កម្មវិធីស្បៀងអាហារពិភពលោកបាននិយាយនៅថ្ងៃសុក្រទី 20 ខែមីនាថាកុមារប្រហែល 300 លាននាក់ដែលពឹងផ្អែកលើអាហារនៅសាលារៀនបានខកខានទទួលទានដោយសារតែការបិទទ្វារដែលបណ្តាលមកពីកូរ៉ូណាវីរុស។
កម្មវិធីស្បៀងអាហារពិភពលោកបានចង្អុលបង្ហាញថាកុមារជាង 860 លាននាក់ដែលស្មើនឹងពាក់កណ្តាលនៃចំនួនសិស្សពិភពលោកត្រូវនៅឆ្ងាយពីសាលារៀននិងសាកលវិទ្យាល័យដោយសារតែការបិទទ្វារដែលមានគោលបំណងបញ្ឈប់ការរីករាលដាលនៃ COVID-19។
ទីភ្នាក់ងារអង្គការសហប្រជាជាតិបាននិយាយថាបន្ថែមលើការខកខានការសិក្សា កុមាររាប់សែននាក់ឥឡូវនេះកំពុងខកខានទទួលទានអាហារថ្ងៃត្រង់ដោយឥតគិតថ្លៃនៅតាមសាលារៀន។
កម្មវិធីស្បៀងអាហារពិភពលោកបាននិយាយថាកុមារជិត 9 លាននាក់ក្នុងចំណោម 18 លាននាក់ដែលអង្គការនេះចិញ្ចឹមដោយខ្លួនឯងតាមរយៈអាហារនៅទូទាំងប្រទេសចំនួន 61 លែងទទួលបានអាហារទៀតហើយ។
ទីភ្នាក់ងារនេះបាននិយាយថាខ្លួនកំពុងរិះរកមធ្យោបាយផ្សេងៗក្នុងការផ្តល់អាហារដល់កុមារនៅក្រៅសាលារៀនជាមួយចំណីអារហាររួមទាំងអាហារខ្ចប់ទៅផ្ទះ។
រដ្ឋាភិបាលនៃបណ្តាប្រទេសអ្នកមានដូចជាសហរដ្ឋអាមេរិក អង់គ្លេស បារាំង និងកាណាដាបានអនុវត្តយន្តការពិសេសដើម្បីធានាថាសិស្សសាលាក្រីក្របំផុតរបស់ពួកគេនឹងមិនអត់ឃ្លានឡើយ។
ប៉ុន្តែស្ថានការណ៍កាន់តែមិនច្បាស់សម្រាប់កុមារដែលរស់នៅក្នុងប្រទេសដែលញាំញីដោយភាពក្រីក្រខ្លាំង ជម្លោះប្រដាប់អាវុធ និងប្រព័ន្ធសុខាភិបាលទន់ខ្សោយ ឬស្ទើរតែគ្មានសោះ។
លោក Carmen Burbano នាយកផ្នែកបំប៉នអារហារតាមសាលារៀនរបស់កម្មវិធីស្បៀងអាហារពិភពលោកបានប្រាប់ AFP ថា “យើងអាចប្តូរទៅរៀនតាមអ៊ីនធើណិត ប៉ុន្តែមិនមែនការទទួលទានតាមអ៊ីនធើណិតទេ។ ដំណោះស្រាយខ្លះត្រូវការជាចាំបាច់”៕
ព័ត៌មានផ្សេងទៀត
UNESCO និយាយថា COVID-19 ធ្វើឲ្យកុមារ 290 លាននាក់ខកខានទៅសាលារៀន
អ្នកគ្រូស្លៀកសម្លៀកបំពាក់រឹបរាងកាយបង្ហាញសរីរាង្គខាងក្នុងដើម្បីបង្រៀនកាយវិភាគវិទ្យាដល់សិស្ស
ធនាគារពិភពលោកផ្តល់ហិរញ្ញប្បទានចំនួន ១៥០ លានដុល្លារដើម្បីលើកកម្ពស់ការអប់រំរបស់ហ្គាណា
ប្រទេសជប៉ុននឹងប្រើមនុស្សយន្ដ AI ក្នុងថ្នាក់ភាសារអង់គ្លេស
មហាសន្និបាតពិភពលោកនៃទស្សនវិជ្ជាបើកនៅរដ្ឋធានីប៉េកាំង
ប្រទេសបារាំងហាមឃាត់ការប្រើប្រាស់ស្មាតហ្វូននៅសាលារៀន
អ៊ិនធើណេតបានបិទនៅទូទាំងប្រទេសអាល់ហ្សេរីដើម្បីបញ្ឈប់សិស្សបើកចម្លងក្នុងពេលប្រលង
ស្ត្រីជនជាតិជប៉ុនវ័យ 88 ឆ្នាំទទួលបានសញ្ញាបត្របណ្ឌិត
តើអ្នកពិតជាអាចបង្វឹកកូនរបស់អ្នកឱ្យកាន់តែឆ្លាតវៃជាងនេះឬទេ?
សាកលវិទ្យាល័យកំពូលទាំង 10 នៅកម្ពុជាឆ្នាំ2018
សាកលវិទ្យាល័យល្បីៗទាំង១០ នៅប្រទេសជប៉ុន
គ្រូបង្រៀន និងអតីតគ្រូទទួលបានសេវាសុខភាព ប.ស.ស ឥតគិតថ្លៃ
ដូចម្តេចហៅថា ផ្លូវជនបទ!!!
សាកលវិទ្យាល័យ ២៥ នៅអាមេរិកមានទីតាំងល្អបំផុត