អភិបាលរងខេត្តកំពង់ធំជំរុញឲ្យសមាគមក្រុមប្រឹក្សា ក្រុង ស្រុក ឃុំ សង្កាត់ អនុវត្តឱ្យបាននៅគោលការណ៍៩ ចំណុចសំខាន់ៗ

(កំពង់ធំ) ៖ ឯកឧត្តម ចាន់ តារា អភិបាលរងខេត្តកំពង់ធំជំរុញឲ្យសមាគមក្រុមប្រឹក្សា ក្រុង ស្រុក ឃុំ សង្កាត់ ខេត្តអនុវត្តឱ្យបាននៅគោលការណ៍ ៩ចំណុចសំខាន់ៗ។

ឯកឧត្តមថ្លែងក្នុងពិធីបិទកិច្ចប្រជុំក្រុមប្រឹក្សាសមាគម របស់សមាគមក្រុមប្រឹក្សា ក្រុង ស្រុក ឃុំ សង្កាត់ ខេត្តកំពង់ធំ លើកទី៥ អាណត្តិទី៣ ប្រចាំឆ្នាំ២០២៣ និងលើកទិសដៅការងារឆ្នាំ២០២៤ ដោយមានកិច្ចសហការជាមួយសមាគមក្រុមប្រឹក្សាមូលដ្ឋាន និងសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន អង្ការ AEA ព្រឹកថ្ងៃទី២០ ខែមីនា ឆ្នាំ២០២៤នៅសាលប្រជុំរដ្ឋបាលខេត្តកំពង់ធំ។

លោក គៀង សេងគី ប្រធានសមាគមក្រុមប្រឹក្សាថ្នាក់មូលដ្ឋានខេត្តកំពង់ធំបានធ្វើរបាយការណ៍ព្រមទាំងផ្ដល់អនុសាសន៍ដល់សមាជិកទាំងអស់ត្រូវខិតខំបង្កើនសមត្ថភាពរបស់ខ្លួន ព្រមទាំងចូលរួមរៀបចំផែនការយុទ្ធសាស្ត្រឲ្យបានប្រសើរឡើងដើម្បីឆ្លើយតបទៅនឹងផែនការសកម្មភាពរបស់ខ្លួន និងអនុវត្តតួនាទីឱ្យបានល្អជៀសវាងការអនុវត្តផ្ទុយភារកិច្ចដែលធ្វើឲ្យប៉ះពាល់ដល់តួនាទីព្រមទាំងប្រឈមមុខនិងច្បាប់ទៀតផង។

ឯកឧត្តម ចាន់ តារា បានសម្តែងនូវការអបអរសាទរចំពោះលទ្ធផលជាផ្លែផ្កានៃកិច្ចប្រជុំក្រុមប្រឹក្សា សមាគម លើកទី៥ អាណត្តិទី៣ ប្រចាំឆ្នាំ២០២២៣ ដែលផ្តល់ឱកាសឱ្យក្រុមប្រឹក្សាសមាគម ត្រួតពិនិត្យ និងវាយតម្លៃលើសមិទ្ធផលសម្រេចបាន ដោយបានចែករំលែកមេរៀន បទពិសោធន៍ល្អៗ  ព្រមទាំងបានកំណត់ទិសដៅការងារដែលត្រូវបន្តអនុវត្តក្នុងឆ្នាំ ២០២៤ ក្នុងគោលបំណង លើកកម្ពស់ និងពង្រឹងការអនុវត្តសិទ្ធិ អំណាច តួនាទី និងការទទួលខុសត្រូវស្របច្បាប់របស់ក្រុមប្រឹក្សាក្រុង ស្រុក ឃុំ សង្កាត់នៅទូទាំង ខេត្តកំពង់ធំ។ ឯកឧត្តម សង្ឃឹមយ៉ាងមុតមាំថា អង្គអភិបាលកិច្ច នៃសមាគមក្រុមប្រឹក្សាថ្នាក់មូលដ្ឋានខេត្តកំពង់ធំ អាណត្តិទី៣ នេះ នឹងខិតខំប្រឹង ប្រែងអនុវត្តតួនាទីរបស់ខ្លួន ដើម្បីនាំមកនូវសមិទ្ធផលថ្មីៗបន្ថែមទៀតជូនដល់សមាជិករបស់ខ្លួន។
ឯកឧត្តម ចាន់ ដារា បានរំលេចនូវចំណុចអត្ថិភាព៩ដូចខាងក្រោម៖

១. ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត។
២. គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើស គ្រប់ប្រភេទ។
៣. មានសណ្តាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍។
៤. គ្មានអំពើអនាចារ គ្មានការជួយញដូរមនុស្ស ពិសេសស្រ្តីនិងកុមារ គ្មានអំពើហឹង្សា ក្នុងគ្រួសារ និងគ្មានក្មេងទំនើង។
៥. ដោះស្រាយវិវាទនៅមូលដ្ឋានក្រៅប្រព័ន្ធតុលាការប្រកបដោយគុណភាព និងប្រសិទ្ធភាព
៦. មានអនាម័យ មានសោភ័ណភាពល្អ និងបរិស្ថានល្អ។
៧. ឆ្លើយតបបានទាន់ពេលវេលាចំពោះគ្រោះមហន្តរាយ និងរាល់ជំងឺរាតត្បាតកាចសាហាវ ប្រកបដោយប្រសិទ្ធភាព។
៨. សូមឲ្យសមាគមក្រុមប្រឹក្សាថ្នាក់មូលដ្ឋាន ខេត្តកំពង់ធំ ខិតខំរិះរកមធ្យោបាយ ដើម្បី ធ្វើការបណ្តុះបណ្តាលដល់សមាជិកក្រុមប្រឹក្សាក្រុង ស្រុក ឃុំ សង្កាត់ របស់ខ្លួនឲ្យបានគ្រប់ៗគ្នា ដើម្បីមានសមត្ថភាពគ្រប់គ្រាន់ក្នុងការបំពេញ តួនាទី និងភារកិច្ចដើម្បីផ្តល់សេវាសាធារណៈជូន ប្រជាពលរដ្ឋ និងដោះស្រាយបញ្ហា ប្រឈមឲ្យបានល្អប្រសើរប្រកបដោយភាពពេញចិត្ត។
៩. សូមឲ្យក្រុមប្រឹក្សារដ្ឋបាលថ្នាក់ក្រោមជាតិ ស្វែងយល់ពីច្បាប់ និង លិខិតបទដ្ឋាន គតិយុតនានា ហើយអនុវត្តន៍ឲ្យបានត្រឹមត្រូវតាមការណែនាំ។

ជាទីបញ្ចប់ឯកឧត្តមសូមថ្លែងអំណរគុណយ៉ាងជ្រាលជ្រៅចំពោះសមាគមក្រុមប្រឹក្សាថ្នាក់មូល ដ្ឋានខេត្តកំពង់ធំ ដែលក្នុងរយៈពេលកន្លងមកនេះ បានខិតខំអនុវត្តតួនាទីភារកិច្ចរបស់ខ្លួន ដើម្បី បង្កើតសមិទ្ធផលធំៗជាច្រើន និងបានចូលរួមចំណែកយ៉ាងសកម្មក្នុងកម្មវិធីកំណែទម្រង់នានា របស់រាជរដ្ឋាភិបាល ជាពិសេសកំណែទម្រង់វិមជ្ឈការ និងវិសហមជ្ឈការ ស្របតាមលក្ខន្តិកៈ របស់ខ្លួនដែលបានតម្កល់នៅក្រសួងមហាផ្ទៃ ព្រមទាំងបន្តការគាំទ្រដល់ការអនុវត្តសកម្មភាព របស់សមាគម ក្នុងការជួយដោះស្រាយបញ្ហាប្រឈមនានាដែលសមាជិកកំពុងជួបប្រទះក្នុង ការ ផ្តល់ សេវាជូនប្រជាពលរដ្ឋ។

