រាជធានីភ្នំពេញ ៖ នៅក្នុងឱកាសចូលរួមជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងកសិកម្ម រុក្ខាប្រម៉ាញ់ និងនេសាទ នាថ្ងៃទី៣០ ខែមករា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានជំរុញអាជ្ញាធរទន្លេសាប និងស្ថាប័នពាក់ព័ន្ធ ឲ្យបន្តអនុវត្តការចុះបញ្ជីដីធ្លី និងកំណត់ព្រំដែននៅតំបន់ព្រៃលិចទឹកជុំវិញបឹងទន្លេសាប ប្រកបដោយសុក្រឹតភាព ចីរភាព និងបរិយាបន្ន ដើម្បីថែរក្សាព្រៃលិចទឹក ត្រី ជាពិសេសជីវៈចម្រុះ សម្រាប់ផលប្រយោជន៍រួម និងមនុស្សជំនាន់ក្រោយ។
នាឱកាសនោះ សម្តេចធិបតី បានប្រកាសប្រើធម៌ក្តៅទាក់ទងនឹងដីអភិរក្សបឹងទន្លេសាប «តំបន់៣» ដោយត្រូវអនុវត្តនូវអភិក្រមទាំង ៥ របស់អតីតនាយករដ្ឋមន្ត្រីសម្តេច ហ៊ុន សែន ផងដែរ។
សម្តេចធិបតី ហ៊ុន ម៉ាណែត បានថ្លែងថា នៅឆ្នាំ ២០១១ អនុក្រឹត្យបានកំណត់ដីព្រៃលិចទឹកស្ថិតនៅក្នុងតំបន់ ៣ ឱ្យទៅជាតំបន់ការពារដាច់ខាត។ ប៉ុន្តែការកំណត់នោះកន្លងទៅ គឺមិនបានយកចំណុចដែលមានភូមិនៅទីនោះយូរពីមុនមក ទើបអតីតនាយករដ្ឋមន្ត្រីសម្តេច ហ៊ុន សែន បានគិតគូរនៅក្នុងការកែសម្រួលនៅក្នុងតំបន់នេះជាក់ស្តែង។ ក្នុងនោះ បានកែពីតំបន់ ៣ មួយចំនួន ទៅជាតំបន់ ២ ដែលប្រជាពលរដ្ឋមានសិទ្ធិបង្កបង្កើនផល អាស្រ័យផល និងកែពីតំបន់ ២ ទៅតំបន់ ១ ដែលជាតំបន់ប្រជាពលរដ្ឋអាចមានសិទ្ធិធ្វើកម្មសិទ្ធិលំនៅឋាន។
ទន្ទឹមនោះសម្តេចធិបតី ក៏បានបញ្ជាក់ថា ក្រោយពីបទដ្ឋាននិងការវិវត្តនេះ គឺមានករណីរំលោភបំពានធ្ងន់ធ្ងរនៅឆ្នាំ ២០២១ និងឆ្នាំ ២០២២ ហើយសម្តេចតេជោ ក៏ បានដាក់បទបញ្ជាយ៉ាងតឹងរ៉ឹងនៅក្នុងការកំណត់ភូមិសាស្ត្រផ្អែកទៅលើស្ថានភាពជាក់ស្តែង ព្រោះយើងត្រូវមានសុខដុមនីយកម្មរវាងបរិស្ថាន និងមនុស្ស។ សម្តេចថា ការកំណត់ត្រូវធានាទាំងមនុស្សក៏បានផល និងបរិស្ថានចាំបាច់ក៏ត្រូវការពារ ហើយបរិស្ថានទន្លេសាប គឺដើម្បីមនុស្ស ហើយការថែរក្សាព្រៃលិចទឹកជាជម្រកត្រីពង បើត្រីខ្សត់នោះនឹងទិញត្រីចូល ហើយឆ្នាំនេះឃើញផលត្រីកើនឡើងល្អ។
សម្តេចធិបតីបន្តថា រាជរដ្ឋាភិបាលអាណត្តិទី ៧ នេះ គឺនឹងបន្តកិច្ចការងារនេះគឺត្រូវធ្វើឱ្យចប់ដោយសុក្រឹតភាព និងប្រសិទ្ធភាពតាមគោលការណ៍ដែលបានដាក់ចេញ។
យ៉ាងណាក៏ដោយ សម្តេចធិបតី ហ៊ុន ម៉ាណែត ថ្លែងថា ពិតណាស់ក្រសួងកសិកម្មមិនពាក់ព័ន្ធផ្ទាល់ប៉ុន្មានទេ ពាក់ព័ន្ធអាជ្ញាធរទន្លេសាប អាជ្ញាធរមូលដ្ឋានផ្សេងៗ ប៉ុន្តែកសិកម្មក៏ពាក់ព័ន្ធរឿងមច្ឆា ហើយអាជ្ញាធរដែលទទួលខុសត្រូវគឺអាជ្ញាធរទន្លេសាប។
