ក្រសួងសេដ្ឋកិច្ច និងហិរញ្ញវត្ថុ បន្តយុទ្ធនាការបណ្ដុះបណ្ដាល ស្តីពីការគ្រប់គ្រងហិរញ្ញវត្ថុសាធារណៈ ជូនជំនួយការហិរញ្ញវត្ថុរដ្ឋបាលឃុំសង្កាត់

(កំពង់ធំ)÷  ក្រសួងសេដ្ឋកិច្ច និងហិរញ្ញវត្ថុ នៅព្រឹកថ្ងៃទី២៦ ខែមេសា ឆ្នាំ២០២៤ បានបើកវគ្គបណ្ដុះបណ្ដាលស្តីពីការគ្រប់គ្រងហិរញ្ញវត្ថុសាធារណៈ នៅរដ្ឋបាលឃុំសង្កាត់ជូនជំនួយការហិរញ្ញវត្ថុរដ្ឋបាលឃុំសង្កាត់ចំនួន ១៦៩នាក់ មកពីខេត្តកំពង់ស្ពឺ និងខេត្តកំពង់ធំ ដើម្បីពង្រឹងពង្រីកសមត្ថភាព ជំនាញវិជ្ជាជីវៈ និងលើកកម្ពស់ការយល់ដឹងពាក់ព័ន្ធនឹងការគ្រប់គ្រងហិរញ្ញវត្ថុសាធារណៈ។

កម្មវិធីនេះបានប្រព្រឹត្តទៅក្រោមការដឹកនាំរបស់បណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាព របស់ក្រសួងសេដ្ឋកិច្ច និងហិរញ្ញវត្ថុ និងដោយមានការអញ្ជើញចូលរួមពី អនុរដ្ឋលេខាធិការ ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ, អភិបាលនៃគណៈអភិបាលខេត្តកំពង់ស្ពឺ, អភិបាលរងនៃគណៈអភិបាលខេត្តកំពង់ធំ ព្រមទាំងឧទ្ទេសាចារ្យ សិក្ខាកាម និងមន្ត្រីជំនាញពាក់ព័ន្ធ។

ថ្លែងក្នុងឱកាសនោះ បណ្ឌិតសភាចារ្យ ហ៊ាន សាហ៊ីប បានគូសបញ្ជាក់អំពីសារៈសំខាន់នៃការកសាង និងការអភិវឌ្ឍសមត្ថភាព ជំនាញវិជ្ជាជីវៈ សម្រាប់គាំទ្រ និង អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលជាកម្មវិធីអាទិភាពក្នុងចំណោមកម្មវិធីកែទម្រង់ គន្លឹះរបស់រាជរដ្ឋាភិបាលសំដៅប្រែក្លាយប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ពីប្រព័ន្ធផ្អែកលើធាតុចូល និងមានលក្ខណៈមជ្ឈការ ឆ្ពោះទៅជាប្រព័ន្ធផ្ដោតលើលទ្ធផលឬសមិទ្ធកម្ម និង មានលក្ខណៈវិមជ្ឈការ ស្របតាមស្ដង់ដា និង ឧត្តមានុវត្តន៍អន្តរជាតិ។

កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ មាន ៤ ដំណាក់កាលសំខាន់ៗគឺៈ ដំណាក់កាលទី១ ពីឆ្នាំ២០០៤ ដល់ ២០០៨ ក្នុងគោលដៅកសាងភាពជឿទុកចិត្តនៃថវិកា, ដំណាក់កាលទី២ ពីឆ្នាំ២០០៩ ដល់ ២០១៥ ក្នុងគោលដៅពង្រឹងគណនេយ្យភាពហិរញ្ញវត្ថុ, ដំណាក់កាលទី៣ ពីឆ្នាំ២០១៦ ដល់ឆ្នាំ២០២៣ ក្នុងគោលដៅពង្រឹងការផ្សារភ្ជាប់ថវិកាទៅនឹងគោលនយោបាយ និងបច្ចុប្បន្ន ឈានដល់ដំណាក់កាលទី៤ (២០២៣ – ២០២៧) ក្នុងគោលដៅពង្រឹងគណនេយ្យភាពសមិទ្ធកម្ម ដែលជាដំណាក់កាលចុងក្រោយ និង ត្រូវបានប្រកាសដាក់ឱ្យអនុវត្តជាផ្លូវការ នៅថ្ងៃទី២០ ខែមីនា ឆ្នាំ២០២៣កន្លងទៅ។

