(កំពង់ធំ)៖ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ជំរុញមន្ទីរបរិស្ថានខេត្តកំពង់ធំសហការជាមួយមន្ទីរអប់រំ យុវជននិងកីឡា និងអាជ្ញាធរដែនដីផ្សព្វផ្សាយពីយុទ្ធសាស្ត្រចក្រាដល់ប្រជាពលរដ្ឋនិងសិក្សានុសិស្ស ដើម្បីធានាឱ្យបាននូវចីរភាពបរិស្ថាននិងសុក្រឹតកម្មបរិស្ថានកិច្ច ឆ្លើយតបទៅនឹងការប្រែប្រួលអាកាសធាតុ និងលើកកម្ពស់សេដ្ឋកិច្ចបៃតង សំដៅធានាសម្រេចគោលដៅនៃយុទ្ធសាស្រ្តបញ្ចកោណ គឺ«ជាប្រទេសអព្យាក្រឹតកាបូន និងមានគម្របព្រៃឈើ៦០ភាគរយ នៅឆ្នាំ២០៥០»។
ឯកឧត្តមបណ្ឌិត អ៊ាង សុផល្លែត ថ្លែងក្នុងពិធីសំណេះសំណាល និងសួរសុខទុក្ខជាមួយថ្នាក់ដឹកនាំ និងមន្ត្រីរាជការ នៃមន្ទីរបរិស្ថានខេត្តកំពង់ធំ នារសៀលថ្ងៃសុក្រ ទី០៧ ខែមិថុនា ឆ្នាំ២០២៤។
ជាមួយគ្នានេះឯកឧត្តមរដ្នមន្រ្តីបានថ្លែងអំណរគុណថ្នាក់ដឹកនាំនិងមន្រ្តីរបស់ក្រសួងបរិស្ថានទាំងអស់ ដែលបានបម្រើជាតិមាតុភូមិ ដែលរយៈពេលកន្លងមកនេះកម្ពុជាបានសម្រេចនូវសមិទ្ធផលជាច្រើនជាពិសេសការអនុវត្តយុទ្ធសាស្រ្តចក្រាវិស័យបរិស្ថាន ដែលផ្តោតលើមុំយុទ្ធសាស្រ្ត៣ គឺ ស្អាត បៃតង និងចីរភាព។ ភាពស្អាតគឺនៅក្នុងខេត្តកំពង់ធំ សិស្សនុសិស្ស លោកគ្រូអ្នកគ្រូ មន្រ្តីរាជការ អាជ្ញាធរគ្រប់លំដាប់ថ្នាក់ និងប្រជាពលរដ្ឋ បានចុលរួមជំរុញឱ្យយុទ្ធនាការ«ថ្ងៃនេះខ្ញុំមិនប្រើប្លាស្ទិកទេ»បានជោគជ័យ ដែលនៅទូទាំងប្រទេស មានអ្នកចូលរួមជាង ៨,៨លាននាក់។ ហើយជាមួយគ្នានេះ ប្រជាពលរដ្ឋ ជាពិសេសសិស្សានុសិស្ស នៅតាមសាលារៀន បានបណ្តុះភាពស្អាតពីក្នុងចិត្ត បន្តភាពស្អាតនៅខាងក្រៅ គឺជួយឱ្យសង្គមកម្ពុជាស្អាត ឆ្ពោះទៅកម្ពុជាមានកេរ្តិ៍ឈ្មោះស្អាតលើឆាកអន្តរជាតិ ជាជំហានៗ ក្នុងនោះបានកំពុងអនុវត្តយុទ្ធនាការ«កម្ពុជាស្អាត ខ្មែរធ្វើបាន»។
ឯកឧត្តមរដ្ឋមន្រ្តីបានមានប្រសាសន៍បន្តថា មន្ទីរត្រូវបន្តធ្វើការផ្សព្វផ្សាយដល់មន្ទីរ-អង្គភាព រដ្ឋបាលក្រុង ស្រុក ឃុំ សង្កាត់ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ឲ្យចូលរួមខិតខំថែរក្សាអនាម័យ សម្អាតបរិស្ថានជាប្រចាំ និងរក្សាសោភ័ណភាពបរិស្ថានបន្ថែមទៀតតាមរយៈការចូលរួមទាំងអស់គ្នា ជាពិសេសត្រូវខិតខំសិក្សាស្វែងយល់ពីផលប៉ះពាល់ដែលកើតមកពីថង់ប្លាស្ទីកដែលកំពុងនិយមប្រើប្រាស់ជាប្រចាំ ដោយរួមគ្នាខិតខំដោះស្រាយបញ្ហាសំណល់ប្លាស្ទិក សំដៅធ្វើឲ្យការប្រើប្រាស់ប្លាស្ទិក ត្រូវបានកាត់បន្ថយមកតិចបំផុត តាមដែលអាចធ្វើបាន។
