ខេត្តកំពង់ឆ្នាំង ៖ បឹងដំរ៉ែកជាបឹងអភិរក្សធម្មជាតិ និងជាអាងស្តុបទឹកទុកសម្រាប់ប្រជាពលរដ្ឋអាស្រ័យផល ដែលមានទីតាំងជាប់ព្រំប្រទល់ ឃុំក្រាំងដីមាស ស្រុករលាប្អៀរ និងសង្កាត់ខ្សាម ក្រុងកំពង់ឆ្នាំង គេសង្កេតឃើញមានសកម្មភាពគ្រឿងចក្រជាច្រើន កំពុងកាយយកអាចម៍ដីលក់យ៉ាងអាណាធិប្បតេយ្យ។
ប្រភពប្រជាពលរដ្ឋបង្ហើបឲ្យដឹងថាម្ចាស់អាជីវកម្មទី១ មានឈ្មោះសោម សុម៉ាលិ (ហៅយាយម៉ៅពេជ្យនិល) និងទី២មានឈ្មោះជា ឆេងស្រង់ (ហៅពៅ) អ្នកទាំងពីរជាឈ្មួញចាស់វស្សាជាយូរឆ្នាំហើយនៅទីតាំងខាងលើមិនដឹងថាមានច្បាប់អនុញ្ញាតិ និងអនុវត្តត្រឹមត្រូវ ឬយ៉ាងណានោះទេ ដែលសកម្មភាពនេះដឹកដីមិនគ្រប និងមិនស្រោចទឹក ធ្វើឲ្យប៉ះពាល់ដល់សុខភាពរបស់ពួកគាត់យ៉ាងធ្ងន់ធ្ងរ ជាពិសេសកូនតូចៗ។ ដោយឡែកចំពោះផ្លូវសាធារណៈរបស់រដ្ឋក៏មានការខូចខាតដោយអន្លើផងដែរ។
លោកពៅ ស៊ីម ប្រធានធនធានរ៉ែ និងថាមពលខេត្តកំពង់ឆ្នាំងបញ្ជាក់ឲ្យដឹងនៅថ្ងៃទី២៤ ខែមេសា ឆ្នាំ២០២៤តាមប្រព័ន្ធតេឡេក្រាមថា ក្រោយពីពិនិត្យលើទីតាំងទាំង២អាជីវកម្មរណ្តៅដីខាងលើ ជាលទ្ធផល ឈ្មោះជា ឆេងស្រង់ គាត់មានអាជ្ញាប័ណ្ណសិប្បៈកម្មធនធានរ៉ែចេញដោយអភិបាលស្រុករលាប្អៀរ ដោយឡែកម្នាក់ទៀតឈ្មោះសោម សុម៉ាលិ ពុំមានច្បាប់ធនធានរ៉ែទេ ប៉ុន្តែមានសំណើរទៅអភិបាលខេត្តសុំស្តាបឹង ហើយក៏មានការឯកភាពពីមន្ទីរធនធានទឹក មន្ទីរកសិកម្ម ចៅសង្កាត់ខ្សាម និងអភិបាលក្រុងផងដែរ។ ប៉ុន្តែទោះយ៉ាងណាសូមឲ្យម្ចាស់អាជីវកម្មនោះសុំការអនុញ្ញាតិធ្វើអាជ្ញាប័ណ្ណសិប្បៈកម្មពីរដ្ឋបាលខេត្ត ទើបបន្តឲ្យធ្វើទៀតបាន។
គួររំលឹកផងដែរនៅរសៀលថ្ងៃ២២ ខែមេសា ឆ្នាំ២០២៤ អាជ្ញាធរស្រុករលាប្អៀរ មានលោកផុន សីហា អភិបាលរងស្រុករលាប្អៀរ តំណាងលោកសេង វិចិត្រ អភិបាលស្រុករលាប្អៀរ សហការជាមួយមន្ត្រីមន្ទីរធនធានទឹក អាជ្ញាធរភូមិ សមត្ថកិច្ចពាក់ព័ន្ធ រួមជាមួយលោកជា ឆេងស្រង់( ហៅពៅ) ជាម្ចាស់អាជីវកម្មកាយយកអាចម៍ដីលក់ ដោយភ្ជាប់ជាមួយឯកសារផងដែរ។ ក្រោយបានពិនិត្យឯកសារលោកអឿ សារឿន អនុការិយាល័យមន្ទីរធនធានទឹក លោកមាស ហ៊ុល ជំទប់ទី២ឃុំក្រាំងដីមាស លោកមាន់ ថេត ប្រធានសហគមន៍ដំបូកកកោះ បានអះអាងថាអាជីវកម្មនៅចំណុចបឹងដំរ៉ែក ព្រុំប្រទល់រវាងភូមិដំបូកកកោះ ឃុំក្រាំងដីមាស