សង្គម

ព្រះចៅអធិរាជអាគីហ៊ិតុនិងព្រះមហាក្សត្រីយានីមីឈីកុត្រូវបានគេរំពឹងថានឹងយាងទស្សនកិច្ចនៅតំបន់ដែលបានបំផ្លិចបំផ្លាញដោយភ្លៀងធ្លាក់ខ្លាំងនៅភាគខាងលិចប្រទេសជប៉ុននៅពាក់កណ្តាលខែកញ្ញា។ ការកែសម្រួលកំពុងធ្វើឡើងសម្រាប់គូស្វាមីភរិយាអធិរាជដើម្បីធ្វើព្រះរាជទស្សនកិច្ចមួយថ្ងៃទៅកាន់ទីក្រុងហ៊ីរ៉ូស៊ីម៉ានិងអូកាយ៉ាម៉ានៅថ្ងៃទី 13 ខែកញ្ញា។ ព្រះអង្គទាំងពីរនឹងយាងទៅតំបន់តាមឧទ្ធម្ភាគចក្រ ជួបជាមួយប្រជាពលរដ្ឋដែលរងផលប៉ះពាល់ ហើយស្តាប់អំពីស្ថានភាពពីអភិបាលក្រុងនិងមន្ត្រីដទៃទៀត។ ព្រះអង្គទាំងពីរត្រូវបានគេរំពឹងថានឹងយាងទស្សនកិច្ចមួយថ្ងៃទៀតនៅថ្ងៃទី 20 ខែកញ្ញាទៅកាន់ខេត្តអេហេមិ។ ពលរដ្ឋជាង 200 នាក់បានស្លាប់ ហើយអ្នកផ្សេងទៀតកំពុងបាត់ខ្លួន ឬរស់នៅក្នុងជម្រកបន្ទាប់ពីមានភ្លៀងធ្លាក់ខ្លាំងនៅក្នុងតំបន់ទាំងនេះកាលពីខែកក្កដា។ កាលលើកមុន ព្រះចៅអធិរាជនិងព្រះមហាក្សត្រីយានីបានយាងទស្សនកិច្ចជាបន្តបន្ទាប់នៅតំបន់រងគ្រោះដោយគ្រោះមហន្តរាយក្រោយពីការរញ្ជួយដី រលកយក្សស៊ូណាមី និងគ្រោះមហន្តរាយនុយក្លេអ៊ែរកាលពីថ្ងៃទី 11 ខែមីនាឆ្នាំ 2011៕  

កម្មវិធីស្បៀងអាហារពិភពលោកនិយាយថាចំនួនប្រជាជនដែលទទួលរងនូវភាពអត់ឃ្លានស្រួចស្រាវអាចកើនឡើងទ្វេដងដល់ 265 លាននាក់ដោយសារពិភពលោកព្យាយាមដោះស្រាយជាមួយនឹងផលវិបាកខាងសេដ្ឋកិច្ចនៃការផ្ទុះឡើងនៃកូរ៉ូណាវីរុស។ ទីភ្នាក់ងារអង្គការសហប្រជាជាតិនិងសហគមន៍អ៊ឺរ៉ុបបាននិយាយនៅក្នុងរបាយការណ៍ដែលបានចេញផ្សាយកាលពីថ្ងៃអង្គារថាប្រជាជន 135 លាននាក់កំពុងប្រឈមនឹងបញ្ហាអសន្តិសុខស្បៀងអាហារដ៏ធ្ងន់ធ្ងរដោយសារតែផលប៉ះពាល់នៃការប្រែប្រួលអាកាសធាតុនិងវិបត្តិសេដ្ឋកិច្ច។ របាយការណ៍បាននិយាយថាចំនួននេះអាចកើនឡើងទ្វេដងនៅចុងឆ្នាំនេះដោយសារតែការកើនឡើងនៃចំនួនអ្នកអត់ការងារធ្វើនិងអ្នកដែលមានម៉ោងធ្វើការថយចុះដោយសារការបិទទ្វាប្រទេសដើម្បីការពារការឆ្លងវីរុសនៅទូទាំងពិភពលោក។ កម្មវិធីស្បៀងអាហារពិភពលោកនិយាយថាបណ្តាប្រទេសអាហ្រ្វិកដែលប្រជាជនជាច្រើនកំពុងប្រឈមនឹងកង្វះខាតស្បៀងអាហារនឹងរងផលប៉ះពាល់ធ្ងន់ធ្ងរបំផុត។ ប្រធានសេដ្ឋវិទូនៃកម្មវិធីស្បៀងអាហារពិភពលោកលោក Arif Husain បាននិយាយថាផលប៉ះពាល់សេដ្ឋកិច្ចនៃជំងឺរាតត្បាតគឺជាក្តីកង្វល់ភ្លាមៗសម្រាប់មនុស្សរាប់លាននាក់ដែលអាចត្រឹមតែបរិភោគបានប្រសិនបើពួកគេទទួលបានប្រាក់ឈ្នួលហើយបានអំពាវនាវឱ្យមានការគាំទ្រជាទ្រង់ទ្រាយធំពីសហគមន៍អន្តរជាតិ៕

