ខេត្តពោធ៏សាត់;)មជ្ឈមណ្ឌលបណ្តុះបណ្តាលជំនាញមូលដ្ឋាននៃមន្ទីរអភិវឌ្ឍន៍ជនបទខេត្តពោធិ៍សាត់ បានរៀបចំពិធីចែកវិញ្ញាបនបត្រជូន សិក្ខាកាមដែលបានបញ្ចប់ការសិក្សាឆ្នាំ២០២៣និងបើកវគ្គសិក្សាថ្មីឆ្នាំ២០២៤ ដែលបានប្រារព្ធធ្វើឡើងនៅសាលប្រជុំមន្ទីរនារសៀលថ្ងៃទី៧ខែកុម្ភៈឆ្នាំ២០២៤ ស្ថិតក្រោមអធិបតីភាពឯកឧត្តម បណ្ឌិត នួន ពេជ្រនិមិត្ត រដ្ឋលេខាធិការតំណាងឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។
លោក ធីម សុធារ៉ា ប្រធានមន្ទីរ អភិវឌ្ឍន៍ខេត្តពោធិ៍សាត់ បានឱ្យដឹងថា មជ្ឈមណ្ឌលបណ្តុះបណ្តាលជំនាញមូលដ្ឋាននេះ បានបង្កើតឡើងក្នុងឆ្នាំ២០១១ដោយអង្គការអាគ្រីស៊ូតនិងបានប្រគល់ជូនឱ្យមន្ទីរអភិវឌ្ឍន៍គ្រប់គ្រងនៅឆ្នាំ២០១៣ បន្ទាប់ពីបញ្ចប់ គម្រោង។តែទោះជាយ៉ាងនេះមជ្ឈមណ្ឌលបានផ្អាកសកម្មភាពដោយសារជំងឺកូវីដ១៩។
ក្រោយពីជំងឺកូវីដបានស្ងប់ស្ងាត់ក៏បានចាប់ផ្តើមដំណើរការឡើងវិញជាបន្តបន្ទាប់ដោយមានវគ្គបណ្តុះបណ្តាលរយៈពេលវែងបាន៣០លើកមានសិក្ខាកាម៦៦៥នាក់លើមុខជំនាញកុំព្យួទ័រ ភាសាអង់គ្លេស អ៊ុតសក់ កែសម្ភស្សនិងជួសជុលម៉ូតូ និងវគ្គរយៈពេលខ្លីបាន៨៦លើក សិក្ខាកាម២០៩០នាក់ លើមុខជំនាញដំណាំស្រូវ ចិញ្ចឹមសត្វ បណ្តុះកូនឈើ ធ្វើជីកំប៉ុស្តិ៍ សួនដំណាំជួសជុលថែទាំអណ្តូងស្នប់និងថែទាំម៉ាស៊ីនខ្នាតតូច។នៅក្នុងឆ្នាំ២០២៣នេះ ដំណើរការបណ្តុះបណ្តាលរយៈពេលវែងបាន២លើក មានសិក្ខាកាម៦១នាក់និងរយៈពេលខ្លីបាន៩លើក មានសិក្ខាកាម២២៥នាក់និងផែនការអនុវត្តបន្តគ្រោងដំណើរការបើកវគ្គកុំព្យួទ័រ២លើក ចិញ្ចឹមសត្វ៣លើក សួនដំណាំ២លើកនិងជួសជុលនិងថែទាំម៉ាស៊ីនកសិកម្ម៤លើក។
មានប្រសាសន៍សំណេះសំណាលក្នុងពិធីបិទនិងបើកវគ្គបណ្តុះបណ្តាលជំនាញមូលដ្ឋាននាឱកាសនោះឯកឧត្តមបណ្ឌិត នួន ពេជ្រនិមិត្ត រដ្ឋលេខាធិការតំណាងឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានសម្តែងនូវសេចក្តីរីករាយដល់សិក្ខាកាមជ័យលាភីឆ្នាំ២០២៣ចំនួន៥១នាក់ដែលបានបញ្ចប់ការសិក្សានិងទទួលបាននូវវិញ្ញាបនបត្របញ្ជាក់ការសិក្សានាពេលនេះនិងស្វាគមន៍សិក្ខាកាមថ្មីក្នុងឆ្នាំសិក្សា២០២៤ដែលបាននឹងកំពុងសិក្សារៀនសូត្រនៅក្នុងមជ្ឈមណ្ឌល។
