ខេត្តកំពង់ធំ៖ នៅព្រឹកថ្ងៃទី២៨ ខែឧសភា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ អនុប្រធានអចិន្ត្រៃយ៍គណៈកម្មការគ្រប់គ្រងការពារធនធានធម្មជាតិ អនុប្រធានគណបញ្ជាការឯកភាពរដ្ឋបាល ខេត្តកំពង់ធំ បានទៅត្រួតពិនិត្យសកម្មភាពនៃការកាប់បំផ្លាញធនធានធម្មជាតិ យកដីរដ្ឋធ្វើជាកម្មសិទ្ធិ ពីសំណាក់ជនល្មើស នាពេលកន្លងទៅ នៅក្នុងតំបន់ព្រៃសហគមន៍ និងព្រៃអង់តែន ក្នុងភូមិសាស្ត្រស្រុកសន្ទុក និងមួយផ្នែកក្នុងភូមិសាស្ត្រស្រុកសណ្ដាន់ និងសំណេះសំណេះសំណាលសាកសួរសុខទុក្ខ ប្រគល់ភារកិច្ចសំខាន់ៗ ជូនដល់កងកម្លាំងចម្រុះក្នុងការបន្តបង្ក្រាបបទល្មើសធនធានធម្មជាតិ ឲ្យមានប្រសិទ្ធភាព។
លោក ប៊ុន សុធី នាយខណ្ឌរដ្ឋបាលព្រៃឈើខេត្តកំពង់ធំ បានរាយការណ៍បញ្ជាក់ថា កន្លងមកនេះមានជនល្មើសមួយចំនួន តែងតែលបលួចធ្វើសកម្មភាព កាប់បំផ្លាញព្រៃសហគមន៍ និងព្រៃអង់តែន ដែលជាព្រៃរក្សាទុករបស់រដ្ឋ ដើម្បីទន្ទ្រានយកដីធ្វើជាកម្មសិទ្ធិ។ ហើយសកម្មភាពនេះកន្លងទៅតែងលបលួចធ្វើនៅពេលយប់ និងក្នុងពេលដែលមន្ត្រីរដ្ឋបាលព្រៃឈើ ជាប់រវល់ភារកិច្ច និងឈប់សម្រាកពេលបុណ្យទាន ។ ហើយមានពេលខ្លះនៅពេលដែលកម្លាំងរដ្ឋបាលព្រៃឈើធ្វើសកម្មភាពហាមឃាត់ ឬបង្ក្រាបត្រូវក្រុមជនល្មើសមួយចំនួនមានការគំរាមកំហែងដល់សមត្ថកិច្ចជំនាញថែមទៀតផង។
ឧត្តមសេនីយ៍ទោ សោមស៊ុន ក្នុងនាមអនុប្រធានគណបញ្ជាការឯកភាពរដ្ឋបាលខេត្ត អនុប្រធានអចិន្ត្រៃយ៍គណៈកម្មការគ្រប់គ្រងការពារធនធានធម្មជាតិខេត្តកំពង់ធំ បានថ្លែងអំណរគុណចំពោះកងកម្លាំងចម្រុះទាំងអស់ ដែលបានខិតខំបំពេញភារកិច្ចក្នុងរយៈពេលកន្លងមកទទួលបានជោគជ័យគួរជាទីមោទនៈ និងបានផ្សព្វផ្សាយបទបញ្ជារបស់ប្រមុខរាជរដ្ឋារាជរដ្ឋាភិបាល បទបញ្ជារបស់ឯកឧត្ដមអគ្គមេបញ្ជាការនៃកងយោធពលខេមរភូមិន្ទ និងផែនការរបស់គណបញ្ជាការឯកភាពរដ្ឋបាលខេត្តកំពង់ធំ ព្រមទាំងបានប្រគល់ភារកិច្ច ជូនដល់កងកម្លាំងទាំងអស់ ត្រូវតែប្តេជ្ញាចិត្តដាច់ខាត ការពារទប់ស្កាត់និងបង្ក្រាបឲ្យបាន នូវរាល់បទល្មើសធនធានធម្មជាតិមិនឲ្យកើតមានឡើងជាថ្មី ។ ដោយឡែកចំពោះដីព្រៃរបស់រដ្ឋ ដែលមានការកាប់ទន្ទ្រានកន្លងមក ត្រូវសហការគ្នាឲ្យបានហ្មត់ចត់ជាមួយស្ថាប័នជំនាញ ដែលមានការពាក់ព័ន្ធ ដើម្បីស្រាវជ្រាវរកជនល្មើស កសាងសំណុំរឿងបញ្ជូនទៅតុលាការចាត់វិធានការតាមផ្លូវច្បាប់ជាធរមាន។
នៅក្នុងឱកាសនេះផងដែរ ឧត្តមសេនីយ៍ទោ សោម ស៊ុន បាននាំយកនូវ គ្រឿងឧបភោគបរិភោគ និងថ្នាំពេទ្យមួយចំនួន ប្រគល់ជូនដល់កងកម្លាំងចម្រុះសម្រាប់ដោះស្រាយការហូបចុកប្រចាំថ្ងៃ និងសម្រាប់ព្យាបាលជំងឺបឋម ក្នុងពេលប្រតិបត្តិការ ដើម្បីបន្តធ្វើសកម្មភាព បង្ក្រាបបទល្មើសធនធានធម្មជាតិ ឱ្យទទួលបានជោគជ័យ ថ្មីៗបន្ថែមទៀត ។
