បងប្អូនប្រុសម្តាយទីទៃជនជាតិអាមេរិកដែលត្រូវបានកាត់ទោសដោយកំហុសនឹងទទួលបានប្រាក់ចំនួន ៨៤ លានដុល្លារ

មេធាវីរបស់ពួកគេបាននិយាយកាលពីថ្ងៃចន្ទទី ១៧ ខែឧសភា ថា បងប្អូនប្រុសម្តាយទីទៃជនជាតិអាមេរិកកាត់អាហ្រ្វិក ២ នាក់ដែលបានជាប់ពន្ធនាគាររយៈពេល ៣១ ឆ្នាំនៅរដ្ឋ North Carolina ភាគខាងត្បូងសហរដ្ឋអាមេរិកពីបទឧក្រិដ្ឋដែលពួកគេមិនបានប្រព្រឹត្តិត្រូវបានផ្តល់ប្រាក់ចំនួន ៨៤ លានដុល្លារអាមេរិក។

លោក Des Hogan បានប្រាប់ AFP ថា៖ «នេះគឺជាសាលក្រមតុលាការដ៏ធំបំផុតដែលមិនធ្លាប់មាននៅក្នុងការផ្តន្ទាទោសខុសក្នុងប្រវត្តិសាស្ត្រសហរដ្ឋអាមេរិក។

លោក Henry Lee McCollum និងប្អូនប្រុសម្តាយទីទៃរបស់គាត់ឈ្មោះ Leon Brown ដែលពួកគេទាំងពីរជាមនុស្សមានបញ្ញាខ្សោយត្រូវបានកាត់ទោសពីបទរំលោភនិងសម្លាប់ក្មេងស្រីអាយុ ១១ ឆ្នាំ កាលពីឆ្នាំ ១៩៨៣ ។ ពួកគេមានអាយុ ១៩ និង ១៥ ឆ្នាំ នៅពេលត្រូវបានចាប់ខ្លួន ហើយបានអះអាងថាត្រូវបានបង្ខំឲ្យចុះហត្ថលេខាលើចម្លើយសារភាព។

ការផ្តន្ទាទោសរបស់ពួកគេត្រូវបានបដិសេធចោលក្នុងឆ្នាំ ២០១៤ បន្ទាប់ពីការរកឃើញភស្តុតាង DNA ដែលទទួលស្គាល់បុរសម្នាក់ទៀតនៅកន្លែងដែលសាកសពក្មេងស្រីត្រូវបានរកឃើញ។

លោក McCollum និងលោក Brown បានបន្តរឿងក្តីសិទ្ធិស៊ីវិលសហព័ន្ធនិងតុលាការកាលពីថ្ងៃសុក្របានផ្តល់ប្រាក់សំណងដល់ពួកគេចំនួន ៨៤ លានដុល្លារជាសំណងខូចខាត ការសងជំងឺចិត្ត និងអត្ថប្រយោជន៍។

លោក Hogan បានមានប្រសាសន៍ថា “តុលាការបានផ្ញើសារមួយថាសម័យមុននៃការមិនយកចិត្តទុកដាក់នឹងសិទ្ធិរបស់អ្នកក្រ មនុស្សមានពណ៌សម្បុរខុសគ្នា អ្នកដែលមិនត្រូវបានយកចិត្តទុកដាក់នៅក្នុងតំបន់ជនបទបានកន្លងផុត”។ លោក Hogan បាននិយាយថា “ពួកគេរំភើបដែលពួកគេបានឈ្នះ ពួកគេសប្បាយចិត្ត ដែលតុលាករបាននិយាយថាមន្ត្រីច្បាប់ខុស”។ ពួកគេមិនមានទោស៕

ព័ត៌មានផ្សេងទៀត

ត្រីក្រពតជាអាហារដ៏ពេញនិយមសម្រាប់ប្រជាជនជប៉ុន កូរ៉ូណាវីរុស៖ វេជ្ជបណ្ឌិតឯកទេសខាងវះកាត់ប្រព័ន្ធសរសៃប្រសាទដ៏ល្បីលើពិភពលោកស្លាប់បន្ទាប់ពីត្រូវបានគេធ្វើរោគវិនិច្ឆ័យឃើញថាមាន COVID-19 ប្រជាជនហ្វីលីពីនកែច្នៃផេះភ្នំភ្លើង សំរាមប្លាស្ទិកទៅជាឥដ្ឋ ព្រះអង្គម្ចាស់ក្សត្រីជប៉ុន Kako មានព្រះជន្ម ២៥ ព្រះវស្សា ICC ធ្វើការស៊ើបអង្កេតអំពីវិបត្តិជនជាតិរ៉ូហ៊ីងយ៉ា ចិនបើកសារមន្ទីរតែខ្មៅឥដ្ឋដំបូងគេ ប្រទេសនានាសន្យាផ្តល់ថវិកាចំនួន ៩,៨ កោដិដុល្លារសម្រាប់មូលនិធិអាកាសធាតុ ពិធីដង្ហែការឡើងគ្រងរាជ្យនឹងរៀបចំឡើងវិញនៅថ្ងៃទី ១០ ខែវិច្ឆិកា អាស៊ានចាត់វិធានការកាត់បន្ថយកាកសំណល់ប្លាស្ទិកមហាសមុទ្រ ពិធីបុណ្យ Kumbh Mela សាសនាហិណ្ឌូចាប់ផ្តើម ពាណិជ្ជករបំផុសតួអង្គវីដេអូហ្គេម Super Mario បានស្លាប់នៅអាយុ 84 ឆ្នាំ លោក Duterte ប្រឈមនឹងបណ្តឹងថ្មីរបស់ ICC ព្រះមហាក្សត្រិយានីរបស់ថៃត្រូវបានបញ្ជូនទៅមន្ទីរពេទ្យ កាសែតនៅទូទាំងអាមេរិកបានរិះគន់លោក Trump អតីតជំនួយការប្រធានាធិបតីហៅលោក Trump ប្រកាន់ពូជសាសន៍ ក្មេងប្រុស 11 នាក់និងគ្រូបង្វឹករបស់ពួកគេកោសក់បួសជាលោកនេននិងព្រះសង្ឃ ភរិយារបស់នាយករដ្ឋមន្ត្រីអ៊ីស្រាអែល Netanyahu ត្រូវបានចោទប្រកាន់ពីបទក្លែងបន្លំ ត្រីបាឡែនមួយក្បាលស្លាប់ក្រោយពីលេបថង់ប្លាស្ទីក សកម្មជនសិទ្ធិមនុស្សនៅអារ៉ាប់ត្រូវបានចាប់ខ្លួន ការប្រមូលផ្តុំគ្នានៅកូរ៉េខាងត្បូងបានជំទាស់ជំហររបស់លោក Moon លើកូរ៉េខាងជើង