ព័ត៌មានអន្តរជាតិ

បេសកជនពិសេសរបស់អង្គការសហប្រជាជាតិប្រចាំប្រទេសមីយ៉ាន់ម៉ាបានជំរុញសហគមន៍អន្តរជាតិឱ្យចាត់វិធានការមុតមាំដើម្បីដោះស្រាយស្ថានការណ៍កាន់តែយ៉ាប់យ៉ឺនរបស់ប្រទេសនេះ។ លោកស្រី​ Christine Schraner Burgener បាននិយាយកាលពីថ្ងៃសុក្រនៅក្នុងកិច្ចប្រជុំតាមអនឡាញនៃគណៈកម្មាធិការទីបីនៃមហាសន្និបាតអង្គការសហប្រជាជាតិដែលដោះស្រាយបញ្ហាសិទ្ធិមនុស្ស។ លោកស្រីបាននិយាយថាការបង្រ្កាបដោយយោធាទៅលើប្រជាពលរដ្ឋនៅតែបន្តចាប់តាំងពីរដ្ឋប្រហារកាលពីខែកុម្ភៈ ហើយចំនួនមនុស្សដែលត្រូវការជំនួយមនុស្សធម៌បានកើនឡើងដល់ ៣ លាននាក់។ លោកស្រី Schraner Burgener បាននិយាយថាចំនួនអ្នកស្លាប់និងរបួសកំពុងកើនឡើងខណៈអំពើហឹង្សាកាន់តែខ្លាំងឡើងបន្ទាប់ពីការអំពាវនាវរបស់កងកម្លាំងគាំទ្រលទ្ធិប្រជាធិបតេយ្យកាលពីខែមុនដើម្បីបះបោរប្រឆាំងនឹងការគ្រប់គ្រងដោយយោធា។ លោកស្រីបាននិយាយថា "ស្ថានភាពកាន់តែអាក្រក់ទៅៗ ហើយសុទិដ្ឋិនិយមសម្រាប់ដំណោះស្រាយឆាប់រហ័សណាមួយកំពុងធ្លាក់ចុះ"។ សមាគមប្រជាជាតិអាស៊ីអាគ្នេយ៍កំពុងស្វែងរកការសម្រុះសម្រួលរវាងយោធាមីយ៉ាន់ម៉ា និងកងកម្លាំងគាំទ្រលទ្ធិប្រជាធិបតេយ្យ។ ប៉ុន្តែ​ការ​ខិតខំ​ប្រឹងប្រែង​បាន​ជាប់គាំង៕  

នាយិកាប្រតិបត្តិជាន់ខ្ពស់នៃក្រុមហ៊ុនបច្ចេកវិទ្យា Huawei បានត្រលប់ទៅកាន់ប្រទេសចិនវិញបន្ទាប់ពីជាប់ឃុំបីឆ្នាំនៅប្រទេសកាណាដា។ នាយិកាប្រតិបត្តិហិរញ្ញវត្ថុរបស់ក្រុមហ៊ុនទូរគមនាគមន៍យក្សចិន លោកស្រី Meng Wanzhou បានមកដល់អាកាសយានដ្ឋានមួយនៅទីក្រុង Shenzhen កាលពីយប់ថ្ងៃសៅរ៍។ លោកស្រីបានចាកចេញពីប្រទេសកាណាដាបន្ទាប់ពីបានធ្វើកិច្ចព្រមព្រៀងជាមួយអាជ្ញាធរសហរដ្ឋអាមេរិក។ លោកស្រី Meng ត្រូវបានឃុំខ្លួនក្នុងឆ្នាំ ២០១៨ តាមសំណើរបស់ក្រុងវ៉ាស៊ីនតោនចំពោះការរំលោភទណ្ឌកម្មប្រឆាំងនឹងប្រទេសអ៊ីរ៉ង់។ ក្រោយមកលោកស្រីត្រូវបានចោទប្រកាន់ពីបទឆបោកនិងការចោទប្រកាន់ផ្សេងទៀត។ លោកស្រី Meng បានចេញពីយន្តហោះក្នុងសម្លៀកបំពាក់ពណ៌ក្រហម។ បន្ទាប់ពីទទួលបានផ្កា លោកស្រីបាននិយាយថា “ទីបំផុតខ្ញុំត្រលប់មកផ្ទះវិញហើយ”។ ប្រព័ន្ធផ្សព្វផ្សាយចិនកំពុងរាយការណ៍យ៉ាងទូលំទូលាយអំពីការវិលត្រឡប់របស់លោកស្រី Meng ជាមួយនឹងការផ្សាយផ្ទាល់។ របាយការណ៍របស់ពួកគេនិយាយថាលោកស្រីត្រូវបានដោះលែងពីការធ្វើទុក្ខបុកម្នេញផ្នែកនយោបាយ។ ហើយជនជាតិកាណាដាពីរនាក់ដែលត្រូវបានចាប់ខ្លួននៅក្នុងប្រទេសចិនភ្លាមៗបន្ទាប់ពីការឃុំខ្លួនរបស់លោកស្រី Meng បានមកដល់ទីក្រុង...