ព័ត៌មានផ្សេងទៀត
អភិបាលស្រុកស្ទោង បានណែនាំដល់រដ្ឋបាលឃុំនិងប៉ុស្តិ៍នគរបាលព្រមទាំងអធិការដ្ឋានស្រុក ត្រូវពន្លឿនកិច្ចការឯកសារអត្រានុកូលដ្ឋាន ជូនប្រជាពលរដ្ឋឲ្យបានឆាប់រហ័ស
ការបោះឆ្នោតជ្រើសរើសសមាជិកក្រុមប្រឹក្សា នីតិកាលទី៤ ឆ្នាំ២០២៤ ត្រូវបានដំណើរការយ៉ាងរលូន និងចាប់ដំណើរការវេលាម៉ោង ៧.០០ ព្រឹក
រដ្ឋបាលខេត្តកំពង់ធំ ប្រារព្ធពិធីបុណ្យវិសាខបូជានៅបរិវេណវត្តឥន្ទ្រីយសំវរៈ(ហៅវត្តកំពង់ធំ)
លោកជំទាវ លំ គន្ធារី និងឯកឧត្តម ប្លុង ពុទ្ធកូរ៉ា អញ្ជើញជាអធិបតីក្នុងពិធីទិវាជាតិនៃការចងចាំ២០ ឧសភា នៅវត្តឌួងសូរិយា (ហៅវត្តក្តីដូង)
រដ្ឋបាលក្រុងស្ទឹងសែន បានប្រារព្ធពិធីទិវាជាតិនៃការចងចាំ២០ ឧសភា នៅបរិវេណវត្តស្រយ៉ូវ
សម្តេចធិបតី ហ៊ុន ម៉ាណែត អញ្ជើញចូលរួម ថ្លែងការណ៍រួមគ្នាជាមួយ ឯកឧត្តម សេដ្ឋា ថាវីស៊ីន (Srettha Thavisin) នាយករដ្ឋមន្ត្រី នៃព្រះរាជាណាចក្រថៃ
សម្តេចធិបតី ហ៊ុន ម៉ាណែត ជំរុញអាជ្ញាធរពាក់ព័ន្ធឲ្យពន្លឿនការចុះបញ្ជីដីព្រំដែនព្រៃលិចទឹកបឹងទន្លេសាប ដើម្បីថែរក្សាជីវៈចម្រុះ
លោកជំទាវ ម៉ែន នារីសោភ័គ និងលោកជំទាវ លំ គន្ធារី អញ្ជើញចុះសួរសុខទុក្ខ និងចែកអំណោយមនុស្សធម៌ ជូនដល់ស្ត្រីទើបសម្រាលកូនរួច និងត្រៀមសម្រាលកូន នៅមណ្ឌលសុខភាពព្រៃប្រស់
បញ្ជូនខ្លួនជនសង្ស័យ២នាក់ ទៅតុលាការ ពាក់ព័ន្ធករណីគ្រឿងញៀន
បញ្ជាការដ្ឋាន តំបន់ប្រតិបត្តិការសឹករងកំពង់ធំ ប្រារព្ធមីទិ្ទង អបអរសាទរ ខួបលើកទី៤៥ឆ្នាំ នៃទិវាជ័យជម្នះ៧ មករា ( ០៧-០១-១៩៧៩/-០៧-០១-២០២៤)
ឯកឧត្តម នេត្រ ភក្ត្រា អញ្ជើញជាអធិបតី ពិធីផ្សព្វផ្សាយ សេចក្តីសម្រេចចិត្តនៃ មហាសន្និបាតវិសាមញ្ញ តំណាងទូទាំងប្រទេស របស់គណបក្សប្រជាជនកម្ពុជា នៅខេត្តក្រចេះ
អគ្គីភ័យ បានលេបត្របាក់ ផ្ទះមួយខ្នង ឆេះក្លាយជាផេះ ខណ:ម្ចាស់រវល់ទៅហូបអី នៅទំនប់ទឹកស្អាត
ក្រសួងសាធារណការផាកពិន័យរថយន្តដឹកលើសទម្ងន់បានជាង៥រយលានរៀល សម្រាប់ខែធ្នូ ឆ្នាំ២០១៧
សង្គមស៊ីវិលសាទរចំពោះវិធានការក្តៅរបស់សមត្ថកិច្ចក្នុងការចាប់អ្នកជិះម៉ូតូដែលមិនពាក់មួកសុវត្ថិភាព
សម្តេច ស ខេង ប្រកាសលុបបំបាត់ការដាក់ប៉ុស្តិ៍ត្រួតពិនិត្យនៅទូទាំងប្រទេស
ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍
រដ្ឋាភិបាលកម្ពុជា សម្រេចបង្កើតក្រុមការងារដើម្បីធ្វើវិសោធនកម្មរដ្ឋធម្មនុញ្ញ
តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ
ចៅក្រមស៊ើបសួរ បដិសេធសំណើរលោក រ៉ុង ឈុន សុំជួបលោក កឹម សុខា នៅពន្ធនាគារ
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ ២០១៨ជាតិ