(ខេត្តកំពង់ធំ)៖ នៅព្រឹកថ្ងៃទី១៩ ខែមិថុនា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ អនុប្រធានអចិន្ត្រៃយ៍ នៃគណៈកម្មការ ការពារ គ្រប់គ្រង និងបង្ក្រាបបទល្មើសធនធាន ក្នុងភូមិសាស្ត្រខេត្តកំពង់ធំ បានដឹកនាំសហការី នាំយកអំណោយរបស់ឯកឧត្តមនាយឧត្តមសេនីយ៍ ម៉ៅ សុផាន់អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ប្រគល់ជូនកងកម្លាំងចម្រុះ ដែលកំពុងសហប្រតិបត្តិការក្នុងភារកិច្ចគ្រប់គ្រង ការពារ ទប់ស្កាត់ និងបង្ក្រាបបទល្មើសធនធានធម្មជាតិចំនួន ២គោលដៅស្ថិតនៅក្នុងតំបន់ព្រៃរក្សាទុក (រ៉េតបូក ឬព្រៃអង់តែន )និងព្រៃសហគមន៍ជាំស្មាច់ ស្ថិតក្នុងឃុំទំរីង ស្រុកសណ្តាន់ ខេត្តកំពង់ធំ ។
ឧត្តមសេនីយ៍ទោ សោម ស៊ុន បានផ្សព្វផ្សាយបទបញ្ជារបស់ប្រមុខរាជរដ្ឋាភិបាល នៃព្រះរាជាណាចក្រកម្ពុជា និងបទបញ្ជារបស់ឯកឧត្តម នាយឧត្តមសេនីយ៍ អគ្គមេបញ្ជាការនៃកងយោធពលខេមរភូមិន្ទ និងផែនការប្រើប្រាស់កម្លាំងសរុប វិធានការសរុប ក្នុងការ ការពារទប់ស្កាត់ និងបង្ក្រាបបទល្មើសធនធានធម្មជាតិ របស់គណៈបញ្ជាការឯកភាពរដ្ឋបាលខេត្តកំពង់ធំ ដែលត្រូវមានវិធានការយ៉ាងម៉ឺងម៉ាត់បំផុតក្នុងការ ការពារទប់ស្កាត់ និងបង្ក្រាបឲ្យបានជាដាច់ខាតនូវរាល់បទល្មើសធនធានធម្មជាតិ មិនឲ្យមានការកើតឡើងជាថ្មី។
ឧត្តមសេនីយ៍ទោ សោម ស៊ុន បានថ្លែងនូវការកោតសរសើរចំពោះកងកម្លាំងប្រដាប់អាវុធទាំងបី មន្ត្រីស្ថាប័នជំនាញ និងអាជ្ញាធរដែនដីគ្រប់លំដាប់ថ្នាក់ ដែលបានសហការគ្នាល្អ ចូលរួមក្នុងការការពារទប់ស្កាត់ និងបង្ក្រាបបទល្មើសធនធានធម្មជាតិ ក្នុងរយៈពេលជិតពីរខែកន្លងទៅនេះ ទទួលបានជោគជ័យ គួរជាទីមោទនៈ ដោយគ្មានការកាប់បំផ្លាញជាថ្មី។ ដោយឡែកចំពោះការកាប់ទន្ទ្រានក្នុងរយៈពេលកន្លងទៅ កងកម្លាំងចម្រុះ និងសមត្ថកិច្ចជំនាញ បាននឹងកំពុងបន្តគ្រប់គ្រង និងស្រាវជ្រាវវែកមុខរកជនល្មើស ដើម្បីកសាងសំណុំរឿងបញ្ជូនទៅតុលាការ អនុវត្តតាមនីតិវិធីច្បាប់ជាធរមាន។
