ភ្នាក់ងារព័ត៌មានផ្លូវការ MENA បានរាយការណ៍ថាអេហ្ស៊ីបកាលពីថ្ងៃសៅរ៍បានបង្កើនតម្លៃឧស្ម័នធម្មជាតិរហូតដល់ 75%។
របាយការណ៍នេះបានឱ្យដឹងថាសកម្មភាពនេះមានបំណងដើម្បីបំពេញតម្រូវការកិច្ចព្រមព្រៀងប្រាក់កម្ចីរបស់មូលនិធិរូបិយវត្ថុអន្តរជាតិ (IMF) និងជំរុញការអនុវត្តផែនការកែទម្រង់សេដ្ឋកិច្ច។
របាយការណ៍នេះបានឱ្យដឹងថានាយករដ្ឋមន្រ្តីអេហ្ស៊ីប Mostafa Madbouli បានចេញសេចក្តីសម្រេចតម្លើងតម្លៃដោយផ្អែកលើប្រព័ន្ធកំណត់តម្លៃឧស្ម័ន។
របាយការណ៍នេះបានឱ្យដឹងថាតម្លៃឧស្ម័នមួយម៉ែត្រគូបបានកើនឡើងពី1ផោនអេហ្ស៊ីប (ប្រហែល 0,06 ដុល្លារអាមេរិក) ដល់ 1,75 ផោនសម្រាប់អ្នកដែលប្រើប្រាស់ពី 0 ដល់ 30 ម៉ែត្រគូប។
ពលរដ្ឋដែលប្រើប្រាស់ពី 30 ទៅ 60 ម៉ែត្រគូបនឹងត្រូវចំណាយពី 1,75 ផោនដល់ 2,50 ផោនក្នុងមួយម៉ែត្រគូប។
ការប្រើប្រាស់លើសពី 60 ម៉ែត្រគូបនឹងចំណាយចាប់ពី 2,25 ផោនដល់ 3 ផោនក្នុងមួយម៉ែត្រគូប។
សេចក្តីសម្រេចរបស់រដ្ឋាភិបាលដែលត្រូវបានចុះផ្សាយក្នុងសារព័ត៌មានជាផ្លូវការនឹងចាប់ផ្តើមអនុវត្តចាប់ពីខែសីហា។
លោក Waleed Gab-Allah, សាស្ត្រាចារ្យនៃយុត្តាធិការហិរញ្ញវត្ថុនិងសេដ្ឋកិច្ចនៅសាកលវិទ្យាល័យ Cairo បានប្រាប់ស៊ីនហួថាការសម្រេចនេះត្រូវបានរំពឹងទុកជាពិសេសជាមួយនឹងការឡើងថ្លៃឥន្ធនៈនាពេលថ្មីៗនេះ។
លោកបាននិយាយថា «តម្លៃឧស្ម័នឡើងថ្លៃត្រូវបានគ្រោងធ្វើឡើងដើម្បីរ៉ាប់រងលើតម្លៃផលិតកម្មនិងដើម្បីបន្តគោលនយោបាយកាត់បន្ថយការឧបត្ថម្ភធនថាមពល»។
លោកបានបញ្ជាក់សាជាថ្មីថាវិធានការរឹតត្បិតនាពេលថ្មីៗរបស់រដ្ឋាភិបាលនេះគឺដើម្បីធ្វើឱ្យសេដ្ឋកិច្ចរបស់ប្រទេសនេះត្រូវបានគ្រប់គ្រងដោយតម្លៃពិតប្រាកដនិងតម្រូវការទីផ្សារជំនួសឱ្យការគ្រប់គ្រងដោយរដ្ឋាភិបាល។
លោកបានជម្រុញដល់រដ្ឋាភិបាលឱ្យអភិវឌ្ឍបណ្តាញគាំពារសង្គមដែលស្របតាមល្បឿននៃសេដ្ឋកិច្ចសេរី។
វិធានការនេះគឺជាវិធានការចុងក្រោយបង្អស់ក្នុងចំណោមវិធានការត្បិតត្បៀតដែលមានគោលបំណងក្នុងការកសាងសេដ្ឋកិច្ចរបស់ប្រទេសដែលត្រូវបានវាយប្រហារដោយភាពចលាចលជាច្រើនឆ្នាំចាប់តាំងពីការបះបោរឆ្នាំ 2011 មក។