បណ្ឌិតសភាចារ្យរដ្ឋលេខាធិការ បានបញ្ជាក់ថា ក្រសួងសេដ្ឋកិច្ច និងហិរញ្ញវត្ថុ បានយកចិត្តទុកដាក់លើការកសាង និង ការអភិវឌ្ឍសមត្ថភាពមន្រ្តីអនុវត្តការងារហិរញ្ញវត្ថុសាធារណៈ និងបានដាក់ចេញនូវ ផែនការយុទ្ធសាស្ត្រស្តីពីការកសាង និងការអភិវឌ្ឍសមត្ថភាព ក្នុងក្របខ័ណ្ឌកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ សម្រាប់តម្រង់ទិសការបណ្ដុះបណ្ដាល និង វិក្រឹតការសមត្ថភាព ជូនមន្ត្រីជំនាញហិរញ្ញវត្ថុសាធារណៈរបស់ក្រសួង ស្ថាប័ន និងរដ្ឋបាលថ្នាក់ក្រោមជាតិ។ ក្នុងនោះ, ជំនួយការហិរញ្ញវត្ថុរដ្ឋបាលឃុំសង្កាត់ គឺជាក្រុមគោលដៅសំខាន់មួយដែលត្រូវយកចិត្តទុកដាក់ខ្ពស់, ពីព្រោះថា ជំនួយការហិរញ្ញវត្ថុរដ្ឋបាលឃុំសង្កាត់ ជាតួអង្គសំខាន់នៅរដ្ឋបាលឃុំសង្កាត់, ត្រូវបានបំពាក់ តួនាទី និង ភារកិច្ចស្នូលជាច្រើន ដូចជា រជ្ជទេយ្យករបុរេប្រទាន, រជ្ជទេយ្យករចំណូល, ភ្នាក់ងារបើកផ្ដល់, ជំនួយការមេឃុំចៅសង្កាត់ ក្នុងការរៀបចំផែនការ និង គម្រោងថវិកាប្រចាំឆ្នាំ ព្រមទាំងពិនិត្យ គ្រប់គ្រង និង តាមដានការអនុវត្តថវិកា ជាដើម ដែលតួនាទី និង ភារកិច្ចទាំងនេះ ចាំបាច់ត្រូវទទួលបានការបណ្ដុះបណ្ដាល និង វិក្រឹតការ ដើម្បីពង្រឹងពង្រីកសមត្ថភាព ចំណេះដឹង និង ជំនាញវិជ្ជាជីវៈ។

បណ្ឌិតសភាចារ្យរដ្ឋលេខាធិការ បានបញ្ជាក់ទៀតថា វគ្គបណ្ដុះបណ្ដាលនេះ មិនត្រឹមតែចូលរួមចំណែកដល់ការគាំទ្រ និង ការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ-ដំណាក់កាលទី ៤ ប៉ុណ្ណោះទេ, ប៉ុន្តែថែមទាំងចូលរួមចំណែកដល់ការអភិវឌ្ឍមូលធនមនុស្ស ដែលត្រូវបានរាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំប្រកបដោយថាមពល និង ប៉ិនប្រសប់ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចាត់ទុកជាអាទិភាពខ្ពស់បំផុតក្នុង យុទ្ធសាស្ត្របញ្ចកោណ-ដំណាក់កាលទី ១ ដើម្បីកំណើន ការងារ សមធម៌ ប្រសិទ្ធភាព និង ចីរភាព៕

