បច្ចេកវិទ្យា

ក្រុមហ៊ុន Sprint និង T-Mobile យល់ព្រមបញ្ចូលគ្នា

ដោយ៖

២០១៨/០៤/៣០ at ១០:៥៥ AM

ក្រុមហ៊ុន Sprint ដែលជាក្រុមហ៊ុនបុត្រសម្ព័ន្ធសហរដ្ឋអាមេរិករបស់ក្រុមហ៊ុនទូរគមនាគមន៍ យក្ស Softbank របស់ជប៉ុនបានយល់ព្រមរួមបញ្ចូលគ្នាជាមួយក្រុមហ៊ុន T-Mobile ដែលជាក្រុមហ៊ុនផ្គត់ផ្គង់បណ្តាញឥតខ្សែរបស់សហរដ្ឋអាមេរិក។

ប្រតិបត្តិកររបស់ក្រុមហ៊ុនទាំងពីរបានប្រកាសកាលពីថ្ងៃអាទិត្យថាពួកគេនឹងបញ្ចូលគ្នាតាមរយៈការផ្លាស់ប្តូរមូលធននិងរក្សាឈ្មោះក្រុមហ៊ុន T-Mobile។

ក្រុមហ៊ុន Sprint និង T-Mobile ត្រូវបានដាក់ចំណាត់ថ្នាក់ទី 4 និងទី 3 នៅក្នុងទីផ្សារទូរស័ព្ទចល័តនៅសហរដ្ឋអាមេរិក។

ប្រសិនបើកិច្ចព្រមព្រៀងនេះត្រូវបានបញ្ចប់ ក្រុមហ៊ុនថ្មីនេះនឹងមានអតិថិជនជាង 100 លាននាក់ដែលធ្វើឱ្យវាឈានជិតដល់ក្រុមហ៊ុនកំពូលៗ 2 នៅក្នុងសហរដ្ឋអាមេរិកគឺក្រុមហ៊ុនទូរគមនាគមន៍ Verizon និង AT & T។

នាយកប្រតិបត្តិក្រុមហ៊ុន T-Mobile លោក John Legere និងលោក Marcelo Claure នាយកប្រតិបត្តិក្រុមហ៊ុន Sprint និយាយថាកិច្ចព្រមព្រៀងនេះនឹងបង្កើតគូប្រជែងដ៏ខ្លាំងក្លាមួយ។

កាលពីមុនការប៉ុនប៉ងច្របាច់បញ្ចូលគ្នាដោយក្រុមហ៊ុនទាំងពីរនេះត្រូវបានរារាំងក្រោមអំណាចគ្រប់គ្រងបទបញ្ជារបស់រដ្ឋបាលលោកប្រធានាធិបតី Barack Obama នៅក្នុងឆ្នាំ 2014។ កាលពីខែវិច្ឆិកាកន្លងមក ជម្លោះរវាងក្រុមហ៊ុនមេរបស់ពួកគេលើការគ្រប់គ្រងក្រុមហ៊ុនថ្មីនេះក៏បានធ្វើឱ្យខូចកិច្ចព្រមព្រៀងផងដែរ។

ក្រុមហ៊ុនទាំងនេះបានឱ្យដឹងថាការច្របាច់បញ្ចូលគ្នានេះនឹងជួយផ្តល់ហិរញ្ញប្បទានដល់ការវិនិយោគដែលចាំបាច់ដើម្បីធ្វើឱ្យប្រសើរឡើងដល់បណ្តាញ 5G ជំនាន់ក្រោយ។

កិច្ចព្រមព្រៀងនេះនៅតែត្រូវប្រឈមនឹងការអនុម័តបទប្បញ្ញត្តិមុនពេលអនុវត្ត៕

ព័ត៌មានផ្សេងទៀត