នាំ២០២៤ ដោយមានការអញ្ជើញចូលរួមពីសំណាក់ ថ្នាក់ដឹកនាំ មន្ត្រីរាជការមន្ទីរ នាយករងរដ្ឋបាលខេត្ត ប្រធាន អនុប្រធានមន្ទីរជុំវិញខេត្ត អភិបាលរងក្រុង/ស្រុក និងអង្គការដៃគូក្នុងខេត្ត សរុបចំនួន ៦០នាក់។
លោក តាន់ វាសនា ប្រធានមន្ទីអភិវឌ្ឍន៍ជនបទខេត្តកំពង់ធំស្តីទី បានឡើងធ្វើរបាយការណ៍ពីវឌ្ឍនៈភាពការងារសម្រេចបានឆ្នាំ២០២៣ និងលើកទិសដៅការងារឆ្នាំ២០២៤ ក្នុងការឆ្លើយតបទៅនឹងសំណូមពរប្រជាពលរដ្ឋ ព្រមទាំងលើកកម្ពស់ឧត្តមប្រយោជន៍ជាតិ ដើម្បីប្រែក្លាយកម្ពុជា ជាប្រទេសមានចំណូលកម្រិតខ្ពស់នៅឆ្នាំ២០៣០ និងមានចំណូលខ្ពស់នៅឆ្នាំ២០៥០។
ថ្លែងនៅក្នុងកម្មវិធីនេះ ឯកឧត្តម លី ណារុន រដ្ឋលេខាធិការក្រសួង អភិវឌ្ឍន៍ជនបទ បានលើកឡើងអនុសាសន៍ដ៏ខ្ពង់ខ្ពស់របស់សម្ដេចមហាបវរអធិបតី ហ៊ុន ម៉ាណែត មានខ្លឹមសារ១៣ចំណុចគឺ÷ ១.ក្រសួងអភិវឌ្ឍន៍ជនបទ ត្រូវរៀបចំគោលនយោបាយស្តីពីការអភិវឌ្ឍជនបទឆ្នាំ២០២៥-២០៣៥ និងគោលនយោបាយស្តីពីផ្លូវជនបទឱ្យបានឆាប់បំផុត។ ២.បន្ថយកចិត្តទុកដាក់ពង្រឹងគុណភាពផ្លូវជនបទតាមរយៈការខិតខំ សិក្សាស្រាវជ្រាវ និងអភិវឌ្ឍន៍ ការងារស្ថាបនា ជួសជុល លើកកម្រិត និងកែលម្អផ្លូវជនបទ តាមរយៈបច្ចេកវិទ្យាថ្មីៗ។ ៣.ត្រូវសហការជាមួយក្រសួងសេដ្ឋកិច្ច និងហិរញ្ញវត្ថុ លើថវិកាសម្រាប់ការថែទាំ និងជួសជុលផ្លូវជនបទឱ្យកាន់តែមានគុណភាពខ្ពស់ និងធានាបានការប្រើប្រាស់គ្រប់រដូវ។ ៤.ត្រូវសហការជាមួយក្រសួងសាធារណការ និងដឹកជញ្ជូន និងអាជ្ញាធរ រាជធានីខេត្ត ព្រមទាំងស្ថាប័នពាក់ព័ន្ធលើការងារអភិវឌ្ឍន៍ផ្លូវជនបទ។ ៥.ក្រសួង ស្ថាប័នពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ត្រូវចូលរួមទប់ស្កាត់ឱ្យបាននូវរាល់សកម្មភាពដឹកជញ្ជូនលើសទម្ងន់កម្រិតកំណត់របស់យានយន្តគ្រប់ប្រភេទលើផ្លូវជនបទ។ ៦.សហការជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រសួងធនធានទឹក និងឧតុនិយម និងក្រសួងស្ថាប័នពាក់ព័ន្ធមួយចំនួនទៀត។ ៧.ត្រូវបន្តលើកកម្ពស់ និងកែលម្អលក្ខខណ្ឌរស់នៅរបស់ប្រជាជននៅ តាមជនបទ តាមរយៈការពង្រឹងការអនុវត្តយន្តការដែលមានស្រាប់។ ៨. ត្រូវបន្តជំរុញ និងពង្រីកសកម្មភាពពិពិធកម្មសេដ្ឋកិច្ចជនបទ ដើម្បី លើកកម្ពស់ជីវភាពរស់នៅ និងកាត់បន្ថយភាពក្រីក្រនៅតំបន់ជនបទ។ ៩.ត្រូវរៀបចំធ្វើវិសោធនកម្មដើម្បីធ្វើបច្ចុប្បន្នភាព មុខងារ និងភារកិច្ចរបស់ក្រសួង ដើម្បីឆ្លើយតបទៅនឹងការងារប្រចាំថ្ងៃ
