លោក Ingvar Kamprad សហគ្រិនជនជាតិស៊ុយអែត ដែលលាក់បាំងអតីតកាលរបស់គាត់ជាអ្នកគាំទ្រប្រព័ន្ធនយោបាយហ្វាស៊ីសបានក្លាយជាអ្នកមានម្នាក់ក្នុងចំណោមអ្នកមានជាងគេលើពិភពលោក ដោយ ប្តូរពីរបរកស៊ីគ្រឿងសង្ហារឹមដែលរចនាធម្មតានិងតំលៃថោក ទៅជាក្រុមហ៊ុន Ikea លំដាប់សកលលោក បានទទួលមរណភាពកាលពីថ្ងៃសៅរិ៍នៅគេហដ្ឋានរបស់លោកក្នុងខេត្ត Smaland ប្រទេសស៊ុយអែត ក្នុងជន្មាយុ ៩១ ឆ្នាំ។
គាត់បានធំធាត់នៅកសិដ្ឋានក្នុងខេត្ត Smaland នៅភាគខាងត្បូងនៃប្រទេសស៊ុយអែត ជាក្មេងប្រុសដែលមានការលំបាកក្នុងការអាននិងសសេរអក្សរ ដែលញ៉ាំទឹកដោះពីគោ និងពិបាកក្នុងការផ្តោតអារម្មណ៍រៀនសូត្រ។ គ្រួសាររបស់គាត់ក្រហើយរកប្រាក់ដោយលក់ឈើគូសនិងខ្មៅដៃនៅក្នុងភូមិ។ ក្នុងវ័យ ១៧ឆ្នាំ គាត់បានចុះបញ្ជីអាជីវកម្មលក់ទំនិញប្រើប្រាស់ក្នុងផ្ទះដែលធ្វើការកម្មង់ទិញតាមអ៊ីមែល ហៅថា Ikea បង្កើតដោយអក្សរដើមឈ្មោះរបស់គាត់ និងកសិដ្ឋានរបស់គាត់ Elmtaryd និងភូមិរបស់គាត់ Agunnaryd។
ជាង៧ទសវត្សក្រោយ លោក Kamprad បានកសាង Ikea អោយក្លាយជាក្រុមហ៊ុនលក់រាយគ្រឿងសង្ហារឹមធំជាងគេបំផុតរបស់ពិភពលោក ដែលមានហាងជាង ៣៥០ ក្នុង ២៩ ប្រទេសនៅអ៊ឺរ៉ុប អាមេរិកខាងជើង ការរីប៊ីន មជ្ឈឹមបូពា និង អាស៊ី ដែលទំហំលក់មានរហូតដល់ ៣៨,៣ ពាន់លានយូរ៉ូ (៤៧,៦ ពាន់លានដុល្លារសហរដ្ឋអាមេរិក) មានអតិថិជនលើសពី ៩៣០ លាននាក់បានចូលទិញ ហើយ ២១០ លាននាក់ទទួលបានការតាឡុកជា ៣២ភាសារ។
ក្រុមហ៊ុននេះបានធ្វើអោយគាត់មានទ្រព្យសម្បត្តិចេញពីការស្រមើស្រម៉ៃរបស់គាត់។ បញ្ជីមហាសេដ្ឋីរបស់ Bloomberg បានដាក់គាត់ជាអ្នកមានបំផុតលំដាប់ទី ៨ របស់ពិភពលោក ដែលមានទ្រព្យសម្បត្តិតម្លៃ ៥៨,៧ ពាន់លានដុល្លារសហរដ្ឋអាមេរិក។
ក្នុងមួយជីវិតរបស់គាត់ លោក Kamprad បានអនុវត្តការសន្សំសម្ចៃប្រាក់និងឧស្សាហ៍ព្យាយាម ហើយគាត់បានបរិយាយលក្ខណៈទាំងនោះថាជាមូលដ្ឋានសម្រាប់ភាពជោគជ័យរបស់ Ikea។ គាត់បានរស់នៅក្នុងប្រទេសស៊្វីសដើម្បីគេចពីការបង់ពន្ធខ្ពស់របស់ស៊ុយអែត បើកឡាន Volvo ចាស់, ជិះយន្តហោះថ្នាក់ Economy តែប៉ុណ្ណោះ ស្នាក់នៅក្នុងសណ្ឋាគារសន្សំថវិការ, បរិភោគអាហារថោកៗ, ទិញទំនិញដោយតថ្លៃ ហើយបានទទូចថាផ្ទះរបស់គាត់តូច គឺថាគាត់មិនមានទ្រព្យសម្បត្តិពិតប្រាកដទេ ដែលថា Ikea គាំទ្រដោយទំនុកចិត្តសប្បុរស៕
ព័ត៌មានផ្សេងទៀត
ជប៉ុនបារម្មណ៍ពីការរឹតបន្តឹងតិចតួចរបស់សហរដ្ឋអាមេរិកពីការនាំចេញសាច់គោ
Trump និយាយថាសហរដ្ឋអាមេរិកបើកចំហសម្រាប់ពាណិជ្ជកម្ម
ផ្លូវរថភ្លើងទៅកាន់ព្រុំដែនកម្ពុជាបានជួសជុលរួចហើយ
សហស្ថាបនិក Uber លោក Travis Kalanick ក្លាយជាមហាសេដ្ឋីបន្ទាប់ពីកិច្ចព្រមព្រៀងវិនិយោគ ៨ ពាន់លានដុល្លារអាមេរិក
វៀតណាមរកចំណូលពីការនាំចេញផលិតផលគ្រាប់ស្វាយចន្ទី បានច្រើនបំផុតមិនធ្លាប់មាន
ស្រ្តីពាណិជ្ជករម្នាក់រកចំណូលបាន ២ពាន់លានដុល្លាត្រឹមតែ៤ថ្ងៃ
២០១៧ ឆ្នាំសុវត្ថិភាពបំផុត សម្រាប់ការធ្វើដំណើរតាមផ្លូវអាកាស