សង្គម

មេធាវីរបស់ពួកគេបាននិយាយកាលពីថ្ងៃចន្ទទី ១៧ ខែឧសភា ថា បងប្អូនប្រុសម្តាយទីទៃជនជាតិអាមេរិកកាត់អាហ្រ្វិក ២ នាក់ដែលបានជាប់ពន្ធនាគាររយៈពេល ៣១ ឆ្នាំនៅរដ្ឋ North Carolina ភាគខាងត្បូងសហរដ្ឋអាមេរិកពីបទឧក្រិដ្ឋដែលពួកគេមិនបានប្រព្រឹត្តិត្រូវបានផ្តល់ប្រាក់ចំនួន ៨៤ លានដុល្លារអាមេរិក។ លោក Des Hogan បានប្រាប់ AFP ថា៖ «នេះគឺជាសាលក្រមតុលាការដ៏ធំបំផុតដែលមិនធ្លាប់មាននៅក្នុងការផ្តន្ទាទោសខុសក្នុងប្រវត្តិសាស្ត្រសហរដ្ឋអាមេរិក។ លោក Henry Lee McCollum និងប្អូនប្រុសម្តាយទីទៃរបស់គាត់ឈ្មោះ...

លោក  Qu Dongyu អគ្គនាយកនៃអង្គការស្បៀងអាហារនិងកសិកម្មរបស់អង្គការសហប្រជាជាតិ (FAO) កាលពីថ្ងៃសៅរ៍បានសម្តែងភាពក្រៀមក្រំចំពោះមរណភាពរបស់លោក Yuan Longping ដែលជា "បីតានៃស្រូវបង្កាត់" របស់ប្រទេសចិន។ Qu បានសរសេរលើគណនី Twitter ថា “ភាពក្រៀមក្រំយ៉ាងជ្រាលជ្រៅចំពោះមរណភាពរបស់សាស្រ្តាចារ្យ Yuan Longping ដែលជាគ្រូដ៏គួឲ្យគោរពរបស់ខ្ញុំ។ លោកបានលះបង់ជីវិតរបស់លោកដើម្បីស្រាវជ្រាវស្រូវបង្កាត់ ដែលជួយមនុស្សរាប់ពាន់លានសម្រេចបាននូវសុវត្ថិភាពស្បៀងអាហារ។លោក Qu បានបន្ថែមថា "អ្នកគឺជាការជំុរញចិត្តរបស់ខ្ញុំ។ សូមឱ្យអ្នកអញ្ជើញទៅដល់សុខគតិភព"។ លោក...

ស្ត្រីនៅជុំវិញពិភពលោកបានដើរដង្ហែរតាមផ្លូវនៅថ្ងៃទិវានារីអន្តរជាតិនៅថ្ងៃព្រហស្បតិ៍ដើម្បីទាមទារសិទ្ធិស្មើគ្នា។ ការតវ៉ានេះបានកើតឡើងនៅពេលចលនា MeToo បានផ្ដោតលើការរំលោភបំពានផ្លូវភេទនិងការរំខានយាយីបានរីករាលដាលនៅទូទាំងពិភពលោក។ នៅរដ្ឋធានី Madrid របស់ប្រទេសអេស្ប៉ាញ ស្ត្រីដើរជាជួកាន់ឆ្នាំងនិងស្លាបព្រាដោយទាមទារប្រាក់ឈ្នួលស្មើគ្នាជាមួយបុរសនិងដើម្បីបញ្ចប់អំពើហិង្សាក្នុងគ្រួសារ។ ពួកគេនិយាយថាការរក្សាផ្ទះនិងការចិញ្ចឹមកូនមិនត្រឹមតែជាការងាររបស់ស្ត្រីនោះទេ។ ស្ត្រីបានធ្វើកូដកម្មនៅតាមផ្លូវដឹកជញ្ជូនសាធារណៈ សាលារៀន និងមន្ទីរពេទ្យនៅទូទាំងប្រទេសអេស្ប៉ាញ។ការប្រមូលផ្តុំគ្នាក៏ត្រូវបានប្រារព្ធឡើងផងដែរនៅក្នុងប្រទេសបារាំង កូរ៉េខាងត្បូង ហ្គីណេ​ និងប្រទេសជាច្រើនទៀត។ អង្គការសហប្រជាជាតិស្ត្រី ដែលជាទីភ្នាក់ងារសម្រាប់ការផ្តល់សិទ្ធិអំណាចដល់ស្ត្រីបាននិយាយថាគម្លាតប្រាក់ខែតាមយេនឌ័រនៅតែមាន 23% ហើយស្ត្រីបន្តរងការយាយីផ្លូវភេទនៅកន្លែងធ្វើការ៕

