ពានរង្វាន់ World Cup ចម្លងលក់ដាច់យ៉ាងឆាប់រហ័សក្នុងប្រទេសវៀតណាម

នៅក្នុងរោងជាងមួយដែលមានធូលីដីនៅជាយក្រុងហាណូយ កម្មករស្មូន រៀបចំ និងបាញ់ថ្នាំពានរង្វាន់ World Cup ចម្លងរាប់រយដែលជាការបញ្ជារទិញដូចទឹកជំនន់មុនពេលការប្រកួតសប្តាហ៍ក្រោយ។

ចំណាប់អារម្មណ៍កីឡាបាល់ទាត់ដោយជនជាតិវៀតណាមកំពុងរីកដុះដាលយ៉ាងរហ័សចំពោះគំរូពានដែលធ្វើដោយដៃនៃពានមាសទំហំ 18 ការ៉ាត់ពិតប្រាកដ នឹងស្វែងរកអ្នកឈ្នះនៃការប្រកួត World Cup ដែលរៀបចំដោយប្រទេសរុស្ស៊ីនឹងចាប់ផ្តើមនៅថ្ងៃព្រហស្បតិ៍។

សិប្បករ Vuong Hong Nhat បានធ្វើការចម្លងពានដែលមានកម្ពស់ 1ហ្វ៊ីត តាំងពីការប្រកួតបាល់ទាត់ពិភពលោកឆ្នាំ2010នៅអាហ្វ្រិកខាងត្បូងមកម្លេះ។ គាត់បានធ្វើការច្នៃប្រឌិតជាច្រើនដងដើម្បីផ្តល់ជាកាដូ។អ្នកគាំទ្រក្លឹប Manchester United វ័យ 57ឆ្នាំរូបនេះបាននិយាយថា “ដំបូងខ្ញុំមិនចង់លក់ពានរង្វាន់ទេ ខ្ញុំគ្រាន់តែព្យាយាមបំពេញចំណង់ចំណូលចិត្តរបស់ខ្ញុំសម្រាប់បាល់ទាត់និងផ្តល់ឱ្យមិត្តភក្តិនិងក្រុមគ្រួសារប៉ុណ្ណោះ។

ប៉ុន្តែវាមានប្រជាប្រិយភាពខ្លាំងណាស់ដែលឥឡូវនេះគាត់លក់វាហើយរំពឹងថានឹងទទួលបានការបញ្ជាទិញចំនួន 3 ពាន់នៅឆ្នាំនេះដែលចំនួននេះបានកើនឡើងបីដងក្នុងឆ្នាំ2014។

ដោយមានតែជំនួយការបីនាក់នៅក្នុងរោងជាងដ៏តូចរបស់គាត់ គាត់កំពុងព្យាយាមដើម្បីបំពេញតាមតម្រូវការនេះ។

លោក Nhat បាននិយាយដោយភាពនឿយហត់ថា «ខ្ញុំធ្វើការពេញមួយថ្ងៃដើម្បីផ្គាប់ចិត្តចំពោះការបញ្ជាទិញ ប៉ុន្តែវាមិនគ្រប់គ្រាន់ទេ ខ្ញុំត្រូវធ្វើការរហូតដល់អាធ្រាត»។ពានបាញ់ពណ៌មាសរបស់គាត់ត្រូវបានលក់ក្នុងតំលៃត្រឹមតែ 3,50 ដុល្លារអាមេរិកប៉ុណ្ណោះជាផលិតផលដែលលក់ថោកបំផុត បើប្រៀបធៀបទៅនឹងតម្លៃប៉ាន់ស្មាន 150,000 ដុល្លារ អាមេរិកលើតម្លៃពានដែលត្រូវបានរចនាឡើងដោយជាងចម្លាក់អ៊ីតាលីលោក Silvio Gazzaniga។

ពានរង្វាន់បាល់ទាត់ពិភពលោក FIFA World Cup ត្រូវបានគេលេងចាប់តាំងពីឆ្នាំ 1974 នៅពេលដែលវាជំនួសពានរង្វាន់ Jules Rimet Trophy ដំបូងដែលត្រូវបានប្រគល់ឱ្យប្រេស៊ីលក្នុងឆ្នាំ1970 បន្ទាប់ពីវាបានឈ្នះពានរង្វាន់បាល់ទាត់ពិភពលោកលើកទី3 របស់ខ្លួន។

ពានរង្វាន់ Jules Rimet ដំបូងត្រូវបានគេលួចនៅក្នុងប្រទេសប្រេស៊ីលនៅពេលដែលជញ្ជាំងខាងក្រោយនៃប្រអប់របស់វាត្រូវបានហែកចេញដោយចោរក្នុងឆ្នាំ1983 ហើយមិនដែលត្រូវបានរកឃើញវិញទេ។