សម្តេចធិបតីបន្តថា ប្រសិទ្ធភាពការងារនៅពេលនេះគឺការពារឱ្យបានជាដាច់ខាតនូវតំបន់បឹងទន្លេសាបដែលជាទ្រព្យសម្បត្តិរួមរបស់ជាតិដែលកិច្ចការងារនេះ អាជ្ញាធរទន្លេសាប អាជ្ញាធរដែនដីនិងកងកម្លាំងសមត្ថកិច្ចត្រូវចូលរួមអនុវត្តឱ្យបានហ្មត់ចត់ ជាពិសេសពាក់ព័ន្ធការទន្ទ្រានព្រៃទឹកសាប៕
ព័ត៌មានផ្សេងទៀត
កម្ពុជាអាចនឹងមាន ទឹកស្អាតប្រើប្រាស់ នៅទូទាំងប្រទេស នាឆ្នាំ២០៣០ និងធានា ការផ្គត់ផ្គង់ទឹកស្អាត ប្រកបដោយនិរន្តរភាព
សម្តេចមហាបវរធិបតី ហ៊ុន ម៉ាណែត ចាប់ផ្តើមដំណើរបំពេញទស្សនកិច្ចផ្លូវការ នៅទីក្រុងប៉ារីស សាធារណរដ្ឋបារាំង និងទទួលការស្វាគមន៍ យ៉ាងរាក់ទាក់កក់ក្តៅ ពីសំណាក់ឯកឧត្តម Emmanuel Macron ប្រធានាធិបតី នៃសាធារណរដ្ឋបារាំង
តាំងពិព័ណ៍ ផលិតផលក្នុងស្រុក ភូមិមួយផលិតផលមួយ នៅក្រុងស្ទឹងសែន ខេត្តកំពង់ធំ
បញ្ជូនខ្លួនជនសង្ស័យ២នាក់ ទៅតុលាការ ពាក់ព័ន្ធករណីគ្រឿងញៀន
ស្រែប្រាំងប្រជាកសិករ ក្នុងឃុំគោកបន្ទាយ ប្រមាណ៣៨០ហិកតា ត្រូវបានជួយសង្គ្រោះ
ឆៀកយានយន្ត ខេត្តកំពង់ធំ បម្រើសេវាជូន ប្រជាពលរដ្ឋ ដែលមានយានយន្ត ត្រូវយកមកពីនិត ឱ្យបានត្រឹមត្រូវ ដើម្បីមានសុវត្ថិភាព ក្នុងការធ្វើដំណើរ
ឯកឧត្តមបណ្ឌិត ថោង ខុន ៖ ខួប៤៥ឆ្នាំ ទិវាជ័យជម្នះ៧មករា កម្ពុជាសម្រេចបាន សមិទ្ធផលធំៗ ជាច្រើនលើគ្រប់វិស័យ
ជនជាតិវៀតណាម៤នាក់ ខួងយករ៉ែ ដោយគ្មានច្បាប់អនុញ្ញាតិ ត្រូវបាន អាវុធហត្ថខេត្តឃាត់ខ្លួន បញ្ជូនទៅតុលាការ
អគ្គីភ័យ បានលេបត្របាក់ ផ្ទះមួយខ្នង ឆេះក្លាយជាផេះ ខណ:ម្ចាស់រវល់ទៅហូបអី នៅទំនប់ទឹកស្អាត
កុមារក្រិសក្រិន និងកុមារស្គមស្គាំង នៅតែជាបញ្ហាអាទិភាព ដែលទាមទារឱ្យ ក្រសួង-ស្ថាប័នពាក់ព័ន្ធ រួមគ្នាដោះស្រាយ
លោក កឹម សុខា មិនចូលរួមចលនាសង្គ្រោះជាតិទេ
អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី
ក្រសួងការបរទេសចេញសេចក្តីប្រកាសព័ត៌មានក្រោយបញ្ចប់កិច្ចប្រជុំកំពូលមេគង្គ-ឡានឆាង លើកទី២
សម្តេច ស ខេង ប្រកាសលុបបំបាត់ការដាក់ប៉ុស្តិ៍ត្រួតពិនិត្យនៅទូទាំងប្រទេស
ស្នងការរាជធានីភ្នំពេញ ប្រកាសចាត់វិធានការក្តៅចំពោះការប្រើប្រាស់អាវុធដោយខុសច្បាប់
រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស
រដ្ឋាភិបាលកម្ពុជា សម្រេចបង្កើតក្រុមការងារដើម្បីធ្វើវិសោធនកម្មរដ្ឋធម្មនុញ្ញ
ចិនផ្តល់ជំនួយជាសម្ភារ បរិក្ខារ ចំនួន៣០មុខ ដល់គ.ជ.ប សម្រាប់ដំណើរការបោះឆ្នោតជាតិខាងមុខនេះ
ការប្រមូលចំណូលពីវិស័យជលផល ក្នុងរយះពេល១១ខែឆ្នាំនេះ បានជិត៣ពាន់លានរៀល
សម្តេច ហ៊ុន សែន៖ ទំនាក់ទំនងការទូតរវាងកម្ពុជា និងកូរ៉េ គឺជាទំនាក់ទំនងដ៏ជោគជ័យដ៏ធំបំផុតមួយ