នៅក្នុងឱកាសនេះ ឧត្តមសេនីយ៍ទោ សោម ស៊ុន បានប្រគល់ភារកិច្ចជូនកងកម្លាំងទាំងអស់ ត្រូវប្តេជ្ញាចិត្តដាច់ខាត ក្នុងការ ការពារ ទប់ស្កាត់ និងបង្ក្រាបបទល្មើសធនធានធម្មជាតិឲ្យមានប្រសិទ្ធភាពដាច់ខាត មិនឲ្យមានការកាប់ទន្ទ្រានព្រៃឈើជាថ្មី និងគ្រប់គ្រងដីដែលជនល្មើសបានកាប់ទន្ទ្រានរួចកន្លងទៅ ឲ្យនៅគង់វង្ស ដើម្បីស្រាវជ្រាវរកមុខសញ្ញាអនុវត្តន៍តាមនិតិវធីច្បាប់ ។ នៅក្នុងឱកាសនេះផងដែរមេបញ្ជាការតំបន់ប្រតិបត្តិការសឹករងកំពង់ធំ បាននាំយកនូវស្បៀងអាហារ គ្រឿងឧបភោគបរិភោគ ភេសជ្ជៈ.ប្រេងឥន្ទនះ និងសម្ភារៈសម្រាប់បម្រើមួយចំនួនទៀត ដែលជាអំណោយរបស់ឯកឧត្តម នាយឧត្តមសេនីយ៍ ម៉ៅ សុផាន់អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងទ័ពជើងគោក ជូនដល់កងកម្លាំងចម្រុះ ដើម្បីបន្តបម្រើឲ្យសកម្មភាពប្រតិបត្តិការបង្ក្រាបទល្មើសធនធានធម្មជាតិ ឲ្យទទួលបានជោគជ័យថ្មីៗ បន្ថែមទៀត។
ព័ត៌មានផ្សេងទៀត
វគ្គបណ្តុះបណ្តាលស្តីពីការប្រើប្រាស់ប្រព័ន្ធគ្រប់គ្រងទិន្នន័យអង្គភាពថ្នាក់ក្រោមជាតិ ដើម្បីធ្វើ បច្ចុប្បន្នភាពរចនាសម្ព័ន្ធ និងទិន្នន័យមន្ត្រីក្នុងវិស័យសុខាភិបាល នៅ តាមប៉ុស្តិ៍សុខភាព មណ្ឌលសុខភាព និងមន្ទីរពេទ្យបង្អែកផ្តល់សេវា សំណុំសកម្មភាពបង្គ្រប់កម្រិត១ និងកម្រិត២
មេបញ្ជាការតំបន់ប្រតិបត្តិការសឹករងកំពង់ធំ ផ្សព្វផ្សាយបទបញ្ជារបស់ឯកឧត្តមនាយឧត្តមសេនីយ៍ អគ្គមេបញ្ជាការនៃកងយោធពលខេមរភូមិន្ទ ស្តីពីការការពារ ទប់ស្កាត់ និងបង្ក្រាបបទល្មើសធនធានធម្មជាតិ
រដ្ឋបាលស្រុកកំពង់លែង ពិធីប្រកាសចូលកាន់តំណែងក្រុមប្រឹក្សាស្រុកកំពង់លែង អាណត្តិទី ៤ ចំនួន១៧រូប
នគរបាលការិយាល័យប្រឆាំងគ្រឿងញៀន ខេត្តកំពង់ឆ្នាំងឃាត់ខ្លួនជន់សង្ស័យពីរនាក់ពាក់ព័ន្ធករណីគ្រឿងញៀនជិត 1 គីឡូក្រាមបញ្ជូនទៅតុលាការ
អភិបាលខេត្តកំពង់ធំ ដាក់បទបញ្ជាដល់សមត្ថកិច្ចពាក់ព័ន្ធ ត្រូវរឹតបន្តឹង និងចាត់វិធានការឱ្យបានម៉ឺងម៉ាត់បំផុតចំពោះក្រុមក្មេងទំនើង ទាំងវិធានការរដ្ឋបាល និងវិធានការច្បាប់
តើពិតទេមន្ត្រី ក.ប.ប សាខារបស់ក្រសួងពាណិជ្ជកម្ម ចុះប្រមូលលុយពីអាជីវករ នៅផ្សារមាស ផ្អើលបិទតូបគ្រប់គ្នា
