ដោយ : ភ្នំធំ / បន្ទាយមានជ័យកិច្ចប្រជុំស្ដីពីការពិនិត្យផ្គូរផ្គង និងវាយតម្លៃលើការរៀបចំ និងការគ្រប់គ្រងបញ្ជីសារពើភ័ណ្ឌទ្រព្យសម្បត្តិរដ្ឋឆ្នាំគោល ឆ្នាំ២០២៤ របស់រដ្ឋបាលខេត្ត ក្រុង-ស្រុក ឃុំ សង្កាត់ និងមន្ទីរអង្គភាពជុំវិញខេត្តបន្ទាយមានជ័យ ។
លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យអញ្ជើញជាអធិបតីភាព។
និងមានការអញ្ជើញចូលរួម ពីលោក សុខ ធី ប្រធាននាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធនៃក្រសួងសេដ្ឋកិច្ចនិងហិរញ្ញវត្ថុ លោកអភិបាលរងខេត្ត លោកបឹង គឹមសឹង ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត អភិបាល អភិបាលរងក្រុង-ស្រុក ប្រធានមន្ទីរជំនាញអង្គភាពនានាជុំវិញខេត្ត លោកមេឃុំ ចៅសង្កាត់ ស្មៀន ជំនួយការនិងអ្នកពាក់ព័ន្ធ ប្រមាណ៨០០នាក់។
កម្មវិធីនោះ ធ្វើនៅនៅសាលប្រជុំ -ធំ – សាលានៃរដ្ឋបាលខេត្តបន្ទាយមានជ័យថ្ងៃទី០៤ខែកក្កដា ឆ្នាំ២០២៥ ។
លោកបឹង គឹមសឹង ប្រធានមន្ទីរសេដ្ឋកិច្ចនិងហិរញ្ញវត្ថុខេត្តបន្ទាយមានជ័យមានប្រសាសន៍ថា :យោងប្រកាសអន្តរក្រសួងលេខ ៣៥៦ សហវ.ប្រក ចុះថ្ងៃទី២៦ ខែមីនា ឆ្នាំ២០១៩ ក្រសួងសេដ្ឋកិច្ច ហិរញ្ញវត្ថុ ជាមួយក្រសួងរៀបចំដែនដី នគរនីយកម្ម និងសំណង់ត្រង់ប្រការ៣ចំពោះការចុះបញ្ជីធ្វើប័ណ្ណកម្មសិទ្ធិ លើកដំបូងលើដីសាធារណៈរបស់រដ្ឋ ដីឯកជនរបស់រដ្ឋ ដីគ្រឹះស្ថានសាធារណៈរដ្ឋបាល ព្រមទាំងគុរុភណ្ឌជាដីរបស់វត្ត ត្រូវ បានលើកលែងការយកកម្រៃសេវាសាធារណៈ ។
លោកបឹង គឹមសឹង បន្តថា: ការជម្រះចេញពីបញ្ជីសារពើភណ្ឌទ្រព្យសម្បត្តិរដ្ឋ ផ្អែកតាមប្រកាសលេខ០០២ សហវ.ប្រក ចុះថ្ងៃទី៦ ខែមករា ឆ្នាំ២០២០ របស់ក្រសួងសេដ្ឋកិច្ច និងហិរញ្ញវត្ថុ ស្តីពីវិធាននិងនីតិវិធី លម្អិតនៃការជម្រះបញ្ជីទ្រព្យសម្បត្តិរដ្ឋ ចេញពីបញ្ជីសារពើភ័ណ្ឌទ្រព្យសម្បត្តិរដ្ឋ។
