ព្រីនស៍ស៊ុបភើម៉ាឃីតនឹងពង្រីកវិសាលភាពទីតាំងផ្សារទំនើបរបស់ខ្លួនអោយបាន១០ទីតាំងនៅភ្នំពេញក្នុងឆ្នាំនេះ

ព្រីនស៍ ស៊ុបភើម៉ាឃីត នឹងពង្រីកវិសាលភាពទីតាំងផ្សារទំនើបរបស់ខ្លួន អោយបាន១០ទីតាំងក្នុងរាជធានីភ្នំពេញក្នុងឆ្នាំនេះ ដើម្បីបំពេញតម្រូវការទិញទំនិញពីប្រជាពលរដ្ឋរស់នៅក្នុងទីក្រុង។លើកឡើងនៅក្នុងពិធីសម្ភោធន៍ផ្សារទំនើបទី៩ របស់ព្រីនស៍ស៊ុបភើម៉ាឃីត នៅជិតរង្វង់មូលកាំកូស៊ីធី នាព្រឹកថ្ងៃទី ៣០ ខែតុលានេះ លោក ឈិន ចិពីង នាយកប្រតិបត្តិផ្សារទំនើប Prince SuperMarket បានបញ្ជាក់ថា ការពង្រីកទីតាំងផ្សារទំនើបរបស់ព្រីនស៍ ជាបន្តបន្ទាប់នៅក្នុងរាជធានីភ្នំពេញនេះ គឺដោយសារយើងបានមើលឃើញពីតម្រូវការកើនឡើងនៃការទិញទំនិញអោយមានគុណភាព និងអនាម័យ ជាមួយនឹងតម្លៃសមរម្យ ពីប្រជាពលរដ្ឋក្នុងទីក្រុងមានការកើនឡើង ខណៈដែលកម្រិតជីវភាពពលរដ្ឋកម្ពុជា កំពុងមានភាពល្អប្រសើរ។លោកបន្តថា វត្តមានរបស់ព្រីនស៍ស៊ុបពើម៉ាឃីត ក្នុងទីផ្សារកម្ពុជា មិនត្រឹមតែអាចបំពេញបាននូវតម្រូវការរបស់អតិថិជនប៉ុណ្ណោះទេ តែក្រុមមហ៊ុនយើង ក៏បានចូលរួមបង្កើតជាការងារដល់ពលរដ្ឋកម្ពុជាផងដែរ ដែលជាក់ស្ដែងក្រុមហ៊ុនព្រីនស៍ បានផ្តល់ឱកាសការងារប្រមណ៨០%ជូនដល់ពលរដ្ឋកម្ពុជានៃចំនួនបុគ្គលិកសរុបរបស់ខ្លួន។លោកបញ្ជាក់ថា ផ្សារទំនើបទី៩ Prince SuperMarket នេះ មានទំនិញចំរុះជាច្រើនពាន់មុខ ដោយទំនិញទាំងនោះ ប្រមាណជា ៧០% ជាផលិតផលរបស់ខ្មែរ និងក្រៅពីនោះជាផលិតផលនាំចូលពីក្រៅប្រទេសដូចជា ចិន ថៃ និងជប៉ុន ជាដើម។ ផ្សារទំនើបនេះ មានគោលការណ៍រួម ៤យ៉ាងគឺ សេវាកម្ម, ផលិតផល, តម្លៃ, ភាពស្រស់នៃទំនិញ សម្រាប់ប្រជាជនកម្ពុជាដែលមានជីវភាពមធ្យម ដែលអាចទិញទំនិញប្រកបដោយគុណភាពល្អ ជាពិសេសគឺការបញ្ចុះតម្លៃ និងការផ្តល់ជូននូវរង្វាន់ផ្សេងៗ ដោយក្នុងឱកាសបុណ្យអ៊ុំទូក នាថ្ងៃទី១១ ខែវិច្ឆិកា ខាងមុខនេះផ្សារទំនើបព្រីនស៍ និងផ្តល់ជូននូវការបញ្ចុះតម្លៃលើមុខទំនិញជាច្រើនមុខរហូតដល់50%ផងដែរ។ ក្រៅពីនោះក្រុមហ៊ុន ក៏មានបំរើនូវសេវាដឹកជញ្ជូនដោយឥតគិតថ្លៃផងដែរ សម្រាប់អតិថិជនដែលបញ្ជីទិញចាប់ពី១៥ដុល្លារឡើងទៅ។គួរបញ្ជាក់ថានេះជាសាខាទី៨ហើយ របស់ផ្សារទំនើប Prince SuperMarket ដែលត្រូវបានវិនិយោគដោយ ក្រុមហ៊ុន Prince Real Estate Group ហើយជាចក្ខុវិស័យរបស់ក្រុមហ៊ុន គ្រោងនឹងពង្រីក អោយបានច្រើនទីតាំងបន្ថែមទៀត ក្នុងរាជធានីភ្នំពេញ ដោយក្នុងឆ្នាំនេះ នឹងបើកអោយបាន ១០សាខាបន្ថែម មុននឹងឈានទៅខេត្តព្រះសីហនុ សៀមរាប និងប៉ោយប៉ែតជាដើម៕