ក្នុងនាមថ្នាក់ដឹកនាំ ក្រសួងសូមបញ្ជាក់ជូនថា ក្នុងនីតិកាលទី៧នៃរដ្ឋសភា ក្រោមកិច្ចដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ក្រោមបាវចនា «កំណើន ការងារ សមធម៌ ប្រសិទ្ធិ ភាព និងចីរភាព» ដោយផ្តោតលើវិស័យអាទិភាពចំនួន៥គឺ មនុស្ស ផ្លូវ ភ្លើង ទឹក និងបច្ចេកវិទ្យាឌីធីថល ។
នេះបញ្ជាក់ឱ្យឃើញថា ត្រូវតែយកចិត្តទុកដាក់ទាំងលើសុខុមាលភាព ជីវភាព ចំណេះដឹង ក្នុងនោះក្រសួងអភិវឌ្ឍន៍ជនបទក៏មានតួនាទីយ៉ាងសំខាន់និងបានដាក់ចេញនូវគោលនយោបាយថ្មី សម្រាប់អាណត្តិទី៧គឺ កសាងតំបន់ជនបទកម្ពុជាប្រកបដោយវិបុលភាព បរិយាបន្ន នវានុវត្តន៍ ឌីជីថលនិងភាពធន់ទាំងផ្នែកសេដ្ឋកិច្ច សង្គមនិងវប្បធម៌។តាមរយៈនេះឯកឧត្តមបណ្ឌិតសូមផ្តាំផ្ញើដល់សិក្ខាកាមទាំងអស់ដែលបានបញ្ចប់វគ្គត្រូវយកចំណេះដឹងទៅអនុវត្តជាប់ជាប្រចាំនិងសិក្សាស្វែងយល់បន្ថែម បើមានករណីប្រឈមនោះត្រូវមកទំនាក់ទំនង ជាមួយគ្រូនិងថ្នាក់ដឹកនាំ។ចំពោះសិក្ខាកាមបាននឹងកំពុងសិក្សាត្រូវខិតខំសិក្សារៀនសូត្រ គោរពវិន័យ បទបញ្ជាឱ្យបានត្រឹមត្រូវ។
លោកនាយក នាយករងបុគ្គលិកសិក្សាត្រូវខិតខំពង្រឹងគុណភាពនិងប្រសិទ្ធិភាពនៃការបណ្តុះបណ្តាល ដើម្បីឆ្លើយតបទៅនឹងតម្រូវការ ការងារក្នុងសង្គម ព្រមទាំងបានចែកជូនវិញ្ញាបនបត្របញ្ជាក់ការសិក្សាដល់សិក្ខាកាមបញ្ចប់វគ្គចំនួន៥១នាក់និងបានអញ្ជើញទៅពិនិត្យអគារបណ្តុះបណ្តាលជំនាញកុំព្យួទ័រនាពេលនោះផងដែរ ៕
ព័ត៌មានផ្សេងទៀត
សមត្ថកិច្ចរុះរើដុតបំផ្លាញចោល បទល្មើស របាំងស្បៃមុង២ករណី ប្រវែង ៦០០ម៉ែត្រ ក្នុងភូមិសាស្ត្រ ស្រុកជល់គីរី និងស្រុករលាប្អៀរ
មុខសញ្ញាចោរកម្មម្នាក់ជំនាញលួចម៉ូតូអស់លក្ខ:ជាប់អន្ទាក់ប៉ូលិស
លោក ប៊ុនសុធី នាយខណ្ឌ ព្រៃឈើកំពង់ធំ មិនមានការឃុំខ្លួននោះទេ ខណៈបើកឡានបង្កឲ្យសិស្សម្នាក់ស្លាប់ និងម្នាក់ទៀតរបួសធ្ងន់
លោកប៊ុន សុធី នាយខណ្ឌរដ្ឋបាលព្រៃឈើកំពង់ធំបើករថយន្ត ផ្លាក់លេខរដ្ឋ បុកមនុស្សស្លាប់ម្នាក់ និងម្នាក់ទៀតរបួសធ្ងន់
នាយកគម្រោងការប្រកួតប្រជែងខ្សែច្រវាក់តម្លៃបានលើកឡើងពីគោលនយោបាយអាទិភាព៦ចំណុច នៃយុទ្ធសាស្ត្របញ្ចកោណរបស់រដ្ឋាភិបាលកម្ពុជា អាណត្តិទី៧