ព្រះបរមរាជវាំងរបស់ប្រទេសថៃនិយាយថាព្រះរាជ្យពិធីគ្រងរាជ្យរបស់ស្តេច Maha Vajiralongkorn នឹងប្រព្រឹត្តទៅនៅខែឧសភា។ ស្ថាប័ននេះបានប្រកាសតាមរយៈទូរទស្សន៍រដ្ឋកាលពីថ្ងៃអង្គារថាព្រះមហាក្សត្រនឹងត្រូវបានប្រារព្ធពីធីគ្រងរាជ្យជាផ្លូវការនៅក្នុងព្រះរាជពិធីគ្រងរាជ្យចាប់ពីថ្ងៃទី 4 ដល់ទី 6 ខែឧសភា។ ការប្រារព្ធពិធីនិងក្បួនព្យុះហយាត្រានឹងត្រូវបានធ្វើឡើងនៅព្រះបរមរាជវាំងនៅបាងកកនិងនៅកន្លែងផ្សេងទៀតក្នុងអំឡុងពេលបីថ្ងៃ។ បន្ទាប់ពីព្រះមហាក្សត្រព្រះបាទ Bhumibol Adulyadej បានចូលទីវង្គត់នៅក្នុងខែតុលាឆ្នាំ 2016 បុត្រាច្បងរបស់ទ្រង់បានឡើងសោយរាជ្យ។ ព្រះមហាក្សត្រថ្មីបានកាន់កាប់តួនាទីជាព្រះប្រមុខរដ្ឋ ជាអធិបតីក្នុងពិធីសែនព្រេនតាមបែបសាសនានិងចុះព្រះហស្បលេខាលើឯកសារជាផ្លូវការ។ ប៉ុន្តែពិធីគ្រងរាជសម្បត្តិជាផ្លូវការមួយមិនទាន់ត្រូវបានធ្វើឡើងនៅឡើយទេ។ រដ្ឋាភិបាលយោធាថៃគ្រោងនឹងធ្វើការបោះឆ្នោតសកលនៅខែក្រោយសម្រាប់ការផ្ទេរអំណាចទៅរដ្ឋបាលស៊ីវិល។ រដ្ឋាភិបាលយោធាបានកាន់អំណាចចាប់តាំងពីរដ្ឋប្រហារមួយកាលពីខែឧសភាឆ្នាំ 2014៕    

លោកនាយករដ្ឋមន្ត្រីជប៉ុន Suga Yoshihide បានផ្ញើសារតាម Tweet មួយដែលជូនពរដល់ប្រធានាធិបតីអាមេរិក Donald Trump ឲ្យជាសះស្បើយឆាប់រហ័សពីកូរ៉ូណាវីរុស។ លោក Suga បានសរសេរកាលពីថ្ងៃសៅរ៍ថាលោកមានការព្រួយបារម្ភបន្ទាប់ពីបានអាន Tweet របស់លោក Trump ដោយប្រកាសថាលោកនិងលោកស្រីទីមួយ Melania Trump បានធ្វើតេស្តវិជ្ជមាន។ លោក Suga បានសម្តែងក្តីសង្ឃឹមថាលោក Trump នឹងវិលត្រឡប់ធម្មតាវិញឆាប់ៗនេះ។ Tweet ត្រូវបានសរសេរជាភាសាជប៉ុននិងអង់គ្លេស៕    