តុលាការព្រហ្មទណ្ឌអន្តរជាតិនិយាយថាខ្លួនកំពុងស៊ើបអង្កេតថាតើជនមូស្លីមរ៉ូហ៊ីងយ៉ាត្រូវបានទទួលរងនូវឧក្រិដ្ឋកម្មប្រឆាំងនឹងមនុស្សជាតិនៅពេលពួកគេត្រូវបានបង្ខំឱ្យភៀសខ្លួនចេញពីប្រទេសមីយ៉ាន់ម៉ា។ តុលាការឧក្រិដ្ឋកម្មអន្តរជាតិនិយាយថាមានមូលដ្ឋានគ្រឹះដើម្បីជឿថាអំពើហឹង្សាជាប្រព័ន្ធត្រូវបានប្រព្រឹត្ត។ តុលាការបានកំពុងមានវិធានការទៅដល់ស្ថានការណ៍ដោយប្រយ័ត្នប្រយែងពីព្រោះប្រទេសមីយ៉ាន់ម៉ាមិនបានចុះហត្ថលេខាលើសន្ធិសញ្ញាដែលបង្កើតតុលាការនេះទេ។ ប៉ុន្តែវានៅតែរក្សាបញ្ហាស្ថិតនៅក្រោមយុត្តាធិការរបស់ខ្លួនពីព្រោះជនជាតិរ៉ូហ៊ីងយ៉ាបានភៀសខ្លួនទៅប្រទេសបង់ក្លាដេសដែលជារដ្ឋហត្ថលេខី។ ជនភៀសខ្លួនរ៉ូហ៊ីងយ៉ាជាង ៧ សែននាក់បានភៀសខ្លួនចេញពីរដ្ឋរ៉ាក់ឃីនភាគខាងលិចចាប់តាំងពីអំពើហិង្សាបានផ្ទុះឡើងក្នុងឆ្នាំ ២០១៧។ អង្គការសហប្រជាជាតិនិយាយថាការបង្ក្រាបយោធារបស់មីយ៉ាន់ម៉ាត្រូវបានអនុវត្ត “ដោយចេតនាប្រល័យពូជសាសន៍” ដែលជាការចោទប្រកាន់មួយដែលរដ្ឋាភិបាលបដិសេធ។ កាលពីដើមសប្តាហ៍នេះតុលាការកំពូលរបស់អង្គការសហប្រជាជាតិបានបើកការស៊ើបអង្កេតរបស់ខ្លួនបន្ទាប់ពីប្រទេសហ្គាំបៀបានកសាងសំណុំរឿង៕        

បណ្តារប្រទេសឧស្សាហកម្មចំនួន ២៧ បានសន្យាផ្តល់ថវិកាចំនួន ៩,៨ ពាន់លានដុល្លារក្នុងរយៈពេល ៤ ឆ្នាំខាងមុខសម្រាប់មូលនិធិមួយដើម្បីជួយប្រទេសកំពុងអភិវឌ្ឍន៍ដោះស្រាយការកើនឡើងកម្តៅពិភពលោក។ការប្រកាសនេះបានធ្វើឡើងនៅក្នុងកិច្ចប្រជុំមួយនៃមូលនិធិ Green Climate នៅទីក្រុងប៉ារីសកាលពីថ្ងៃសុក្រ។ សហរដ្ឋអាមេរិកមិនបានចូលរួមវិភាគទានដល់មូលនិធិនេះទេចាប់តាំងពីលោកប្រធានាធិបតី  Donald Trump ចូលកាន់តំណែង។ កាលពីមុនវាជាម្ចាស់ជំនួយធំបំផុត។ ប្រទេសឧស្សាហកម្មជាច្រើនបានបង្កើនការបរិច្ចាគរបស់ពួកគេនៅក្នុងកិច្ចប្រជុំចុងក្រោយ។ ប្រទេសជប៉ុនបានសន្យារបរិច្ចាគហូតដល់ទៅ ១,៥ ពាន់លានដុល្លារដែលជាតួលេខដូចគ្នានឹងលើកមុននិងជាចំនួនច្រើនបំផុតទី ៤។ នាយកប្រតិបត្តិមូលនិធិ Green Climate លោក Yannick Glemarec បានសរសើរលទ្ធផលនេះដោយនិយាយថាទំហំហិរញ្ញប្បទានសម្រាប់គម្រោងនានានៅក្នុងប្រទេសកំពុងអភិវឌ្ឍន៍នឹងកើនឡើង...

