រដ្ឋមន្ត្រីការបរទេសវេណេស៊ុយអេឡា លោក Felix Plasencia កាលពីថ្ងៃព្រហស្បតិ៍បានថ្កោលទោសការសម្រេចចិត្តរបស់ក្រុមប្រឹក្សាសហភាពអឺរ៉ុប (EU) ក្នុងការបន្តដាក់ទណ្ឌកម្មប្រឆាំងនឹងមន្ត្រីនៃប្រទេសអាមេរិកខាងត្បូងរយៈពេលមួយឆ្នាំទៀត។
លោក Plasencia បាននិយាយនៅលើ Twitter ថា “យើងថ្កោលទោសយ៉ាងខ្លាំងចំពោះការវាយប្រហារថ្មីនេះមកលើប្រជាជនរបស់យើង ហើយយើងចាត់ទុកការបន្តដាក់ទណ្ឌកម្មដ៏គឃ្លើន នេះថាជាទង្វើនៃអរិភាព”។
យោងតាមលោក Plasencia សេចក្តីសម្រេចនេះគឺមានគោលបំណងធ្វើឱ្យធ្លាក់ចុះប្រជាប្រីយភាពដល់គណបក្សសង្គមនិយមដែលកំពុងកាន់អំណាចក្នុងការឈានទៅរកការបោះឆ្នោតថ្នាក់តំបន់ និងមូលដ្ឋាននៅថ្ងៃទី 21 ខែវិច្ឆិកា។
លោកបាននិយាយថា គោលបំណងរបស់ក្រុមប្រឹក្សានេះហាក់ដូចជា «ការធ្វើឲ្យការសាទរប្រជាធិបតេយ្យធ្លាក់ចុះនៅថ្ងៃអាទិត្យក្រោយ»។
ទណ្ឌកម្មនេះផ្តោតលើមន្ត្រីវេណេស៊ុយអេឡាចំនួន 55 នាក់ រួមទាំងអនុប្រធានាធិបតីបច្ចុប្បន្នលោក Delcy Rodriguez មេដឹកនាំយោធា និងអនុប្រធានយោធាជាច្រើន៕