តុលាការមួយនៅក្រុងប៉េកាំងបានដាក់ទោសជាប់ពន្ធនាគារដល់មនុស្ស 6 នាក់ដែលបានរៀបចំឲ្យមានការបើកចម្លងនៅក្នុងការប្រឡងចូលរៀនថ្នាក់បរិញ្ញាបត្រកាលពី 2 ឆ្នាំមុន។ ទូរទស្សន៍មជ្ឈិមចិនដែលគ្រប់គ្រងដោយរដ្ឋបានរាយការណ៍ថាចុងចោទរួមទាំងអ្នកពិគ្រោះយោបល់ផ្នែកអប់រំម្នាក់ត្រូវបានកាត់ទោសចាប់ពី 20 ខែដល់ 4 ឆ្នាំ។ ទូរទស្សន៍ CCTV បាននិយាយថាពួកគេបានផ្តល់ឱ្យបេក្ខជនចំនួន 33 នាក់ដែលមានកាសត្រចៀកខ្នាតតូចនិងឧបករណ៍ដែលមានរាងដូចជ័រលុបដែលមានអេក្រង់ LCD។ ចម្លើយត្រឹមត្រូវត្រូវបានបញ្ជូនពីសណ្ឋាគារនៅជិតកន្លែងប្រលង។ ប្រពន្ធផ្សព្វផ្សាយបាននិយាយថាចុងចោទត្រូវបានទទួលប្រាក់ប្រហែល 4,500 ដុល្លារដោយអ្នកចូលរួមប្រឡងនីមួយៗ។ វានិយាយថានេះជាករណីធ្ងន់ធ្ងរបំផុតនៃការបើកចម្លងលើការប្រឡងដែលមានលក្ខណៈស្តង់ដារក្នុងប៉ុន្មានឆ្នាំថ្មីៗនេះនៅទីក្រុងប៉េកាំង។ ការក្លែងបន្លំប្រលងត្រូវបានក្លាយទៅជាបញ្ហាសង្គមដ៏សំខាន់នៅក្នុងប្រទេសចិន។ មនុស្សប្រហែល 10 លាននាក់បានប្រលងចូលសាកលវិទ្យាល័យជារៀងរាល់ឆ្នាំ។ ការចុះឈ្មោះចូលរៀននៅតាមសាកលវិទ្យាល័យកំពុងក្លាយជាការប្រកួតប្រជែងកាន់តែខ្លាំងឡើង៕        

ខណៈដែលពិភពលោកកំពុងរង់ចាំកិច្ចប្រជុំកំពូលជាប្រវត្តិសាស្រ្តរវាងលោក Donald Trump និងលោក Kim Jong Un បុរសម្នាក់ដែលមានរូបរាងដូចមេដឹកនាំកូរ៉េខាងជើងកំពុងបង្ហាញរូបរាងរបស់គាត់នៅក្នុងប្រទេសសឹង្ហបុរី។ បុរសដែលមានរូបសម្បត្តិដូចលោកគីមមកពីហុងកុងដែលមានឈ្មោះថា Howard X នឹងចូលរួមក្នុងកិច្ចប្រជុំកំពូលមួយដាច់ដោយឡែកពីជំនួបរវាងលោកប្រធានាធិបតីអាមេរិកនិងលោក Kim គ្រោងនឹងធ្វើនៅថ្ងៃអង្គារ ទី12 ខែមិថុនា។ ក្នុងរយៈពេលប៉ុន្មានខែថ្មីៗនេះលោក Howard បានធ្វើទស្សនកិច្ចជាលក្ខណៈអន្ដរជាតិហើយបានបង្ហាញខ្លួននៅឯព្រឹត្តិការណ៍អូឡាំពិករដូវរងារ Pyeongchang ជាមួយនឹងតួអង្គដូចលោក Trump។ នៅទីនោះគាត់ត្រូវបានប៉ូលីសរុញច្រានបន្ទាប់ពីរាំនិងគ្រវីទង់បង្រួបបង្រួមកូរ៉េនៅពីមុខក្រុមរាំនារីរបស់កូរ៉េខាងជើង។ លោក Howard និយាយថាបុរសពីរនាក់នេះត្រូវបានជួលដោយសណ្ឋាគារសឹង្ហបុរីដើម្បីឱ្យពួកគេយកចិត្តទុកដាក់លើកិច្ចប្រជុំដ៏សំខាន់នេះ។ លោក Howard បានប្រាប់...

