ប៉ូលិសនៅរដ្ឋ Colorado សហរដ្ឋអាមេរិកនិយាយថាមនុស្ស ១០ នាក់ត្រូវបានសម្លាប់ពីការបាញ់ប្រហារនៅផ្សារទំនើបមួយ។ ពួកគេនិយាយថាពួកគេបានឃាត់ខ្លួនជនសង្ស័យម្នាក់។
ប៉ូលិសនិយាយថាខ្មាន់កាំភ្លើងម្នាក់បានបើកការបាញ់ប្រហារនៅឯផ្សារទំនើប King Soopers ក្នុងក្រុង Boulder កាលពីរសៀលថ្ងៃច័ន្ទ។
ប៉ូលិសបានឡោមព័ទ្ធទីតាំងនោះហើយបាននាំជនសង្ស័យម្នាក់ទៅឃុំខ្លួន។
ប៉ូលិសក្នុង Boulder បានប្រាប់អ្នកយកព័ត៌មានថាមន្ត្រីប៉ូលិសម្នាក់ក្នុងចំណោមមនុស្ស ១០ នាក់ត្រូវបានសម្លាប់។
ពួកគេបាននិយាយថាជនសង្ស័យជាបុរសកំពុងទទួលការព្យាបាលពីរបួស។ បុរសនោះមិនត្រូវបានកំណត់អត្តសញ្ញាណទេ។ ប៉ូលិសកំពុងស្វែងរកមូលហេតុរបស់គាត់។
ទីតាំងនៃការបាញ់ប្រហារនេះមានចម្ងាយប្រហែល ៤០ គីឡូម៉ែត្រពីរដ្ឋ Denver។
ហេតុការណ៍នេះកើតឡើងបន្ទាប់ពីបុរសម្នាក់បានបាញ់សម្លាប់មនុស្ស ៨ នាក់នៅទីតាំងចំនួន ៣ ក្នុងរដ្ឋ Georgia កាលពីថ្ងៃអង្គារសប្តាហ៍មុន។ ជនរងគ្រោះ ៦ នាក់មានដើមកំណើតអាស៊ី៕