ចំពោះអតិថិជនរបស់ Nhat ពានចម្លងនឹងបន្ថែមនូវភាពលេចធ្លោនៃភាពស្រស់ស្អាតមុនពេលការប្រកួតបាល់ទាត់ពិភពលោក។អ្នកគាំទ្រក្រុមបាល់ទាត់ជម្រើសជាតិបារាំងលោក Dang Viet Duy បាននិយាយថា “ពេលកាន់ពានរង្វាន់នេះ ខ្ញុំមានអារម្មណ៍ដូចជា Zidane (នៅពេលដែលគាត់) បានឈ្នះការប្រកួត World Cup ក្នុងឆ្នាំ 1998″។

វាជាការលួងលោមដ៏តូចមួយសម្រាប់អ្នកគាំទ្របាល់ទាត់ដូចជាលោក Nhat ដែលមានក្តីសង្ឃឹមតិចតួច ដែលឃើញវៀតណាមដែលជាប់ចំណាត់ថ្នាក់លេខ 102 របស់ FIFA ក្នុងចំណាត់ថ្នាក់ជាផ្លូវការ នឹងចូលរួមប្រកួតនៅក្នុងការប្រកួតបាល់ទាត់ពិភពលោកនាពេលឆាប់ៗនេះ។

លោក Nhat បាននិយាយថា “ប្រសិនបើពួកគេអាចធ្វើបានដូច្នេះមែន ខ្ញុំនឹងចែកជូនពានរង្វាន់របស់ខ្ញុំដោយឥតគិតថ្លៃ”៕

ព័ត៌មានផ្សេងទៀត

ប្រេស៊ីលបានផ្តួលអូទ្រីសក្នុងលទ្ធផល 3-0 ក្នុងការប្រកួតកម្តៅសាច់ដុំសម្រាប់ World Cup ក្រុមអ្នកវិភាគនៅធនាគារអាល្លឺម៉ង់ព្យាករថាអាល្លឺម៉ង់នឹងឈ្នះការប្រកួត World Cup ញត្តិដែលមានហត្ថលេខាចំនួនជាង 400,000 អំពាវនាវឱ្យពិន័យ Ramos Real Madrid លើកពានក្របខ័ណ្ឌ UEFA Champions League 3ឆ្នាំជាប់ៗគ្នា អ៊ីរ៉ង់នៅតែស្ថិតនៅលេខរៀងទី 36 ក្នុងចំណាត់ថ្នាក់ចុងក្រោយរបស់ FIFA សន្និសីទសារព័ត៌មានស្តីពីការប្រកួតកីឡាប្រដាល់ជើងឯកពិភពលោក ONE Women ទម្ងន់ស្រាលនៅសឹង្ហបុរី Chelsea ត្រូវបានចោទប្រកាន់ពីការបញ្ចេញកំហឹងដាក់អាជ្ញាកណ្តាល រដ្ឋាភិបាលអេស្ប៉ាញប្រគល់ពានរង្វាន់ខ្ពស់បំផុតដល់កីឡាករ Iniesta កម្ពុជា ទីម័រខាងកើត បានបំបាក់មីយ៉ាន់ម៉ា សិង្ហបុរី ដើម្បីឈានទៅវគ្គផ្តាច់ព្រ័ត្របាល់ទាត់យុវជន ASEAN Benzema ជួយ Real Madrid ឈានដល់វគ្គផ្តាច់ព្រ័ត្រក្របខ័ណ្ឌ Champions League ព្រឹត្តិការណ៍ប្រកួតជិះស្គីលើទឹកនៅអូស្ត្រាលីត្រូវបានលុបចោលបន្ទាប់ពីការវាយប្រហារដោយត្រីឆ្លាម គ្រូបង្វឹករបស់ប្រទេសប៉េរូបាននិយាយថា Messi សមនឹងទទួលបានពាន World Cup ប្រទេសជប៉ុនទទួលបានគ្រូបង្វឹកថ្មីសម្រាប់ World Cup លោក Pele: Neymar ដូចជា Messi ជាងកីឡាករ Ronaldo Pacquiao មិនអាចរង់ចាំការប្រកួតដណ្តើមជើងឯកពិភពលោកពីកីឡាករ Matthysse ក្រុមសិង្ហបុរីបញ្ចប់វគ្គជម្រុះក្នុងព្រឹត្តិការណ៍ Asian Cup ក្រោយពីចាញ់កោះតៃវ៉ាន់ 1-0 Messi ខកខានការប្រកួត Barca សម្រាប់ការសម្រាលកូន កីឡាប៉ារ៉ាឡាំពិកចាប់ផ្តើមនៅ Pyeongchang អ្នកប្រដាល់ជនជាតិអង់គ្លេសត្រូវបានហាមឃាត់មិនឱ្យប្រកួតរយៈពេល 2 ឆ្នាំបន្ទាប់ពីធ្វើតេស្តវិជ្ជមាន អ្នកឧបត្ថម្ភស្រាបៀររបស់ FIFA នឹងប្តឹងកីឡដ្ឋានប្រកួត World Cup ឆ្នាំ ២០១៨