លោកឧត្តមសេនីយ៍ត្រី មាស យ៉ត ដឹកនាំកិច្ចប្រជុំ ផ្សព្វផ្សាយពីផែនការបើកវគ្គបំប៉នជំនាញដល់កងរាជអាវុធហត្ថខេត្តកំពង់ធំ ប្រចាំឆមាសទី១ ឆ្នាំ២០២៤
អភិបាលខេត្តពោធិ៍សាត់ចូលរួមប្រកាសជាមួយមន្ត្រីជំនាញនឹងប្រជាពលរដ្ឋ ក្នុងរដូវបិទនេសាទឃុំកំពង់ហ្លួង
ពិធីបុណ្យផ្កាប្រាក់សាមគ្គី សម្ពោធប្រឡាយទឹកពោធិឡើង និងឆ្លងអណ្តូងទឹក ក្រោមអធិបតីភាព ឯកឧត្តម ភួង សោភា រដ្ឋលេខាធិការក្រសួងអភិវឌ្ឍន៍ជនបទ
លោកឧត្តមសេនីយ៍ត្រី មាស យ៉ត បានអញ្ជើញក្នុងពិធីប្រកាសផ្លាស់ប្តូរមុខតំណែង ផ្ទេរភារកិច្ច និងបំពាក់ឋានន្តរសក្តិ ជូនយោធិននៃកងរាជអាវុធហត្ថខេត្តកំពង់ធំ
ឯកឧត្តម សោម ស៊ុន អញ្ជើញបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក អាណត្តិទី៤ នៅស្រុកសណ្ដាន់ ខេត្តកំពង់ធំ
លោកឧត្តមសេនីយ៍ទោ ម៉ែន លី និងក្រុមការងារចុះសួរសុខទុក្ខលោកវរសេនីយ៍ឯក ថោង ខេមរេ៉ត (វះគ្រោះក្នុងប្រមាត់) សម្រាកព្យាបាលជម្ងឺ នៅមន្ទីរពេទ្យកាល់ម៉ែត
ស្នងការនគរបាលខេត្តកំពង់ឆ្នាំងបានអញ្ជើញជាអធិបតីភាពក្នុងកម្មវិធីជួបសំណេះសំណាលនិងសួរសុខទុក្ខ ដល់មន្ត្រីនគរបាលជាតិផែនការងារសេនាធិការនៃស្នងការនគរបាលខេត្តកំពង់ឆ្នាំង
សមាជិកព្រឹទ្ធសភាជំរុញឲ្យព្រះសង្ឃគ្រប់ព្រះអង្គគោរពប្រតិបត្តិធម៌វិន័យព្រះពុទ្ធសាសនាឲ្យបានភ្ជាប់ខ្ជួន
កម្លាំងសមត្ថកិច្ច បានបើកប្រតិបត្តិការ ចុះស្រាវជ្រាវបង្ក្រាប ឃាត់ខ្លួនជានជាតិចិន៥នាក់ និងរឹបអូសគ្រឿងញៀន ជាង១តោន នៅលើដែនសមុទ្រ ខេត្តព្រះសីហនុ
ជនជាតិថៃ ចំនួន ២៥នាក់ លួចឆ្លងដែន និងស្នាក់នៅធ្វើការងារ ដោយខុសច្បាប់ នៅកម្ពុជា ត្រូវបានបណ្តេញចេញ
សង្វេគណាស់! គ្រួសារមួយក្រីក្រ ហើយភ្លើងឆេះផ្ទះខ្ទេច គ្មានសល់ទៀត សល់តែសំលៀកបំពាក់មួយចង្កេះជាប់ខ្លួន
រថយន្តដឹកលើសទម្ងន់ បង្កឲ្យស្ពានទ្រុតទ្រោម បាក់ស្រុត ពលរដ្ឋស្នើដល់ អាជ្ញាធរពាក់ព័ន្ធ ជួយទប់ស្កាត់ និងជួសជុលឡើងវិញ
បើកបរត្រូវគោរពច្បាប់ចរាចរណ៏ មនុស្ស២នាក់របួសធ្ងន់ ករណីគ្រោះថ្នាក់ចរាចរណ៏ បុកបន្តបន្ទាប់ ក្នុងទិសដៅស្របគ្នា
ក្រសួងមហាផ្ទៃ ដកតំណែង និងបណ្តេញចេញពីក្របខណ្ឌ នាយរងការិយាលយ័ គ្រប់គ្រងទិន្ននយ័ ស្ថិតិប្រជាពលរដ្ឋ