១០- ត្រូវបន្តពង្រីក និងពង្រឹងកិច្ចសហប្រតិបត្តិការល្អជាមួយបណ្តាភាគី ពាក់ព័ន្ធ ដូចជាដៃគូអភិវឌ្ឍន៍ អង្គការមិនមែនរដ្ឋាភិបាលក្នុងស្រុក និងបរទេស វិស័យឯកជន និងបណ្តាប្រទេសជាមិត្តនានា ដើម្បីកៀរគរប្រភពធនធាន ទាំងហិរញ្ញវត្ថុ និងបច្ចេកទេស សម្រាប់ រួមចំណែកគាំទ្រវិស័យអភិវឌ្ឍន៍ជនបទឱ្យកាន់តែមានភាពរីកចម្រើន។ ១១-ត្រូវសិក្សាស្រាវជ្រាវ ប្រមូលផ្តុំ និងគ្រប់គ្រងទិន្នន័យព័ត៌មានស្ថិតិអំពី ស្ថានភាពសេដ្ឋកិច្ច សង្គមកិច្ច និងវប្បធម៌នៅតាមជនបទ។ ១២- លើកទិសដៅផែនការរយៈពេលខ្លី មធ្យម និងវែង លើការងារអភិវឌ្ឍន៍ជនបទដើម្បីកែលម្អស្ថានភាពសេដ្ឋកិច្ច សង្គម និងវប្បធម៌។ ១៣- ក្រសួងអភិវឌ្ឍន៍ជនបទ ត្រូវបន្តយកចិត្តទុកដាក់លើការរៀបចំយុទ្ធសាស្ត្រអភិវឌ្ឍន៍ជនបទ គឺធានាការបង្កើនប្រាក់ចំណូលសម្រាប់គ្រួសារ នៅជនបទប្រកបដោយចីរភាព និងធានាសុខុមាលភាពនៃការរស់នៅរបស់ប្រជាជននៅជនបទ ឱ្យកាន់តែប្រសើរឡើងសំដៅរួមចំណែកដល់ការសម្រេចនូវចក្ខុវិស័យកម្ពុជាឆ្នាំ២០៣០ ជាប្រទេស ចំណូលមធ្យមកម្រិតខ្ពស់ និងឆ្នាំ២០៥០ ជាប្រទេសមានចំណូលខ្ពស់។
ជាចុងក្រោយឯកឧត្តម លី ណារុន រដ្ឋលេខាធិការក្រសួង អភិវឌ្ឍន៍ជនបទ បានផ្ដាំផ្ញើដល់អ្នកចូលរួមទាំងអស់គឺ រាជរដ្ឋាភិបាលកម្ពុជា បានដាក់ចេញនូវយុទ្ធសាស្ត្របបញ្ចកោណដំណាក់កាលទី១(កំណើន ការងារ សមធម៌ប្រសិទ្ធភាព និងចីរភាព) ព្រមទាំងបានកំណត់អាទិភាពគន្លឹះចំនួន៥គឺ មនុស្ស ផ្លូវ ទឹក ភ្លើង និងបច្ចេកវិទ្យា ដើម្បីឱ្យបងប្អូនប្រជាពលរដ្ឋនៅក្នុងមូលដ្ឋានទទួលបានហេដ្ឋារចនាសម្ព័ន្ធគ្រប់ទីកន្លែង។
ព័ត៌មានផ្សេងទៀត
ពិធីប្រកាសសមាសភាពក្រុមការងាររាជរដ្ឋាភិបាលចុះមូលដ្ឋានសង្កាត់ទាំង៨ នៃក្រុងស្ទឹងសែន និងលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានក្រុងស្ទឹងសែន
សម្ដេចធិបតី ហ៊ុន ម៉ាណែត ឧបត្ថម្ភអង្ករចំនួន១០តោន គ្រឿងឧបភោគបរិភោគមួយចំនួនជូនប្រធានគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ
ប្រជាការពារជាង៥២នាក់ ទទួលឯកសណ្ឋានថ្មី ពីអភិបាលស្រុកតាំងគោក ដែលជាអំណោយរបស់ព្រះគ្រូ តុន ពិសី ព្រះចៅអធិការវត្តគុហនគរ និងសប្បុរសជនស្រុកតាំងគោក
ប្រតិបត្តិការ ទ្រង់ទ្រាយធំ ក្រោយការដាក់បទបញ្ជាដោយផ្ទាល់ពី ឯកឧត្តមបណ្ឌិត អ៊ាង សុផល្លែត រដ្ឋមន្ត្រីបរិស្ថាន និង នាយឧត្តមសេនីយ៍ សៅ សុខា មេបញ្ជាការប៉េអឹមផ្ទៃប្រទេស
បុរសម្នាក់ បង្កហិង្សាដោយចេតនា ត្រូវអាវុធហត្ថចាប់់ឃាត់ខ្លួនបញ្ជូនទៅតុលាការ
បរិស្ថាន១រូបគ្រប់គ្រងស្រុកចំនួន 3 ក្នុងខេត្តរតនគិរី បានបើករថយន្តLand cruiser ទៅបុកគោយន្តកែច្នៃ ក្នុងស្ថានភាពស្រវឹង…!