ឯកឧត្តមបានជំរុញឱ្យមន្ទីរពង្រឹងកិច្ចសហការ ជាមួយអាជ្ញាធរគ្រប់ថ្នាក់ កងកម្លាំងប្រដាប់អាវុធ អ្នកពាក់ព័ន្ធ ពង្រឹងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តរបស់ខ្លួនឱ្យមានប្រសិទ្ធភាព ជាពិសេសការអនុវត្តអាទិភាពនៃវិធានការទប់ស្កាត់នឹងបង្រាបបទល្មើសធនធានធម្មជាតិ ក្នុងនោះគឺអនុវត្តច្បាប់១០០%ចំពោះជនល្មើស និងការបណ្តុះកូនឈើ ដើម្បីចែកជូនប្រជាពលរដ្ឋដាំឱ្យបានច្រើន ស្របតាមយុទ្ធនាការដាំឈើយ៉ាងតិច១លានដើម ជារៀងរាល់ឆ្នាំ។
សូមបញ្ជាក់ថា ក្នុងយុទ្ធនាការនេះ ក្រសួងបរិស្ថាននឹងរៀបចំពិធីផ្សព្វផ្សាយនិងពិព័ណ៍កូនឈើ ក្រោមប្រធានបទ «ពន្លកបៃតង» នៅថ្ងៃទី១០-១៦ ខែកក្កដា ឆ្នាំ២០២៤ ខាងមុខនៅទីស្តីការក្រសួងបរិស្ថាន។
ឯកឧត្តមបណ្ឌិត អ៊ាង សុផល្លែត បានបញ្ជាក់ការបំផុសស្មារតីរបស់សាធារណជនពិសេសស្រទាប់យុវជនឲ្យយល់ដឹងអំពីភាពបៃតង ដែលផ្តល់ប្រយោជន៍ដល់ជវិតរស់នៅរបស់មនុស្សជាតិ ជាពិសេសសុខភាពមនុស្ស និងគុណភាពបរិស្ថាន ដែលនេះជាឱកាសនៃការឆ្លុះបញ្ចាំងពីឆន្ទៈរួមគ្នា ដើម្បីបុព្វហេតុរួមចំណែកការពារ និងថែរក្សាគុណ ភាពបរិស្ថាន ភពផែនដីឲ្យឈានឆ្ពោះទៅរក្សានិរន្តរភាព និងភាពស្រស់បំព្រងសម្រាប់មនុស្សគឺចូលរួមដាំដើមឈើឲ្យបានច្រើននិងចូលរួមការពារទាំងអស់គ្នា៕ 
ព័ត៌មានផ្សេងទៀត
អភិបាលខេត្តកំពង់ធំ ដាក់បទបញ្ជាដល់សមត្ថកិច្ចពាក់ព័ន្ធ ត្រូវរឹតបន្តឹង និងចាត់វិធានការឱ្យបានម៉ឺងម៉ាត់បំផុតចំពោះក្រុមក្មេងទំនើង ទាំងវិធានការរដ្ឋបាល និងវិធានការច្បាប់
លោកឧត្តមសេនីយ៍ត្រី មាស យ៉ត ដឹកនាំកិច្ចប្រជុំ ផ្សព្វផ្សាយពីផែនការបើកវគ្គបំប៉នជំនាញដល់កងរាជអាវុធហត្ថខេត្តកំពង់ធំ ប្រចាំឆមាសទី១ ឆ្នាំ២០២៤
អភិបាលខេត្តពោធិ៍សាត់ចូលរួមប្រកាសជាមួយមន្ត្រីជំនាញនឹងប្រជាពលរដ្ឋ ក្នុងរដូវបិទនេសាទឃុំកំពង់ហ្លួង
ពិធីបុណ្យផ្កាប្រាក់សាមគ្គី សម្ពោធប្រឡាយទឹកពោធិឡើង និងឆ្លងអណ្តូងទឹក ក្រោមអធិបតីភាព ឯកឧត្តម ភួង សោភា រដ្ឋលេខាធិការក្រសួងអភិវឌ្ឍន៍ជនបទ
