រុស្ស៊ីនិងឥណ្ឌាព្រមព្រៀងពង្រឹងចំណងទំនាក់ទំនងសេដ្ឋកិច្ច

ប្រទេសរុស្ស៊ីនិងឥណ្ឌាបានព្រមព្រៀងគ្នាពង្រឹងចំណងទាក់ទងសេដ្ឋកិច្ចនិងសន្តិសុខខណៈដែលកំពុងបង្កើនទំនាក់ទំនងជិតស្និទ្ធលើវិស័យផ្សេងៗទៀត។

កិច្ចព្រមព្រៀងនេះបានធ្វើឡើងនៅក្នុងកិច្ចប្រជុំកំពូលមួយរវាងប្រធានាធិបតីរុស្ស៊ីលោក Vladimir Putin និងនាយករដ្ឋមន្ត្រីឥណ្ឌាលោក Narendra Modi នៅក្នុងទីក្រុង Sochi ភាគខាងត្បូងប្រទេសរុស្ស៊ីកាលពីថ្ងៃចន្ទ។

រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយថាមេដឹកនាំទាំងពីរបានព្រមព្រៀងថាស្ថាបត្យកម្មថ្មីនៃសន្តិសុខនិងកិច្ចសហប្រតិបត្តិការនៅក្នុងតំបន់អាស៊ីប៉ាស៊ីហ្វិកគួរតែផ្អែកលើគោលការណ៍មិនបែងចែកប្លុក ការបើកចំហ និងសន្តិសុខដែលមិនអាចបំបែកបាន។

ចំពោះផ្នែកសេដ្ឋកិច្ច លោក Lavrov បាននិយាយថាលោក Putin និងលោក  Modi បានព្រមព្រៀងគ្នាបើកការចរចារជាមួយទស្សនៈមួយ ដើម្បីបង្កើតតំបន់ពាណិជ្ជកម្មសេរីមួយនៃសហភាពសេដ្ឋកិច្ចអ៊ុយរ៉ាសៀ (Eurasian Economic Union) ឬ EAEU និងឥណ្ឌានៅរដូវស្លឹកឈើជ្រុះនេះ។

EAEU គឺសហភាពសេដ្ឋកិច្ចដឹកនាំដោយរុស្ស៊ីដែលជាអតីតសាធារណរដ្ឋសូវៀត។

ប្រទេសរុស្ស៊ីត្រូវបានគេសម្លឹងឃើញថានឹងបង្កើនចំណងទំនាក់ទំនងជាមួយប្រជាជាតិអាស៊ីចាប់តាំងពីទំនាក់ទំនងរបស់ខ្លួនជាមួយប្រទេសលោកខាងលិចមានភាពល្អក់កករជុំវិញស្ថានភាពនៅអ៊ុយក្រែននិងស៊ីរី។

វាក៏ទំនងជាមានបំណងជំរុញអោយមានទំនាក់ទំនងជិតស្និទ្ធជាមួយឥណ្ឌាដើម្បីកាត់បន្ថយការពឹងផ្អែកសេដ្ឋកិច្ចរបស់ខ្លួនលើប្រទេសចិន។

ប្រទេសឥណ្ឌាកំពុងចាត់វិធានការផ្នែកការទូតដែលមានតុល្យភាពក្នុងគោលបំណងដើម្បីរក្សាទំនាក់ទំនងជាមួយរុស្ស៊ី ខណៈដែលកំពុងស្វែងរកកិច្ចសហប្រតិបត្តិការកាន់តែជិតស្និទ្ធជាមួយសហរដ្ឋអាមេរិកក្នុងវិស័យសន្តិសុខនិងពាណិជ្ជកម្ម៕

ព័ត៌មានផ្សេងទៀត

កូរ៉េខាងជើងជម្រុញឱ្យកូរ៉េខាងត្បូងបញ្ជូនពលរដ្ឋដែលផ្តាច់ខ្លួនត្រលប់មកវិញ ប៉ូលីសម៉ាឡេស៊ីរកឃើញវ៉ាលីមានផ្ទុកសាច់ប្រាក់នៅផ្ទះអតីតនាយករដ្ឋមន្ត្រី ប្រទេសអ៊ីរ៉ង់និងប្រទេសអឺរ៉ុបចំនួនបីនឹងពិភាក្សាអំពីកិច្ចព្រមព្រៀងនុយក្លេអ៊ែរ ក្រុមចម្រុះប្រឆាំងបានឈ្នះការបោះឆ្នោតនៅទីម័រខាងកើត នាយករដ្ឋមន្ត្រីថ្មីម៉ាឡេស៊ីលោកបណ្ឌិត Mahathir នឹងពិនិត្យគម្រោងជាមួយវិនិយោគិនបរទេស ពលរដ្ឋអាម៉េរិកចំនួន 3 នាក់បានមកដល់ប្រទេសខ្លួនវិញហើយ តើលោកបណ្ឌិត Mahathir នាយករដ្ឋមន្រ្តីថ្មីនិងវ័យចំណាស់របស់ប្រទេសម៉ាឡេស៊ីជានណា? អតីតមន្រ្តីជាន់ខ្ពស់ចិនម្នាក់ត្រូវបានកាត់ទោសជាប់ពន្ធនាគារអស់មួយជីវិត កូរ៉េខាងជើងរិះគន់ជប៉ុន មេដឹកនាំអាស៊ានស្វាគមន៍កិច្ចប្រជុំកំពូលអន្តរកូរ៉េ អាមេរិកដាក់ទណ្ឌកម្មបន្ថែមទៀតលើរុស្ស៊ី អតីតនាយករដ្ឋមន្ត្រីថៃលោកស្រីយីងឡាក់ និង លោកថាក់ស៊ីន បច្ចុប្បន្ននៅក្នុងប្រទេសជប៉ុន លោក Xi និយាយថាប្រទេសចិនត្រៀមខ្លួនប្រយុទ្ធក្នុងសមរភូមិបង្ហូរឈាម ប្រទេសហ្វីលីពីនដកខ្លួនចេញពី ICC ចក្រភពអង់គ្លេសនឹងបណ្ដេញអ្នកការទូតរុស្ស៊ី 23 នាក់ព្យួរការទំនាក់ទំនងទ្វេភាគីជាន់ខ្ពស់ជុំវិញការបំពុលចារកម្ម ប្រទេសចិនរិះគន់ផែនការពន្ធរបស់ Trump គណៈរដ្ឋមន្ត្រីថ្មីរបស់កោះតៃវ៉ាន់បានបង្កើត Trump ព្រមានពី ដំណាក់កាលទី2 ប្រឆាំងនឹងកូរ៉េខាងជើង ប្រទេសកូរ៉េខាងជើងនិយាយថាខ្លួនកំពុងដាក់ពង្រាយមីស៊ីលនុយក្លេអ៊ែរ ប្រទេសអង់គ្លេសលុបចោលផែនការលុបបំណុលរបស់កូរ៉េខាងជើង