អង្គការលើកលែងទោសអន្តរជាតិនិយាយថាមេដឹកនាំរបស់មីយ៉ាន់ម៉ាលែងជានិមិត្តរូបនៃក្តីសង្ឃឹមនិងភាពក្លាហានទៀតហើយ។ វាបានដកយកនូវពានរង្វាន់សិទ្ធិមនុស្សដ៏មានកិត្យានុភាពបំផុតពីលោកស្រីអ៊ុងសាន ស៊ូជី។ លោកស្រីទទួលបានពានរង្វាន់ឯកអគ្គរដ្ឋទូតសុឆន្ទៈរបស់អង្គការនេះអស់រយៈពេលជិតមួយទសវត្សរ៍មកហើយសម្រាប់ការប្រយុទ្ធប្រឆាំងនឹងរបបយោធារបស់ប្រទេសនេះ។ នៅពេលនោះលោកស្រីស្ថិតនៅក្រោមការឃុំឃាំងក្នុងផ្ទះ។ តែពេលនេះអង្គការលើកលែងទោសអន្តរជាតិបាននិយាយថាលោកស្រីស៊ូជីមិនមានសមត្ថភាពគ្រប់គ្រាន់ដើម្បីប្រឈមនឹងអំពើហឹង្សាប្រឆាំងនឹងពួកមូស្លីមរ៉ូហ៊ីងយ៉ា រឺក៏ការរារាំងសេរីភាពខាងការបញ្ចេញមតិ។ អង្គការលើកលែងទោសនិយាយថាភាពអសកម្មគឺជាការក្បត់គួរឱ្យអាម៉ាស់ណាស់ចំពោះតម្លៃដែលលោកស្រីធ្លាប់បានទទួល។ លោកស្រីអ៊ុងសាន ស៊ូជី ក៏ត្រូវបានគេដកហូតពានរង្វាន់ពីសារមន្ទីរអនុស្សាវរីយ៍សហរដ្ឋអាមេរិក ព្រមទាំងសេរីភាពនៃការទទួលស្គាល់ទីក្រុងនៅក្នុងប្រទេសអៀកឡង់និងចក្រភពអង់គ្លេសផងដែរ។ ជនមូស្លីមរ៉ូហ៊ីងយ៉ាប្រហែល 720,000 នាក់បានភៀសខ្លួនទៅប្រទេសបង់ក្លាដេសចាប់តាំងពីឆ្នាំមុន។ នោះហើយជាពេលដែលកម្លាំងសន្តិសុខមីយ៉ាន់ម៉ាបង្ក្រាបក្រុមជនជាតិភាគតិចនៅរដ្ឋ Rakhine ភាគខាងលិច។ ក្រុមអ្នកស៊ើបអង្កេតរបស់អង្គការសហប្រជាជាតិបាននិយាយថាមន្ត្រីយោធាកំពូលរបស់មីយ៉ាន់ម៉ាគួរតែត្រូវបានកាត់ទោសពីបទប្រល័យពូជសាសន៍។ រដ្ឋាភិបាលបានបដិសេធការចោទប្រកាន់ទាំងនោះ៕