ក្មេងប្រុសដែលត្រូវបានជួយសង្គ្រោះពីរូងភ្នំដែលទឹកជន់លិចនៅភាគខាងជើងនៃប្រទេសថៃបានបួងសួងជូនអ្នកមុជទឹកម្នាក់ដែលបានស្លាប់អំឡុងប្រតិបត្តិការដើម្បីជួយសង្រ្គោះពួកគេ។ ក្មេងប្រុស 12 នាក់និងគ្រូបង្វឹករបស់ពួកគេត្រូវបានអនុញ្ញាតឲ្យចេញពីមន្ទីរពេទ្យ ហើយបានវិលត្រលប់មកផ្ទះវិញកាលពីថ្ងៃពុធជាលើកដំបូងក្នុងរយៈពេលជាង 3 សប្តាហ៍។ កាលពីថ្ងៃព្រហស្បតិ៍ ក្រុមពួកគេដោយមិនរាប់បញ្ចូលក្មេងប្រុសម្នាក់ដែលជាគ្រិស្តសាសនិកជនបានប្រមូលផ្តុំគ្នានៅព្រះវិហារព្រះពុទ្ធសាសនាក្នុងស្រុកមួយ។ អតីតសមាជិក SEAL លោក Samarn Kunan បានស្ម័គ្រចិត្តជួយសង្គ្រោះ ប៉ុន្ដែបានស្លាប់កាលពីថ្ងៃទី 6 ខែកក្កដា ខណៈកំពុងធ្វើការងារដើម្បីដាក់ធុងខ្យល់តាមបណ្តោយផ្លូវចេញ។ ក្មេងប្រុសបានសំពះបួងសួងដោយស្ងៀមស្ងាត់នៅមុខរូបថតរបស់គាត់។ នៅក្នុងពិធីសូត្រធម៌តាមប្រពៃណី លោកអាចារ្យបានសូត្រធម៌ប្រោះព្រំសុំឱ្យពួកគេរួចផុតពីគ្រោះថ្នាក់និងសំណាងអាក្រក់ដោយកាន់អំបោះពណ៌សព័ទ្ធជុំវិញក្បាលរបស់ពួកគេ។ ក្មេងប្រុសទាំងនោះត្រូវបានបំបួសជាសង្ឃតាមព្រះពុទ្ធសាសនានៅសប្តាហ៍ក្រោយសម្រាប់រយៈពេលខ្លីមួយដើម្បីផ្តល់នូវការបួងសួងបន្ថែមទៀតសម្រាប់អ្នកមុជទឹកនិងជួយពួកគេអោយជៀសផុតពីឧបទ្រុបចង្រៃ៕  

ប្រធានាធិបតីអាមេរិកលោក Joe Biden បានបង្ហាញនូវយុទ្ធសាស្រ្តមួយក្នុងការកម្ចាត់ជំងឺរាតត្បាតកូរ៉ូណាវីរុសនិងធ្វើឱ្យប្រទេសកាន់តែខិតទៅរកសស្ថានភាពធម្មតានៅត្រឹមថ្ងៃទិវាឯករាជ្យ ថ្ងៃទី ៤ ខែកក្កដា។ លោក Biden បានថ្លែងសុន្ទរកថាតាមទូរទស្សន៍ជាលើកដំបូងនៅយប់ថ្ងៃព្រហស្បតិ៍នេះដែលជាខួបលើកទី ១ ឆ្នាំនៃការបិទប្រទេសដោយសារជំងឺរាតត្បាត។លោក Biden បានថ្លែងថាលោកនឹងដឹកនាំរដ្ឋ កុលសម្ព័ន្ធ និងដែនអធិបតេយនានាដើម្បីធ្វើឱ្យមនុស្សពេញវ័យទាំងអស់មានសិទ្ធិទទួលបានវ៉ាក់សាំងការពារកូវីដ-១៩ នៅថ្ងៃទី ១ ខែឧសភា។ លោកបានបន្ថែមថាក្រុមគ្រួសារនិងមិត្តភក្តិគួរតែអាចជួបជុំគ្នាជាថ្មីជាក្រុមតូចៗ នៅថ្ងៃទី ៤ ខែកក្កដា។ គាត់បានមានប្រសាសន៍ថា “វានឹងធ្វើឱ្យទិវាឯករាជ្យនេះពិតជាពិសេស ដែលយើងមិនត្រឹមតែកត់សម្គាល់ឯករាជ្យភាពរបស់យើងក្នុងនាមជាប្រជាជាតិមួយប៉ុណ្ណោះទេ...