ស្រុករលាប្អៀរ និងភូមិទី៤ សង្កាត់ខ្សាម ក្រុងកំពង់ឆ្នាំង មានច្បាប់អនុញ្ញាតិត្រឹមត្រូវ។ជាមួយគ្នានេះអាជ្ញាធរភូមិ និងប្រធានសហគមន៍ បានបញ្ជាក់ថា ដោយបច្ចុប្បន្នផ្ទៃអាងទឹកនិងបឹងធម្មជាតិមួយចំនួន មានការគោករាក់ មិនអាចតំកល់បរិមាណទឹកគ្រប់គ្រាន់ទៅតាមតម្រូវការប្រើប្រាស់ និងផ្គត់ផ្គង់ស្រោចស្រពស្រូវប្រាំង និងផលដំណាំរបស់បងប្អូនប្រជាកសិករក្នុងរដូវប្រាំងបាន ដូច្នេះមានការស្នើស្តាអាងទឹកខាងលើចំនួន ០៤ហិកតា។
ពាក់ព័ន្ធការលើកឡើងនេះយើងពុំអាចទំនាក់ទំនងទៅលោកយី ភួន មេឃុំក្រាំងដីមាស សុំការបញ្ជាក់ស្នាមមេដៃរបស់ប្រជាពលរដ្ឋដែលបានស្នើសុំការស្តាអាងទឹកធម្មជាតិ បាននោះទេ ។ជាហេតុធ្វើឲ្យសាធារណៈជនដាក់ការសង្ស័យថា ជាការត្រូវរ៉ូវគ្នាជាផលប្រយោជន៍បុគ្គល ហើយអ្វីជាការព្រួយបារម្ភនោះគឺខ្លាចបាត់បង់បឹងធម្មជាតិ ដែលអ្នកភូមិធ្លាប់ប្រើប្រាស់សម្រាប់របរកសិកម្មជាច្រើនជំនាន់មកហើយនោះ ត្រូវធ្លាក់ទៅលើដៃឯកជនកាន់កាប់អាស្រ័យផលទៅវិញ ដូច្នេះស្នើអាជ្ញាធរពាក់ព័ន្ធ ឯកឩត្តមស៊ុន សុវណ្ណារិទ្ធិ ក្នុងនាមជាគណៈបញ្ជាការឯកភាពខេត្ត ជាពិសេសអាជ្ញាធរថ្នាក់ជាតិមេត្តា បើកការស្រាវជ្រាវឲ្យស៊ីជម្រៅ និងរក្សាបឹងធម្មជាតិខាងលើទុកជាសម្បត្តិរដ្ឋវិញ ស្របតាមអនុសាសន៍របស់ប្រមុខរាជរដ្ឋាភិបាល ដែលតែងតែខិតខំបង្កា បង្ក្រាបទប់ស្កាត់ រាល់បទល្មើសធនធានធម្មជាតិ រក្សាការពារអភិរក្សបឹងធម្មជាតិនានា ទុកជាប្រយោជន៍រួមដល់ពលរដ្ឋ៕
ព័ត៌មានផ្សេងទៀត
ឧត្តមសេនីយ៍ទោ សោម ស៊ុន ផ្សព្វផ្សាយគោលនយោបាយភូមិឃុំមានសុវត្ថិភាព និងបំពាក់សំលៀកបំពាក់ ជូនប្រជាការពារ នៅឃុំដងកាំបិត ស្រុកសណ្តាន់
កម្លាំងអាវុធហត្តខេត្តកំពង់ឆ្នាំងចុះអនុវត្តដីការរបស់តុលាការយោធាឃាត់ខ្លួនមនុស្សចំនួន៥នាក់
គណៈកម្មការរៀបចំការបោះឆ្នោតខេត្តកំពង់ធំ បានរៀបចំពិធីចាប់ឆ្នោតកំណត់យកលេខរៀងគណបក្សនយោបាយដាក់នៅលើសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សា អាណត្តិទី៤ ឆ្នាំ២០២៤។
ប្រជានេសាទ នៅឃុំអំពិលទឹក ស្រុកកំពង់ត្រឡាច ស្ម័គ្រចិត្តប្រគល់ ឧបករណ៍នេសាទខុសច្បាប់ ដល់អាជ្ញាធរ
