បន្ទាប់ពីបានធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះឆ្នោត ឆ្នាំ២០១៧ គណកម្មាធិការជាតិរៀបចំការបោះឆ្នោត គ.ជ.ប ថាពលរដ្ឋជាង ៨៤ ភាគរយមានឈ្មោះក្នុងបញ្ជីឈ្មោះបោះឆ្នោតផ្លូវការឆ្នាំ ២០១៧។
នេះបើតាមសេចក្ដីប្រកាសព័ត៌មានរបស់ គជប ចុះថ្ងៃទិ ២៤ ខែ មករានេះដោយលើកឡើងថាបន្ទាប់ពីបានធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះឆ្នោត ឆ្នាំ២០១៧ រួមទាំងការដោះស្រាយពាក្យបណ្តឹងរួចមក គ.ជ.បថាមានឈ្មោះក្នុងបញ្ជីបោះឆ្នោតផ្លូវការ សរុបចំនួន ៨ ៣៨០ ២១៧ នាក់ ស្មើនឹង ៨៤,៨០ភាគរយក្នុងនោះអ្នកមានឈ្មោះក្នុងបញ្ជីបោះឆ្នោត ឆ្នាំ២០១៧ ជាស្រី្ត ៤ ៤៧០ ៨៦៤ នាក់ ស្មើនឹង ៥៣,៣៥ភាគរយ។
គ.ជ.ប ក៏បានលើកឡើងដែរថាក្នុងនោះមាន ការិយាល័យបោះឆ្នោត សរុបទូទាំងប្រទេស ចំនន ២២ ៩៦៧ ការិយាល័យ៕