ត្រង់ប្រការ៥ គ្រប់ក្រសួង ស្ថាប័ន អង្គភាពសាធារណៈប្រហាក់ប្រហែល រដ្ឋបាលរាជធានី ខេត្ត ក្រុង ស្រុក ខណ្ឌ ឃុំ សង្កាត់ និងនីតិ បុគ្គលសាធារណះ ត្រូវរៀបចំគម្រោងជម្រះបញ្ជីប្រចាំឆ្នាំ នូវទ្រព្យសម្បត្តិរដ្ឋទាំងឡាយដែលជាកម្មវត្ថុ ស្នើសុំជម្រះចេញពីសារពើភណ្ឌទ្រព្យសម្បត្តិរដ្ឋ ហើយត្រូវបានអនុញ្ញាតឲ្យជម្រះបានតែមួយដងគត់ក្នុងមួយឆ្នាំ។
ក្នុងកិច្ចប្រជុំនោះដែរ លោក អ៊ុំ រាត្រី អភិបាលខេត្តបន្ទាយមានជ័យបានមានប្រសាសន៍ថា : កិច្ចប្រជុំស្តីពីការត្រួតពិនិត្យ ផ្គូរផ្គង និងវាយតម្លៃលើការរៀបចំ និងការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ ឆ្នាំគោល២០២៤ ចាប់ពីពេលនេះតទៅ ។
ក្នុងនោះលោកបានធ្វើការវាយតម្លៃខ្ពស់ចំពោះមន្ទីរសេដ្ឋកិច្ច និងហិរញ្ញវត្ថុខេត្ត ដែលបានសហការជាមួយរដ្ឋបាលខេត្ត រៀបចំកម្មវិធីនេះឡើង និងសូមកោតសរសើរចំពោះ លោកស្រីប្រធានមន្ទីរអង្គភាពជុំវិញខេត្ត លោកអភិបាល ក្រុងស្រុក លោក លោកស្រី មេឃុំចៅសង្កាត់ ព្រមទាំងអ្នកជំនាញដែលពាក់ព័ន្ធទាំងអស់ដែលបានរៀបចំ និងកំពុងរៀប ចំបញ្ជីសារពើភណ្ឌទ្រព្យសម្បត្តិរដ្ឋឆ្នាំគោល២០២៤ និងឆ្ពោះមកឆ្នាំគោល២០២៥ ខាងមុខនេះ។
ចំណែកលោក សុខ ធី ប្រធាននាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធនៃក្រសួងសេដ្ឋកិច្ចនិងហិរញ្ញវត្ថុបានមានប្រសាសន៍ដែរថា : ច្បាប់នេះមានវិសាលភាពអនុវត្តចំពោះទ្រព្យសម្បត្តិរដ្ឋគ្រប់ប្រភេទ ការគ្រប់គ្រង ការប្រើប្រាស់ និងការចាត់ចែង លើទ្រព្យសម្បត្តិរដ្ឋ ដែលស្ថិតនៅក្រោមអធិបតេយ្យភាពនិង/ ឬយុត្តាធិការនៃព្រះរាជាណាចក្រកម្ពុជា។ ក្នុងនោះមាន :
១- អំពីការគ្រប់គងបញ្ជីសារពើភណ្ឌទ្រព្យសម្បត្តិរដ្ឋ
តាមអនុក្រឹត្យលេខ ៦៦ អនក្រ.បក ចុះថ្ងៃទី២៧ ខែមេសា ឆ្នាំ២០១៧ ស្តីពីវិធាន និងនីតិវិធីនៃការគ្រប់ គ្រងបញ្ជីសារពើភណ្ឌទ្រព្យសម្បត្តិរដ្ឋ មានគោលបំណងធានាការ គ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ ប្រកប ដោយប្រសិទ្ធភាព តម្លាភាព គណនេយ្យភាព និងបូរណភាព។