សមត្ថកិច្ចឃាត់រថយន្ដដឹកទំនិញ៤កុងតឺន័រ ជាប្រភេទជើងមាន់ នៅក្រុងស្វាយរៀង
មន្ទីរធម្មការ និងសាសនាខេត្តកំពង់ធំ រៀបចំពិធីផ្សព្វផ្សាយខ្លឹមសារអនុសំវច្ឆរមហាសន្និបាទមន្ត្រីសង្ឃទូទាំងប្រទេសលើកទី៣១នៅស្រុកស្ទោង
ប្រធានការិយាល័យបរិស្ថានស្រុកស្ទោង បើកឡានបុកមនុស្សស្លាប់ក្នុងស្ថានភាពស្រវឹង
ប្រធានការិយាល័យបរិស្ថានស្រុកស្ទោង បើកឡានបុកមនុស្សស្លាប់ម្នាក់
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្រេចសាងសង់ផ្ទះមួយខ្នង ដល់កុមារកំព្រា ២នាក់បងប្អូន និងចេញថ្លៃព្យាបាលទាំងស្រុងដល់បងប្រុសដែលមានជំងឺមិនប្រក្រតីទ្វារធំពីកំណេីត រស់នៅស្រុកសាមគ្គីមានជ័យ ខេត្ត
ដីព្រៃលិចទឹកតំបន់៣ជិត១០០ហិចតា នៅចំណុចព្រែកស្តីដកគង ក្នុងឃុំពាម ឆ្កោកដែលគេលួចឈូសឆាយកាន់កាប់ពីរដូវទឹកឡើងឆ្នាំ២០២៣ ត្រូវរដ្ឋបាលស្រុកជលគីរីចុះបង្ក្រាបមិនអោយធ្វើស្រែឡើយ
ល្ងាចថ្ងៃអាទិត្យនេះ បញ្ចប់ការសួរនាំ ជនសង្ស័យ ២នាក់ ធ្វើសកម្មភាព ឈួសឆាយទន្រានដីរដ្ឋ តំបន់3 ដើម្បីបញ្ជូនទៅសាលាដំបូងខេត្ត កំពង់ធំ
អភិបាលខេត្តកំពង់ធំ ដឹកនាំកិច្ចប្រជុំពិភាក្សាពីការបង្កើតរចនាសម្ព័ន្ធអ្នកនាំពាក្យរបស់រដ្ឋបាលខេត្ត
លោកមេឃុំ និងប្រជាពលរដ្ឋចំនួន៧ភូមិ ក្នុងឃុំខុនរ៉ង ស្រុកបរិបូណ៌ សូមថ្លែង អំណរគុណដល់ ឯកឧត្តមអភិបាលខេត្ត និងលោកប្រធានមន្ទីរធនធានទឹកខេត្តកំពង់ឆ្នាំង ដែលបានជួយសង្គ្រោះស្រូវ ប្រាំងរបស់ពួក គាត់ជាង៧០០ហិកតារងនូវការក្រៀមស្វិតឲ្យរស់ឡើងវិញបានទាន់ពេលវេលា
សន្និបាតរបស់សមាគមម៉ូស្លីមអាម៉ាឌីយ៉ាកម្ពុជាលើកទី ១៧ នៅសាលាខេត្តកំពង់ឆ្នាំង
សម្តេចធិបតី ហ៊ុន ម៉ាណែត អញ្ជើញចូលរួមពិធី បើកការដ្ឋានសាងសង់ ចំណតផែកុងតឺន័រទឹកជ្រៅថ្មី-ជំហានទី១ ប្រវែង ៣៥០ម៉ែត្រ និងសម្ពោធបើកឱ្យប្រើប្រាស់ជាផ្លូវការ គ្រឿងចក្រលើកដាក់ចល័តនៅគែមផែ ចំនួន ០២គ្រឿង ក្រោមឥណទានសម្បទាន និងជំនួយឥតសំណង ពីរដ្ឋាភិបាលជប៉ុន
អតីតម្ចាស់ក្សត្រីជប៉ុនរៀបអាពាហ៍ពិពាហ៍ជាមួយមិត្តប្រុសរបស់ខ្លួន
កងកម្លាំងសន្តិសុខមីយ៉ាន់ម៉ាបាញ់សម្លាប់ក្រុមបាតុករ
អគ្គីភ័យឆេះផ្សារច្បារអំពៅស្ទើទាំងស្រុង
គ.ជ.ប ថាពលរដ្ឋជាង ៨៤ ភាគរយមានឈ្មោះក្នុងបញ្ជីផ្លូវការ ឆ្នាំ២០១៧