ព័ត៌មានផ្សេងទៀត

លោកស្រី ស៊ិន ស៉ីផាន បានផ្សព្វផ្សាយពីការទប់ស្កាត់ការរំលោភសេពសន្ថវៈ និងការជួញដូរមនុស្ស នៅឃុំតាំងក្រសាំង ព្រឹត្តិការណ៍បុណ្យទន្លេលើកទី៨ នៅខេត្តសៀមរាប ព្រឹត្តិការណ៍បុណ្យទន្លេលើកទី៨ ឆ្នាំ២០២៤ ក្រោមប្រធានបទ (ទន្លេដើមី្បសន្តិភាពនិងការអភិវឌ្ឍ) និងឆ្នាំទស្សនាខេត្តសៀមរាប២០២៤ លោកឃូ សុផាន់ នាសេនាធិការតំបន់ប្រតិបត្តិការសឹករងខេត្តកំពង់ឆ្នាំង រងការចោទប្រកាន់ថាក្លែងងបន្លំឯកសារ ជួញដូរលក់ឈ្មោះនាយទាហានដែលទទួលមរណភាព ប្រជាពលរដ្ឋឃុំក្រាំងលាវ ខេត្តកំពង់ឆ្នាំង សម្តែងក្តីរីករាយ ខណៈទទួលបានសមទ្ធិផលស្ពានដែកតម្លៃជាង៥ម៉ឺនដុល្លា ជាអំណោយសប្បុរសជន រយៈពេល២ឆ្នាំ ខេត្តកំពង់ឆ្នាំង បញ្ជូនជនសង្ស័យ១១នាក់ទៅតុលាការ ឃុំខ្លួនបណ្តោះអាសន្ន៤នាក់ ពាក់ព័ន្ធបទល្មើសនេសាទ ការបោះឆ្នោតជ្រើសតាំងសមាជិកព្រឹទ្ធសភានីតិកាលទី ៥ ត្រូវបានដំណើរការយ៉ាងរលូន និងចាប់ដំណើរការវេលាម៉ោង ៧.០០ ព្រឹក បញ្ជាការដ្ឋានតំបន់ប្រតិបត្តិការសឹករងកំពង់ធំ បិទ​វគ្គ​ផ្សព្វផ្សាយការងារចុះបញ្ជីគ្រប់គ្រងគ្រឿងបំពាក់សម្ភារៈបច្ចេកទេស តាមប្រព័ន្ធបច្ចេកវិទ្យា ។ ជនរងគ្រោះ ដោយភ្លើងឆេះផ្ទះ២គ្រួសារនៅស្រុកសាមគ្គីមានជ័យ ទទួលអំណោយសម្ដេចហ៊ុន ម៉ាណែត និងលោកជំទាវ រយៈកាល៤ថ្ងៃហើយ នៅឡើយពន្លឺយុត្តិធម៌នៅតែគ្មានសំរាប់ជនរងគ្រោះដែលបានស្លាប់បាត់បង់ជីវិត….ឥឡូវនេះបានទទួលព័ត៌មានច្បាស់ការហើយអំពីប្រវត្តិនៃជនបង្ក ដែលបើករថយន្តបុកសិស្សសាលាម្នាក់ស្លាប់នៅនឹងកន្លែងកើតហេតុ។ ស្រូវប្រាំងរបស់ប្រជាពលរដ្ឋ ចំនួន ១១៥ហិកតា ត្រូវបានក្រុមការងារគណបក្សចុះមូលដ្ឋានឃុំសែបនិងស្រុកកំពង់ត្រឡាយបូមទឹកជួយសង្គ្រោះ ពិធីប្រជុំបូកសរុបការអនុវត្តតួនាទីភារកិច្ច និងវឌ្ឍនៈភាពការងារកងរាជអាវុធហត្ថប្រចាំខែកុម្ភៈ ទិសដៅខែមិនា ឆ្នាំ២០២៤ និងបំពាក់ឋានន្តរសក្តិជូនយោធិនជានាយទាហានថ្នាក់វរសេនីយ៍ត្រី ចំនួន២រូប នៃកងរាជអាវុធហត្ថខេត្ត អគ្គិភ័យឆាបឆេះរោងចិញ្ចឹមមាន់០២ខ្នងនិង សម្ភារៈជាច្រើនសរុបជាទឹកប្រាក់ប្រមាណ២០ម៉ឺនដុល្លា យុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ នៅខេត្តកំពង់ឆ្នាំង មានអ្នកចូលរួម ប្រមាណជាង១ ម៉ឺន៥ពាន់នាក់ មន្ត្រីនគរបាលចរាចរណ៍ផ្លូវគោកខេត្តពោធិ៍សាត់កំពុងបំពេញភារកិច្ចអនុវត្តច្បាប់ចរាចរណ៍ផ្លូវគោកនៅមុនពេលបុណ្យចូលឆ្នាំច៨ននិងវៀតណាមមកដល់នាពេលខាងមុខ កម្លាំងអធិការដ្ឋាននគរបាលស្រុកកំពង់ត្រឡាច ឃាត់អ្នកបើកបរ១០៥នាក់ និងម៉ូតូ៦៦គ្រឿង អប់រំ ណែនាំអនុវត្តន៍ច្បាប់ចរាចរណ៍ផ្លូវគោក ស្លាប់ម្នាក់ និង៦៤នាក់ទៀតកំពុងសង្គ្រោះនៅមន្ទីរពេទ្យ សង្ស័យពុលនំបញ្ចុក អភិបាលស្រុកតាំងគោក ស្ទុះស្ទាយ៉ាងមុតមាំដើម្បីដោះស្រាយទឹកជូនប្រជាពលរដ្ឋធ្វើស្រែប្រាំងប្រមាណ៣៥០ហិកតា ឯកឧត្តម ងួន រតនៈ  ដឹកនាំកម្លាំងចម្រុះចុះពិនិត្យមើលស្ថានភាពដែលរំលោភដីរដ្ឋ ក្នុងតំបន់ហាមឃាត់(តំបន់បី) នៅសង្កាត់ស្រយ៉ូវ ក្រសួងបរិស្ថានរំលែកទុក្ខការស្លាប់មន្ត្រី ៣រូបក្នុងបុព្វហេតុការពារធនធានធម្មជាតិ ពលរដ្ឋជិត ៥០០គ្រួសារស្នើសម្ដេចអន្តរាគមន៍ទំនាស់ដីធ្លី