មឈូសបុរាណខ្មៅដ៏ធំសម្បើមមួយត្រូវបានគេរកឃើញកំឡុងពេលកំណាយបុរាណវិទ្យាមួយនៅក្នុងប្រទេសអេហ្ស៊ីបជាមួយនឹងក្បាលត្បូងថ្មថ្លាដ៏អាថ៌កំបាំងមួយ។ មឈូសដ៏អាថ៌កំបាំងនេះមានប្រវែង 265 សង់ទីម៉ែត្រ កម្ពស់ 185 សង់ទីម៉ែត្រ និងទទឹង 165 សង់ទីម៉ែត្រធ្វើឱ្យវាក្លាយជាមឈូសធំជាងគេបង្អស់ដែលត្រូវបានរកឃើញនៅក្នុងទីក្រុង Alexandria។វាត្រូវបានគេរកឃើញដោយបេសកកម្មបុរាណវិទ្យាអេហ្ស៊ីបបន្ទាប់ពីផ្នូរបុរាណមួយដែលមានអាយុកាលតាំងពីសម័យកាលស្តេច Ptolemy I Soter កាលពីប្រមាណ 305 ឆ្នាំមុនគ្រិស្តសករាជ ដែលត្រូវបានរកឃើញកំឡុងពេលជីកសំណង់។ ច្បាប់សាងសង់នៅប្រទេសអេហ្ស៊ីបទាមទារឱ្យអ្នកអភិវឌ្ឍន៍ជីកកាយដីនៅក្រោមការអភិវឌ្ឍគម្រោងរបស់ពួកគេមុនពេលសាងសង់។ធ្វើពីថ្មក្រានីតពណ៌ខ្មៅ មឈូសបុរាណខ្មៅដ៏ធំដែលត្រូវបានគេរកឃើញជម្រៅ 5 ម៉ែត្រ ក្រោមផ្ទៃដីក្រោមស្រទាប់បាយអរ។ យោងតាមលោកបណ្ឌិត Ayman Ashmawy បាយអរដ៏ក្រាស់ចន្លោះមឈូសបុរាណខ្មៅដ៏ធំនិងផ្ទៃដីបានបង្ហាញថាវាមិនត្រូវបានគេបើកចាប់តាំងពីវាត្រូវបានបិទនៅអំឡុង...

និស្សិតសាកលវិទ្យាល័យនៅហុងកុងបានធ្វើបាតុកម្មទ្រង់ទ្រាយធំមួយនៅល្ងាចថ្ងៃសុក្រនេះក្នុងគោលបំណងដើម្បីទទួលបានការគាំទ្រពីអន្តរជាតិសម្រាប់បាតុកម្មប្រឆាំងរដ្ឋាភិបាល។ ក្រុមអ្នករៀបចំបាននិយាយថាមនុស្ស ៦ ម៉ឺននាក់បានប្រមូលផ្តុំគ្នានៅឯឧទ្យានមួយនៅកណ្តាលកោះហុងកុងដោយពង្រាយតាមដងផ្លូវជុំវិញ។ អ្នករៀបចំកម្មវិធីបានជំរុញឱ្យសហរដ្ឋអាមេរិកដាក់ទណ្ឌកម្មរាល់ការរំលោភសិទ្ធិមនុស្សជាមួយនឹងការដាក់ទណ្ឌកម្មដូចជាការបង្កកទ្រព្យសម្បត្តិរបស់អាជ្ញាធរហុងកុងឬការពិនិត្យមើលការអនុគ្រោះពាណិជ្ជកម្ម។ នៅក្នុងសារជាវីដេអូមួយ អ្នកតំណាងរាស្រ្តអង់គ្លេសមួយចំនួននិយាយថាពួកគេឈរជាមួយពលរដ្ឋហុងកុងដែលទីក្រុងឡុងបានប្រគល់ឯករាជ្យទៅឲ្យរបបក្រុងប៉េកាំងនៅឆ្នាំ ១៩៩៧។ ស្ត្រីអាយុ ២៥ ឆ្នាំម្នាក់បាននិយាយថារដ្ឋាភិបាលហុងកុងនឹងមិនស្តាប់ ហើយក្រុមអ្នកតវ៉ានឹងបង្កើនសកម្មភាពរបស់ពួកគេដើម្បីអំពាវនាវដល់ពិភពលោក។ គេរំពឹងថានឹងមានការតវ៉ាជាច្រើនទៀតនៅចុងសប្តាហ៍រួមទាំងការប្រមូលផ្តុំគ្នាទ្រង់ទ្រាយធំនៅថ្ងៃអាទិត្យ៕