ប្រទេសក្រិកបានប្រារព្ធពិធីអបអរសាទរថ្ងៃបុណ្យជាតិ "Ochi Day"  ដោយមានក្បួនព្យុហយាត្រារបស់ទាហាននិងសិស្សានុសិស្សនៅទូទាំងប្រទេស ដោយបានផ្ញើសារដ៏ខ្លាំងក្លាមួយប្រឆាំងនឹងការត្រឡប់មកវិញរបស់លិទ្ធិហ្វាស៊ីសនិយម។"Ochi" គឺជាការឆ្លើយតបដែលត្រូវបានផ្តល់ឱ្យនៅថ្ងៃទី 28 ខែតុលាឆ្នាំ 1940 ដោយប្រមុខរដ្ឋាភិបាលចំពោះឪសានវាទរបស់ប្រទេសអ៊ីតាលីដើម្បីបញ្ចប់ការគ្រប់គ្រងប្រទេសរបស់កងកម្លាំងហ្វាស៊ីស។ វាបានបង្ហាញពីការចូលលុកលុយក្នុងទឹកដីរបស់ប្រទេសក្រិកនៅក្នុងសង្គ្រាមលោកលើកទី 2។ នេះជាលើកទី 1 ហើយដែលប្រធានាធិបតីអ៊ីតាលីលោក Sergio Mattarella បានចូលរួមជាមួយប្រធានាធិបតីក្រិកលោក Prokopis Pavlopoulos នៅក្នុងទីក្រុង Thessaloniki ភាគខាងជើងកាលពីថ្ងៃអាទិត្យដើម្បីអង្កេតមើលក្បួនព្យុហយាត្រាយោធា។ក្រោយមកមេដឹកនាំទាំងពីរនឹងធ្វើដំណើរទៅកោះ Cephalonia នៅសមុទ្រ...

ពាណិជ្ជករជនជាតិអាមេរិកដែលជាអ្នកបំផុសគំនិតសម្រាប់ឈ្មោះតួអង្គវីដេអូហ្គេមដ៏ល្បីល្បាញ Super Mario បានស្លាប់។ លោក Mario Segale បានស្លាប់នៅថ្ងៃទី 27 ខែតុលានៅអាយុ 84 ឆ្នាំ។ កើតនៅទីក្រុងស៊ីអាថលនៅឆ្នាំ 1934 លោក Segale បានបង្កើតក្រុមហ៊ុនសំណង់មួយបន្ទាប់ពីបញ្ចប់ការសិក្សានៅវិទ្យាល័យហើយក្រោយមកបានពង្រីកទៅជាក្រុមហ៊ុនអភិវឌ្ឍអចលនទ្រព្យ។ ប្រព័ន្ធផ្សព្វផ្សាយរបស់អាមេរិកបានរាយការណ៍ថាក្រុមហ៊ុនផលិតហ្គេមជប៉ុន Nintendo បានជួលឃ្លាំងមួយពី លោក Segale នៅពេលក្រុមហ៊ុននេះបានបើកសាខារបស់ខ្លួននៅសហរដ្ឋអាមេរិកនៅដើមទសវត្សឆ្នាំ 1980។ ក្រុមហ៊ុនបានសម្រេចចិត្តដាក់ឈ្មោះតួអង្គនេះនៅពីក្រោយឈ្មោះគាត់។ ហ្គេម Super Mario...