និង២-តាមសារាចរលេខ ០៧ សរ ចុះថ្ងៃទី៣០ មិថុនា ឆ្នាំ២០១៤ ស្តីពីការរៀបចំបញ្ជីសារពើភណ្ឌទ្រព្យសម្បត្តិរដ្ឋ តម្រូវ ឲ្យគ្រប់ក្រសួងស្ថាប័នរដ្ឋបាលថ្នាក់ក្រោមជាតិ និងនីតិបុគ្គលសាធារណះដែលជាអាជ្ញាធរកាន់កាប់ទ្រព្យសម្បត្តិរដ្ឋ និងអង្គភាពប្រើប្រាស់ ត្រូវរៀបចំបញ្ជីសារពើភណ្ឌទ្រព្យសម្បត្តិរដ្ឋឆ្នាំគោល រៀងរាល់៥ឆ្នាំម្តង និងតារាងកើនឡើងនិង ថយចុះនូវទ្រព្យសម្បត្តិរដ្ឋ១ឆ្នាំម្ដង ដែលនៅចន្លោះឆ្នាំគោល។
ការធ្វើប័ណ្ណកម្មសិទ្ធិ ផ្អែកតាមអនុក្រឹត្យលេខ ៦៦ មាត្រា២១ អាជ្ញាធរកាន់កាប់ ត្រូវរៀបចំនិងបំពេញបែបបទនិងនីតិវិធីចុះបញ្ជីអចលន ទ្រព្យ និងស្នើសុំវិញ្ញាបនបត្រសម្គាល់ម្ចាស់អចលនវត្ថុ ឬប័ណ្ណសម្គាល់សិទ្ធិកាន់កាប់អចលនវត្ថុ នៃអចលនទ្រព្យទាំង អស់ ស្ថិតនៅក្រោមការកាន់កាប់របស់ខ្លួន ទៅមន្ទីររៀបចំដែនដី នគរូនីយកម្ម សំណង់ និងសុរិយោដីខេត្ត៕
ព័ត៌មានផ្សេងទៀត
ឯកឧត្តមថោ ជេដ្ឋា បានលើកឡើងថា ការព្យាបាលជំងឺជូនពលរដ្ឋដោយឥតថ្លៃគឺជាការយកចិត្តទុកដាក់ខ្ពស់បំផុតរបស់សម្ដេចធិបតីហ៊ុន ម៉ាណែត ក្នុងការលើកកម្ពស់សុខភាពសាធារណៈនិងសុខភាពពលរដ្ឋគ្រប់មូលដ្ឋាន:
ក្រុមអាវលឿងនិងក្រហម បែរជារួមគ្នាប្រមូលផ្ដុំគ្នាធ្វើបាតុកម្មជម្រុញអោយលោកស្រីភែថងថាន ស៊ីណាវ៉ាត នាយករដ្ឋមន្ត្រីចុះចេញពីតំណែង
លួចម៉ូតូប្រជាពលរដ្ឋ ពីផ្សារទួលពង្រ រាជធានីភ្នំពេញ មកជាប់អន្ទាក់នគរបាលនៅខេត្តបន្ទាយមានជ័យ
កម្ពុជាខំសហការការពារសន្តិសុខទស្សនកិច្ចនាយករដ្ឋមន្ត្រីថៃនៅច្រកឆងចម-អូរស្មាច់ ,ប្រតិភូចេញ ទាហានថៃសងគុណ ដោយមករាយបន្លាលួសនៅព្រំដែន…
អាវុធហត្ថភ្នំពេញ ២៨នាក់ ទទួលបានខ្សែក្រវ៉ាត់ខ្មៅតេក្វាន់ដូកូរ៉េខាងត្បូង ១ដាន់ និង២ដាន់, ឧត្តមសេនីយ៍ឯក រ័ត្ន ស៊្រាង ទទួលបានខ្សែក្រវាត់ខ្មៅថ្នាក់៦ដាន់
យុទ្ធនាការ និយាយថា ទេ ចំពោះព័ត៌មានក្លែក្លាយ”ត្រូវបានបើកដំណើរការនៅក្រុងកំពង់ឆ្នាំង
នគរបាលក្រុងប៉ោយប៉ែតបង្រ្កាបបានខ្លះហើយក្មេងទំនើង១ក្រុម មានគ្នាជាង១០នាក់ ជិះម៉ូតូ០៥គ្រឿង ប្រដាប់ដោយ កាំបិតផ្គាក់ ដំបង និងដុំថ្មចូលទៅកាប់និងគប់ម៉ូតូរបស់បុគ្គលិកក្នុងហាងអាហារ១