ព័ត៌មានផ្សេងទៀត

គ្រាន់តែ១សប្ដាហ៍ដំបូងសោះ ឡេប៉េងប៉ោះមាសថ្មីរបស់ T&L Natural អាចលក់ហក់បានដល់ជាង៣ម៉ឺនឈុត ក្រុមហ៊ុនសាប៊ូ T&L Natural បញ្ចេញផលិតផលសាប៊ូថ្មីបន្ថែមជាមួយនឹងការបញ្ជុះតម្លៃពិសេស១០-១៥% គោលនយោបាយខ្សែក្រវ៉ាត់មួយផ្លូវមួយ ធ្វើឲ្យវិស័យអចលនទ្រព្យនៅកម្ពុជាបន្តឆ្ពោះទៅមុខ មន្ទីទេសចរណ៍ខេត្តព្រះសីហនុជំរុញអោយមាន ការវិនិយោគកន្លែងស្នាក់នៅបែបប្រណិតបន្ថែមក្នុងខេត្ត ធនាគារកូរ៉េទិញភាគហ៊ុន ១០០% ពីគ្រឹះស្ថានមីក្រូហិរញ្ញវត្ថុ សាមិក ភីអិលស៊ីនៅកម្ពុជា កំណើនផ្សារទំនើបក្នុងរាជធានីភ្នំពេញ បាននឹងកំពុងបន្តកើនឡើងជាបន្តបន្ទាប់ រយៈពេល៨ខែដើមឆ្នាំនេះភ្ញៀវទេសចរអន្តរជាតិជាង១,៧លាននាក់ ក្រុមហ៊ុន កាហុកភីធីអ៊ី និង ក្រុមហ៊ុនស្មាត អាស្យាតា បានចុះហត្ថលេខាជាដៃគូពាណិជ្ជកម្ម ក្នុងនាមជាប្រតិបត្តិករទូរគមនាគមន៍តែមួយគត់ ក្រសួងទេសចរណ៍ជំរុញឲ្យមានការបង្កើនបរិមាណជំនាញមគ្គុទ្ទេសក៍ទេសចរណ៍បន្ថែម UNDP ចុះអនុស្សរណៈជាមួយក្រុមហ៊ុនវើលប្រ៊ីដ ដើម្បីផ្តល់ការគាំទ្រលើគម្រោងស្នាក់នៅតម្លៃសមរម្យ ម្ចាស់អាជីវកម្ម KW-កម្ពុជាដឹកនាំក្រុមការងារកម្ពុជាទៅចូលរួមកម្មវិធី MEGA CAMP 2018 កម្ពុជានៅមានឱកាសច្រើនសម្រាប់ការវិនិយោគក្នុងឧស្សាហកម្មហិរញ្ញវត្ថុ ក្រុមហ៊ុន Nissan ឈប់លក់រថយន្តប្រើប្រេងម៉ាស៊ូតនៅអឺរ៉ុប ក្រសួងថាភ្ញៀវទេសចរជិត ១លាននាក់ដើរកំសាន្តថ្ងៃបុណ្យចូលឆ្នាំចិន ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