កំណើនការងារនៅសហរដ្ឋអាមេរិកកាលពីខែមុនបានកើនលើសការរំពឹងទុករបស់ទីផ្សារ។
ក្រសួងការងារបាននិយាយកាលពីថ្ងៃសុក្រថាបញ្ជីប្រាក់បៀវត្សរ៍ការងារមិនមែនកសិកម្មបានកើនឡើង 312,000 នៅក្នុងខែធ្នូធៀបនឹងខែមុន។ ក្រុមអ្នកវិភាគបានរំពឹងថានឹងមានកំណើនប្រហែល 180,000 ការងារ។
អត្រាអត់ការងារធ្វើនៅខែធ្នូមានកម្រិតទាប 3,9%។
ដូចគ្នានេះដែរ ប្រាក់ឈ្នួលប្រចាំម៉ោងជាមធ្យមបានកើនឡើង 3,2% ពីឆ្នាំមុន។ ប្រាក់ឈ្នួលបានកើនឡើងច្រើនជាង 3% ក្នុងរយៈពេលបីខែជាប់ៗគ្នា។
អ្នកសេដ្ឋវិទូមួយចំនួនបារម្ភថាសេដ្ឋកិច្ចសហរដ្ឋអាមេរិកអាចយឺតក្នុងគ្រាមានជម្លោះពាណិជ្ជកម្មជាមួយប្រទេសចិនក៏ដូចជាការបិទផ្នែកមួយនៃរដ្ឋាភិបាលសហរដ្ឋអាមេរិកដែលបានអូសបន្លាយ។
ប៉ុន្តែតួលេខការងារចុងក្រោយបំផុតបង្ហាញថាសេដ្ឋកិច្ចសហរដ្ឋអាមេរិកនៅតែបន្តរីកលូតលាស់៕