ព័ត៌មានផ្សេងទៀត

ថវិកាធានារ៉ាប់រងសង្គមចំនួនជាង២២លានរៀល និងអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត ត្រូវបានប្រធានសមាគមអតីតយុទ្ធជនកម្ពុជា ខេត្តកំពង់ធំ ប្រគល់ជូនគ្រួសារសពអតីតយុទ្ធជនចំនួន២គ្រួសារ នៅក្រុងស្ទឹងសែន   ឧត្តមសេនីយ៍ទោ សោម ស៊ុន  ផ្សព្វផ្សាយគោលនយោបាយភូមិឃុំមានសុវត្ថិភាព និងបំពាក់សំលៀកបំពាក់ ជូនប្រជាការពារ នៅឃុំដងកាំបិត ស្រុកសណ្តាន់  ប្រជាពលរដ្ឋ ស្ម័គ្រចិត្តប្រគល់អាំងវែទ័រឆក់ត្រីចំនួន២៥ គ្រឿងជូនសមត្ថកិច្ចខេត្តកំពង់ឆ្នាំង កម្លាំងអាវុធហត្តខេត្តកំពង់ឆ្នាំងចុះអនុវត្តដីការរបស់តុលាការយោធាឃាត់ខ្លួនមនុស្សចំនួន៥នាក់ គណៈកម្មការរៀបចំការបោះឆ្នោតខេត្តកំពង់ធំ បានរៀបចំពិធីចាប់ឆ្នោតកំណត់យកលេខរៀងគណបក្សនយោបាយដាក់នៅលើសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សា អាណត្តិទី៤ ឆ្នាំ២០២៤។ អភិបាលខេត្តកំពង់ធំ ចុះពិនិត្យទីតាំងរៀបចំសង្ក្រាន្តកំពង់ធំឆ្នាំ២០២៤នៅក្នុងបរិវេណវិទ្យាល័យកំពង់ធំ ប្រជានេសាទ នៅឃុំអំពិលទឹក ស្រុកកំពង់ត្រឡាច ស្ម័គ្រចិត្តប្រគល់ ឧបករណ៍នេសាទខុសច្បាប់ ដល់អាជ្ញាធរ រដ្ឋបាលស្រុកសណ្តាន់ប្រារព្ឋខួបលើកទី១១៣ នៃទិវាអន្តរជាតិនារី ក្រោមប្រធានបទ «ស្ត្រី និងក្មេងស្រី ក្នុងបរិវត្តកម្មឌីជីថល»និងជំរុញឲ្យស្ត្រីចូលរួមអនុវត្តវិស័យទាំង៦ឲ្យបានច្រើនដើម្បីលើកកម្ពស់សេដ្ឋកិច្ចជាតិ អភិបាលខេត្តស្វាយរៀង ដាក់បទបញ្ជាឲ្យទប់ស្កាត់ការទន្ទ្រានយកដីចំណីផ្លូវធ្វើជាកម្មសិទ្ធ និងល្បែងភ្នាល់អនឡាញគ្រប់ប្រភេទគ្មានច្បាប់អនុញ្ញាត ភ្លៀងនិងខ្យល់កន្ត្រាក់បណ្តាលឲខូចខាតផ្ទះពលរដ្ឋចំនួន០២ខ្នងនិងកុដ្ឋ០១ខ្នង ចាក់សោរផ្ទះ ទៅហូបការត្រឡប់មកវិញភ្លើងឆេះព្រៃ រាលឆេះផ្ទះចំនួន២ខ្នង ម៉ដ្ឋ ឯកឧត្តម បណ្ឌិត ថោង ខុន ដឹកនាំកិច្ចប្រជុំពិនិត្យវឌ្ឍភាពយុទ្ធនាការបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ ឆ្នាំ២០២៤  ផ្ទះ៧ខ្នង អំណោយរបស់សម្តេចអគ្គមហាសេនាបតីតេជោ ហ៊ុន សែន ត្រូវបានប្រគល់ជូនគ្រួសារអតីតយុទ្ធជន នៅស្រុកសាមគ្គីមានជ័យ រោងសិប្បកម្មកែច្នៃឈើមួយកន្លែងត្រូវបានអគ្គីភ័យឆាបឆេះអស់ទាំងស្រុង ឈ្មួញប្រើគ្រឿងចក្រជាច្រើនគ្រឿងចូលឈូសឆាយដីព្រៃរបស់រដ្ឋរាប់រយហិចតានៅស្រុកសំឡូតយកធ្វើជាកម្មសិទ្ធ កិច្ចប្រជុំប្រកាសផ្សព្វផ្សាយតំបន់វិនិច្ឆ័យលើការចុះបញ្ជីដីធ្លីមានលក្ខណ:ប្រព័ន្ធសម្រាប់ភូមិបឹងស្ទេង ឃុំខ្លុងពពក ស្រុកទឹកផុស ខេត្តកំពង់ឆ្នាំង ក្រោយពីប្រជាពលរដ្ឋផ្ទុះការតវ៉ា និង ចោទប្រកាន់មេភូមិ មេឃុំ ពីការកាត់យកប្រាក់ឧបត្ថម្ភពីគ្រួសារ(ក្រ១.ក្រ២) នៅភូមិអភិវឌ្ឍន៍រុនតាឯក សង្កាត់រុនតាឯក ក្រុងរុនតាឯកតេជោសែន ត្រូវបានក្រុមការងារក្រសួងចុះធ្វើការសម្រុះសម្រួល សមត្ថកិច្ចជំនាញកាប់បំផ្លាញចោល របាំងស្បៃមុងកាត់ព្រែក០១ករណី ស្មើនឹង១២កន្លែង នៅស្រុកកំពង់លែង ពលរដ្ឋ ៦នាក់ត្រូវបានជួយសង្រ្គោះឲ្យបានវិលត្រឡប់មកកម្ពុជាវិញ រដ្ឋាភិបាលហាមឃោសនាបោះឆ្នោតសមាជិកព្រឹទ្ធសភាក្នុងតំបន់មួយចំនួននៅភ្នំពេញ