ឡើងបើកគោយន្តថយក្រោយ ខុសបច្ចេកទេស បណ្តាលឲ្យកៀបដៃចង្កូតខ្ទប់សសរផ្ទះស្លាប់ យ៉ាងអាណោចធអាធ័ម
ឧត្តមសេនីយ៍ទោ ម៉ែន លី និងក្រុមការងារ ចុះសួរសុខទុក្ខលោកវរសេនីយ៍ទោ បេង ហ៊ុន មន្ត្រីនគរបាលជាតិដែលសម្រាកព្យាបាលជម្ងឺ នៅគេហដ្ឋាន
អ្នកសារព័ត៌មានកម្ពុជា ថៃនៃសមាគមប្រព័ន្ធផ្សព្វផ្សាយព័ត៌មានអាស៊ាន(UMA) ទស្សនកិច្ចសិក្សានៅសារមន្ទីរកងទ័ពអាកាសភូមិន្ទថៃ
ឯកឧត្តម នួន ណុំ លោកជំទាវ លំ គន្ធារី បានដឹកនាំកិច្ចប្រជុំអធិការកិច្ច ស្ដីពីការចុះធ្វើអធិការកិច្ចលើ ការអនុវត្តតួនាទី/ភារកិច្ច ការគ្រប់គ្រង ការផ្ដល់សេវាសាធារណៈ ការអនុវត្តគម្រោងសាងសង់ ជួសជុល ថែទាំហេដ្ឋារចនាសម្ព័ន្ធ ក្នុងកាលបរិច្ឆេទឆ្នាំ២០២២ និងបណ្ដាឆ្នាំពាក់ព័ន្ធ
អភិបាលខេត្តប៉ៃលិន ចុះពិនិត្យមើលស្រូវប្រាំងដែលកំពុងខ្វះខាតទឹកនៅឃុំស្ទឹងត្រង់ ដើម្បីធ្វើការអន្តរាគមន៍ជួយសង្គ្រោះបានទាន់ពេលវេលា
ប្រជាពលរដ្ឋ រិះគន់ទីតាំងលក់ដូរមួយកន្លែងធ្វើឱ្យប៉ះពាល់សោភណភាពក្រុងកំពង់ឆ្នាំង
ស្ត្រីមេម៉ាយ ទីទាល់ក្រីក្រ រងគ្រោះដោយភ្លើងឆេះផ្ទះទាំងស្រុង ទទួលអំណោយសម្តេចហ៊ុន ម៉ាណែត និងលោកជំទាវ
ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត៖ ក្រុមការងារចុះបញ្ជីដីក្នុងតំបន់២ និងតំបន់៣កាត់ឆ្វៀលមកតំបន់២ ត្រូវអនុវត្តការងារប្រកបដោយក្រមសីលធម៌វិជ្ជាជីវៈឲ្យបានល្អ
ករណីគាស់ផ្នូរនៅទីទួលស្មសាន ក្នុងស្រុកបរិបូរណ៍ ត្រូវបានផ្អាកជាបណ្តោះអាសន្ន ដោយមិនមានការគាស់ផ្នូរបន្តទៀតទេ
ក្មេងប្រុសអាយុ៤ឆ្នាំ ជាប់ក្នុងរថយន្តសាលាអន្ដរជាតិកុលបុត្របញ្ញា ជាង៤ម៉ោង រហូតថប់ដង្ហើមស្លាប់
មន្ទីរកសិកម្ម និងលោកអភិបាលស្រុក បានចុះពិនិត្យស្រែប្រាំងប្រជាកសិករ៨០ហិចតា ដែលរងការខ្វះខាតទឹក នៅស្រុកស្ទោង
បញ្ជាការដ្ឋានតំបន់ប្រតិបត្តិការសឹករងកំពង់ធំ ប្រជុំបូកសរុបលទ្ធផលការងារយោធាសន្តិសុខ ប្រចាំខែមករា និងដាក់ចេញទិសដៅអនុវត្តបន្តខែកុម្ភៈឆ្នាំ២០២៤។
អាជ្ញាធរខេត្តកំពង់ធំ ចេញបទបញ្ជាលុបក្បាលប្រឡាយបង្ហូរទឹកទៅកាន់តំបន់ដីរក្សាទុករបស់រដ្ឋ បន្ទាប់ពីមានជនខិលខូចលួចកាយ
អភិបាលខេត្តកំពង់ធំចុះត្រួតពិនិត្យទីតាំងដីតំបន់៣ ដែលរងការទន្ទ្រានឈូសឆាយជាច្រើនហិចតាដោយខុសច្បាប់ នៅស្រុកស្ទោង