លោកឧត្តមសេនីយ៍ត្រី មាស យ៉ត បានអញ្ជើញក្នុងពិធីប្រកាសផ្លាស់ប្តូរមុខតំណែង ផ្ទេរភារកិច្ច និងបំពាក់ឋានន្តរសក្តិ ជូនយោធិននៃកងរាជអាវុធហត្ថខេត្តកំពង់ធំ
លោកឧត្តមសេនីយ៍ទោ ម៉ែន លី និងក្រុមការងារចុះសួរសុខទុក្ខលោកវរសេនីយ៍ឯក ថោង ខេមរេ៉ត (វះគ្រោះក្នុងប្រមាត់) សម្រាកព្យាបាលជម្ងឺ នៅមន្ទីរពេទ្យកាល់ម៉ែត
ស្នងការនគរបាលខេត្តកំពង់ឆ្នាំងបានអញ្ជើញជាអធិបតីភាពក្នុងកម្មវិធីជួបសំណេះសំណាលនិងសួរសុខទុក្ខ ដល់មន្ត្រីនគរបាលជាតិផែនការងារសេនាធិការនៃស្នងការនគរបាលខេត្តកំពង់ឆ្នាំង
សមាជិកព្រឹទ្ធសភាជំរុញឲ្យព្រះសង្ឃគ្រប់ព្រះអង្គគោរពប្រតិបត្តិធម៌វិន័យព្រះពុទ្ធសាសនាឲ្យបានភ្ជាប់ខ្ជួន
ជនជាតិថៃ ចំនួន ២៥នាក់ លួចឆ្លងដែន និងស្នាក់នៅធ្វើការងារ ដោយខុសច្បាប់ នៅកម្ពុជា ត្រូវបានបណ្តេញចេញ
រថយន្តដឹកលើសទម្ងន់ បង្កឲ្យស្ពានទ្រុតទ្រោម បាក់ស្រុត ពលរដ្ឋស្នើដល់ អាជ្ញាធរពាក់ព័ន្ធ ជួយទប់ស្កាត់ និងជួសជុលឡើងវិញ
បើកបរត្រូវគោរពច្បាប់ចរាចរណ៏ មនុស្ស២នាក់របួសធ្ងន់ ករណីគ្រោះថ្នាក់ចរាចរណ៏ បុកបន្តបន្ទាប់ ក្នុងទិសដៅស្របគ្នា
ក្រសួងមហាផ្ទៃ ដកតំណែង និងបណ្តេញចេញពីក្របខណ្ឌ នាយរងការិយាលយ័ គ្រប់គ្រងទិន្ននយ័ ស្ថិតិប្រជាពលរដ្ឋ
នាវាទេសចរណ៍យក្ស Westerdam បានត្រទ្បប់មកចូលចតនៅ កំពង់ផែព្រះសីហនុ ជាថ្មីម្តងទៀត ដោយនាំភ្ញៀវទេសចរ ប្រមាណ២ពាន់នាក់ ក្រោយចូលចត កាលពី៣ឆ្នាំមុន អំឡុងកូវីដ១៩ រួមចំណែកជំរុញ ដំណើរទេសចរណ៍ ផ្លូវសមុទ្រ មកដល់កម្ពុជា ឱ្យកាន់តែច្រើន
លោក ស៊ុយ សែម ដឹកនាំកិច្ចប្រជុំ ស្តីពីវិធានការបន្ទាន់ ក្នុងការដោះស្រាយបញ្ហាពាក់ព័ន្ធស្រូវអង្ករសម្រាប់រដូវប្រមូលផលស្រូវ
រដ្ឋមន្ត្រីក្រសួងកសិកម្ម ពិភាក្សាជាមួយអ្នកជំនាញមកពីសហរដ្ឋអាមេរិកលើកិច្ចសហប្រតិបត្តិការស្រាវជ្រាវដំឡូងមី
លោក ខៀវ សុភ័គ៖ សម្តេច ហ៊ុន សែន ឯកភាពអោយក្រសួងមហាផ្ទៃរៀបចំមាត្រាច្បាប់បន្ថែមដើម្បីដាក់ទោសអ្នកប្រមាថព្រះមហាក្សត្រ
លោក សម រង្ស៊ី ចាញ់ក្តីសម្តេច ហ៊ុន សែន ក្នុងសំណុំរឿងបរិហារកេរ្តិ៍អស់១លានដុល្លារ
អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់
ជប៉ុន ថា ឆ្នាំ២០១៧នេះ ទំនាក់ទំនងរវាងជប៉ុន និងកម្ពុជា គឺមានការវិឌ្ឍន៍លើគ្រប់វិស័យ
អ្នកនាំពាក្យគណបក្សប្រជាជនថា ការដោះស្រាយបញ្ហាព្រំដែន មិនមែនដើម្បីប្រជាប្រិយទេ