រដ្ឋបាលស្រុកសណ្តាន់ប្រារព្ឋខួបលើកទី១១៣ នៃទិវាអន្តរជាតិនារី ក្រោមប្រធានបទ «ស្ត្រី និងក្មេងស្រី ក្នុងបរិវត្តកម្មឌីជីថល»និងជំរុញឲ្យស្ត្រីចូលរួមអនុវត្តវិស័យទាំង៦ឲ្យបានច្រើនដើម្បីលើកកម្ពស់សេដ្ឋកិច្ចជាតិ
អភិបាលខេត្តស្វាយរៀង ដាក់បទបញ្ជាឲ្យទប់ស្កាត់ការទន្ទ្រានយកដីចំណីផ្លូវធ្វើជាកម្មសិទ្ធ និងល្បែងភ្នាល់អនឡាញគ្រប់ប្រភេទគ្មានច្បាប់អនុញ្ញាត
ភ្លៀងនិងខ្យល់កន្ត្រាក់បណ្តាលឲខូចខាតផ្ទះពលរដ្ឋចំនួន០២ខ្នងនិងកុដ្ឋ០១ខ្នង
ចាក់សោរផ្ទះ ទៅហូបការត្រឡប់មកវិញភ្លើងឆេះព្រៃ រាលឆេះផ្ទះចំនួន២ខ្នង ម៉ដ្ឋ
ឯកឧត្តម បណ្ឌិត ថោង ខុន ដឹកនាំកិច្ចប្រជុំពិនិត្យវឌ្ឍភាពយុទ្ធនាការបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ ឆ្នាំ២០២៤
ពិធីបញ្ចុះបឋមសិលាកសាងអគារសិក្សា នៅសាលាបឋមសិក្សារកា១ខ្នង៣នបន្ទប់ ក្នុងសង្កាត់ស្រយ៉ូវ
ផ្ទះ៧ខ្នង អំណោយរបស់សម្តេចអគ្គមហាសេនាបតីតេជោ ហ៊ុន សែន ត្រូវបានប្រគល់ជូនគ្រួសារអតីតយុទ្ធជន នៅស្រុកសាមគ្គីមានជ័យ
រោងសិប្បកម្មកែច្នៃឈើមួយកន្លែងត្រូវបានអគ្គីភ័យឆាបឆេះអស់ទាំងស្រុង
មុខសញ្ញាចោរកម្មម្នាក់ជំនាញលួចម៉ូតូអស់លក្ខ:ជាប់អន្ទាក់ប៉ូលិស
ឈ្មួញប្រើគ្រឿងចក្រជាច្រើនគ្រឿងចូលឈូសឆាយដីព្រៃរបស់រដ្ឋរាប់រយហិចតានៅស្រុកសំឡូតយកធ្វើជាកម្មសិទ្ធ
កិច្ចប្រជុំប្រកាសផ្សព្វផ្សាយតំបន់វិនិច្ឆ័យលើការចុះបញ្ជីដីធ្លីមានលក្ខណ:ប្រព័ន្ធសម្រាប់ភូមិបឹងស្ទេង ឃុំខ្លុងពពក ស្រុកទឹកផុស ខេត្តកំពង់ឆ្នាំង
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្រេចសាងសង់ផ្ទះមួយខ្នង ដល់កុមារកំព្រា ២នាក់បងប្អូន និងចេញថ្លៃព្យាបាលទាំងស្រុងដល់បងប្រុសដែលមានជំងឺមិនប្រក្រតីទ្វារធំពីកំណេីត រស់នៅស្រុកសាមគ្គីមានជ័យ ខេត្ត
ក្រោយពីប្រជាពលរដ្ឋផ្ទុះការតវ៉ា និង ចោទប្រកាន់មេភូមិ មេឃុំ ពីការកាត់យកប្រាក់ឧបត្ថម្ភពីគ្រួសារ(ក្រ១.ក្រ២) នៅភូមិអភិវឌ្ឍន៍រុនតាឯក សង្កាត់រុនតាឯក ក្រុងរុនតាឯកតេជោសែន ត្រូវបានក្រុមការងារក្រសួងចុះធ្វើការសម្រុះសម្រួល
សមត្ថកិច្ចជំនាញកាប់បំផ្លាញចោល របាំងស្បៃមុងកាត់ព្រែក០១ករណី ស្មើនឹង១២កន្លែង នៅស្រុកកំពង់លែង
ពលរដ្ឋ ៦នាក់ត្រូវបានជួយសង្រ្គោះឲ្យបានវិលត្រឡប់មកកម្ពុជាវិញ
រដ្ឋាភិបាលហាមឃោសនាបោះឆ្នោតសមាជិកព្រឹទ្ធសភាក្នុងតំបន់មួយចំនួននៅភ្នំពេញ