កាលពីខែមិថុនា ប្រទេសអេហ្ស៊ីបបានបង្កើនតម្លៃប្រេងឥន្ធនៈនិងថ្លៃអគ្គិសនីរហូតដល់ 66,6 % និង 26% ក៏ដូចជាសកម្មភាពដែលបានរៀបរាប់ដោយ IMF ដើម្បីបន្តការអនុវត្តន៍កម្មវិធីកែទម្រង់សេដ្ឋកិច្ចរបស់ប្រទេស។
អស់រយៈពេលជាច្រើនឆ្នាំនៃអស្ថិរភាពដោយសារភាពច្របូកច្របល់ អេហ្ស៊ីបបានទទួលរងនូវវិបត្តិសេដ្ឋកិច្ច។ វាបានចាប់ផ្តើមកម្មវិធីកំណែទម្រង់សេដ្ឋកិច្ចរយៈពេល 3 ឆ្នាំដ៏តឹងរឹងមួយដោយផ្អែកលើវិធានការរឹតត្បិតរួមទាំងការកាត់បន្ថយការឧបត្ថម្ភធនប្រេងនិងថាមពលនិងការដំឡើងពន្ធ។
IMF បានគាំទ្រដល់ផែនការកំណែទម្រង់សេដ្ឋកិច្ចអេហ្ស៊ីបដោយមានប្រាក់កម្ចីចំនួន 12 ពាន់លានដុល្លារដែលចំនួនពីរភាគបីត្រូវបានផ្តល់រួចហើយ៕
ព័ត៌មានផ្សេងទៀត
កំណើនសេដ្ឋកិច្ចរបស់ប្រទេសអូទ្រីសទំនងជានឹងធ្លាក់ចុះ
ក្រុមហ៊ុន Audi ទិញភាគហ៊ុន 1% នៅក្នុងក្រុមហ៊ុន SAIC Volkswagen
តម្លៃប្រេងកើនឡើងបន្ទាប់ពីការអំពាវនាវរបស់អាមេរិកឱ្យបញ្ឈប់ការទិញពីអ៊ីរ៉ង់
សមាជិក OPEC នឹងពិភាក្សាអំពីការកើនឡើងនៃទិន្នផល
លោក Mahathir អំពាវនាវអោយបង្កើនការវិនិយោគពីជប៉ុន
គ្រោងដាយណូស័រដ៏កម្រត្រូវបានលក់ក្នុងតំលៃជាង 2 លានដុល្លារអាមេរិក
ការងារនៅសហរដ្ឋអាមេរិកកើនឡើងច្រើនជាងការរំពឹងទុកនៅក្នុងខែឧសភា
សេដ្ឋកិច្ចរបស់សហរដ្ឋអាមេរិកធ្លាក់ចុះត្រឹម 2,2% នៅក្នុងត្រីមាសដំបូង
ក្រុមហ៊ុន Toshiba បញ្ចប់គម្រោងនុយក្លេអ៊ែរនៅអាមេរិក
ប្រធានក្រុមហ៊ុន LG Group របស់កូរ៉េខាងត្បូងបានទទួលមរណៈភាព
ក្រុមហ៊ុនអាកាសចរណ៍អូស្ត្រាលីផ្តល់ជូនវីដេអូសមាធិដើម្បីជួយអ្នកដំណើរសម្រាក
សេដ្ឋកិច្ចប្រេស៊ីលធ្លាក់ចុះក្នុងត្រីមាសទី 1
WTO: សហភាពអឺរ៉ុបបរាជ័យក្នុងការបញ្ឈប់ឧបត្ថម្ភធនដល់ក្រុមហ៊ុន Airbus
GDP ប្រទេសជប៉ុនធ្លាក់ចុះជាលើកដំបូងក្នុងរយៈពេល 9 ត្រីមាស
រីងហ្គីតម៉ាឡេស៊ីធ្លាក់ចុះនៅក្រៅប្រទេសបន្ទាប់ពីបក្សប្រឆាំងរបស់ Mahathir ឈ្នះការបោះឆ្នោត
បំណុលសាធារណៈសរុបរបស់ប្រទេសរុស្ស៊ីថយចុះដល់ 33% នៃ GDP
កិច្ចប្រជុំកំពូល G20 ឆ្នាំ 2019 នៅអូសាកានឹងបើកនៅថ្ងៃទី 28 ខែមិថុនា
រដ្ឋមន្ត្រីពាណិជ្ជកម្មនៃប្រទេសចំនួន 11 បានចុះហត្ថលេខាដៃគូរអន្តរប៉ាស៊ីហ្វិក
អតិផរណាសិង្ហបុរីធ្លាក់ 0% នៅក្នុងខែមករា
វៀតណាមរកចំណូលពីការនាំចេញផលិតផលគ្រាប់ស្វាយចន្ទី បានច្រើនបំផុតមិនធ្លាប់មាន