នាយករដ្ឋមន្រ្តីថ្មីរបស់ជប៉ុន លោក Kishida Fumio និងសមភាគីឥណ្ឌា លោក Narendra Modi បានបញ្ជាក់ថាពួកគេនឹងធ្វើការយ៉ាងជិតស្និទ្ធដើម្បីសម្រេចបាននូវឥណ្ឌូ-ប៉ាស៊ីហ្វិកសេរីនិងបើកចំហ។ មេដឹកនាំទាំងពីរបាននិយាយតាមទូរស័ព្ទប្រហែល ២៥ នាទីកាលពីថ្ងៃសុក្រ។ វាគឺជាការសន្ទនាលើកដំបូងរបស់លោកទាំងពីរចាប់តាំងពីលោក Kishida ឡើងកាន់តំណែង។ មេដឹកនាំទាំងពីរបានឯកភាពគ្នាក្នុងការអភិវឌ្ឍន៍ទំនាក់ទំនងទ្វេភាគីបន្ថែមទៀតព្រមទាំងសហការគ្នាក្រោមអ្វីដែលហៅថាសម្ព័ន្ធមិត្ត ៤ប្រទេស រួមមានជប៉ុន ឥណ្ឌា អូស្ត្រាលី និងសហរដ្ឋអាមេរិក។ មេដឹកនាំទាំងពីរក៏បានយល់ព្រមប្រឆាំងនឹងការប៉ុនប៉ងឯកតោភាគីដើម្បីផ្លាស់ប្តូរស្ថានភាពបច្ចុប្បន្នដោយកម្លាំងនិងការបង្ខិតបង្ខំផ្នែកសេដ្ឋកិច្ច។ ហើយពួកគាត់បានបញ្ជាក់ថាពួកគាត់ នឹងធ្វើឱ្យស៊ីជម្រៅកិច្ចសហប្រតិបត្តិការទ្វេភាគីដើម្បីសម្រេចបាននូវសន្តិសុខសេដ្ឋកិច្ចរួមទាំងភាពធន់នៃសង្វាក់ផ្គត់ផ្គង់។ លោក Kishida បានចង្អុលបង្ហាញថាកម្មវិធីនុយក្លេអ៊ែរនិងមីស៊ីលរបស់កូរ៉េខាងជើងគឺជាការគំរាមកំហែងដល់សន្តិភាពនិងសន្តិសុខតំបន់និងពិភពលោក។ លោកបានសុំការយោគយល់និងការគាំទ្រដើម្បីដោះស្រាយបញ្ហាការចាប់ពង្រត់ជនជាតិជប៉ុនដោយកូរ៉េខាងជើង៕      

អ្នកវិទ្យាសាស្ត្ររូបនេះត្រូវបានចាត់ទុកថាជាបិតាគ្រាប់បែកនុយក្លេអ៊ែររបស់ប៉ាគីស្ថានត្រូវបានផ្តល់ជាកិត្តិយសដោយរៀបចំពិធីបុណ្យសពជាផ្លូវរដ្ឋកាលពីថ្ងៃអាទិត្យនៅវិហារអ៊ីស្លាមធំបំផុតរបស់ប្រទេស។ លោក Abdul Qadeer Khan បានទទួលមរណភាពកាលពីថ្ងៃអាទិត្យក្នុងជន្មាយុ ៨៥ ឆ្នាំ។ ពិធីបុណ្យសម្រាប់បុរសដែលត្រូវបានចាត់ទុកថាជាវីរបុរសជាតិនៅប៉ាគីស្ថានបានធ្វើឡើងនៅវិហារអ៊ីស្លាម Faisal ក្នុងទីក្រុងអ៊ីស្លាម៉ាបាដ។ ទង់ជាតិត្រូវបានគេបង្ហោះពាក់កណ្តាលនៅលើអាគារសភានិងកន្លែងផ្សេងទៀតនៅក្នុងរដ្ឋធានី។ មនុស្សជាច្រើនបានចូលរួមរួមទាំងសិស្សសាលាបឋមសិក្សាម្នាក់ដែលបាននិយាយថាលោក Khan បានផលិតអាវុធនុយក្លេអ៊ែរដែលបានធ្វើឱ្យប៉ាគីស្ថានមានសុវត្ថិភាពពីសត្រូវរបស់ខ្លួន។ លោក Khan បានជួយប្រទេសនេះធ្វើការសាកល្បងនុយក្លេអ៊ែរដោយជោគជ័យនៅឆ្នាំ ១៩៩៨។ គាត់បានទទួលការរិះគន់យ៉ាងខ្លាំងពីអន្តរជាតិក្នុងឆ្នាំ ២០០៤ នៅពេលដែលវាត្រូវបានគេរកឃើញថាគាត់បានដើរតួនាទីក្នុងការចែកចាយបច្ចេកវិទ្យានុយក្លេអ៊ែរជាមួយបរទេសរួមទាំងកូរ៉េខាងជើងនិងអ៊ីរ៉ង់៕

អន្តរជាតិ ៖ ការវាយប្រហារដោយកងកម្លាំងការពារអ៊ីស្រាអែល (IDF) បានសម្លាប់មនុស្ស ១៣ នាក់នៅក្នុងទីប្រជុំជន Khan Yunis ភាគខាងត្បូងហ្គាហ្សាស្ទ្រីប ។ នេះបើយោងតាមទូរទស្សន៍កាតា Al Jazeera រាយការណ៍។ យោងតាមប៉ុស្តិ៍នេះ បន្ថែមថា យន្តហោះរបស់ IDF ក៏បានធ្វើការវាយប្រហារលើទីក្រុង Rafah ជិតខាងនោះ ដែលស្ថិតនៅជាប់ព្រំដែនជាមួយអេហ្ស៊ីប។ ទន្ទឹមនោះ ក្រសួងសុខាភិបាលនៃតំបន់ប៉ាឡេស្ទីន បានរាយការណ៍ថា...