កម្ពុជា ថៃចូលរួមប្រារព្ធពិធីបុណ្យវិសាខបូជានៅវត្តគិរីជុំចំការខ្នុរក្រុងសិរីសោភ័ណខេត្តបន្ទាយមានជ័យ
ឯកឧត្តម យិន ងួនកូលេនីន អនុរដ្ឋលេខាធិការ អញ្ជើញចុះពិនិត្យជាក់ស្តែងវឌ្ឍភាពការអនុវត្តវិធានការកាយទំនប់ដីដែលចាក់ចូលទន្លេសាបដោយក្រុមហ៊ុនឯកជន ក្នុងខេត្តកំពង់ឆ្នាំង
សមត្ថកិច្ចកំពង់ធំ បង្ក្រាបរថយន្តដឹកឈើខុសច្បាប់នៅស្រុកសន្ទុក ខណៈជនល្មើសរត់គេចខ្លួនបាត់ស្រមោល
សង្ក្រាន្តចូលឆ្នាំថ្មីឆ្នាំម្សាញ់ ៣ថ្ងៃ នៅខេត្តបន្ទាយមានជ័យមានភ្ញៀវជាតិ និងអន្តរជាតិជាង៦០ម៉ឺននាក់ មកលេងកម្សាន្ត
ទោះបីមមាញឹកក្នុងការងារសង្គម និងភារកិច្ចរបស់អង្គភាព ឧត្ដមសេនីយ៍ទោ សោម ស៊ុន មិនភ្លេចភារកិច្ចបម្រើអតីតយុទ្ធជនឡេីយ
ឯកឧត្តម នួន ផារ័ត្ន ដឹកនាំកិច្ចប្រជុំប្រចាំខែរបស់គណៈបញ្ជាការឯកភាពរដ្ឋបាលខេត្តកំពង់ធំ
ក្រុង-ស្រុកចំនួន៧នៅខេត្តកំពង់ធំរងផលប៉ះពាល់ទឹកជំនន់ទឹកភ្លៀង ធ្វើឱ្យខូចខាតស្រូវជាច្រើនហិចតា
អភិបាលរងខេត្តកំពង់ឆ្នាំងដាំដើមឈើព្រៃលិចទឹកចំនួន ២០០០ដើម (ប្រភេទដើមរាំង ) ចំណុចបឹងរូង ស្តីគងតូច ភូមិក្បាលកន្លង់ និងភូមិពាមឆ្កោក
ឧត្តមសេនីយ៍ទោ សោម ស៊ុន នាំយកអំណោយរបស់នាយឧត្តមសេនីយ៍ ម៉ៅ សុផាន់ ប្រគល់ជូនកងកម្លាំងចម្រុះ ការពារ ទប់ស្កាត់ និងបង្ក្រាបបទល្មើសធនធានធម្មជាតិ នៅតំបន់ព្រៃការពារស្នាក់ការ៤៤ និងព្រៃសហគមន៍ជាំស្មាច់ ក្នុងភូមិសាស្ត្រស្រុកសណ្តាន់
ឧត្តមសេនីយ៍ទោ សោម ស៊ុន ដឹកនាំកិច្ចប្រជុំត្រួតពិនិត្យ និងពង្រឹងភារកិច្ចការងារប្រវត្តិសាស្ត្រយោធា
លោក ចាន់ បញ្ញាវ័ន្ត បានដឹកនាំមន្ត្រីជំនាញចូលរួមវេទិការផ្សព្វផ្សាយ ស្ដីពីជំងឺផ្ដាសាយបក្សីដល់សិស្សានុសិស្ស និងប្រជាពលរដ្ឋ នៅស្រុកស្ទោង
រដ្ឋមន្ត្រីក្រសួងព័ត៌មាន លើកឡើងថា ការគ្រប់គ្រងសន្តិសុខព័ត៌មានឱ្យល្អ គឺដើម្បីកុំឱ្យ ប្រជាពលរដ្ឋយល់ច្រឡំ
ក្រសួងអធិការកិច្ច មានសមត្ថកិច្ច ចុះត្រួតពិនិត្យស្រាវជ្រាវ នៅតាមស្ថាប័ន ទាំងរឿងល្អ និងមិនល្អ